leun
Ur pennad eus ar Wikeriadur, ar geriadur liesyezhek frank a wirioù.
Taolenn |
Brezhoneg
Etimologiezh
- Diwar lon en henvrezhoneg.
- Meneget er C'hatolikon (leun).
- Da geñveriañ gant an anvioù-gwan llawn en kembraeg, lun en kerneveureg, lán en iwerzhoneg, lanos en galianeg.
Anv-gwan
leun /ˈlœ̃n/
- A zo ennañ kement ha ma c'hell endelc'her.
- Ar pesked avat, eno evel en traoñ, a oa leun o c’hof, [...]. — (Jakez Riou, An Ti Satanazet, Skridoù Breizh, 1944, p. 12.)
- A zo kalz ennañ, outañ, warnañ.
- Lom [...] a grogas da lavarout gant ur vouezh leun a druez hag a dristidigezh. — (Jakez Riou, An Ti Satanazet, Skridoù Breizh, 1944, p. 32.)
- Ne voe trouz ebet en ti. Job a selle ouzh Lom (ha vice versa) gant daoulagad du ha leun a rebechoù. — (Jakez Riou, An Ti Satanazet, Skridoù Breizh, 1944, p. 35.)
- A ! Lom, c’hwi hoc’h eus huñvreet henozh e teñzorioù, e palezioù leun a aour, a berlez hag a vein prizius [...] — (Jakez Riou, An Ti Satanazet, Skridoù Breizh, 1944, p. 74.)
- Implijet da sevel troiennoù-adverb : leun an ti, leun ar c'hof, gwelout a-leizh, e-leizh.
- Gwelloc’h eo tommañ ar c’horf gant banneoù leun ar c’hof, eget ne deo gant tommder an tan, n’eus forzh pegen tomm e c’hellfe bezañ rak nav bloavezh krazañ a ya gant ur sourrad avel. — (Lan Inizan, Emgann Kergidu 2, Brest, 1878, eil emb. Al Liamm 1977, p. 202.)
Gerioù enepster
Deveradoù
Gerioù kevrennek
Stummoù rannyezhel
- lan e Bro-Gwened hag e reter ar brezhonegva betek Bro-ouelo (kartenn an ALBB).
