e-unan

Brezhoneg

Etimologiezh

Diwar an anv-gwan perc'hennañ e hag unan.

Adverb

e-unan /eˈỹːnãn/, § hec'h-unan

Eñ hepken
- Gouzout a rae e vije barnet e-unan, er bed all, evel m'en divije barnet e nesañ war an douar. — (Lan Inizan, Emgann Kergidu 1, Brest, 1877, eil emb. Al Liamm 1977, p. 16.)
- Antren a ra hag e wel un den kozh e-unan e-tal an tan. — (Fañch an Uhel, Kontadennoù ar Bobl/2, Al Liamm, 1985, p. 159.)
- [...] ; e-unan ema eno, ha red eo d'eoc'h mont d'he gaout en noz kenta-ma. — (G. MILIN, Gwechall-goz e oa..., Kemper, 1924, p. 21.)
- N'eo ket kennebeut-all a-drugarez dezhañ e c'helle kemenerien ar vro lardañ druz o bara, rak troc'hañ ha gwriat a rae e-unan e dammoù dilhad. — (Jarl Priel, Va Zammig Buhez, Al Liamm, 1954, p. 20.)
- « Oi ! » emezañ, outañ e-unan, « ma karjen bezañ leuniet ma ficher a-barzh lazhañ an amprevan lous-se ! » — (Yeun ar Gow, E Skeud Tour Bras Sant Jermen, eil emb. Al Liamm, 1978, p. 26.)
- Ha Yun a daol war an daol, hag eñ e-unan o tieren. — (Jakez Riou, Geotenn ar Werc'hez ha danevelloù all, Al Liamm, 1957, p. 35.)
- Ne voe desket micher ebet din, hogen kenteliet mat e voen, gant va zad e-unan ha gant ar vistri-skol am boe d'am c'helenn. — (Daniel Defoe, lakaet e brezhoneg gant Yeun ar Gow, Abrobin, Al Liamm, 1964, p. 7.)
- [...], e felle dezhañ mont e-unan da glask ar bank bihan da lakaat dindan troad e vamm evit ma rofe houmañ dezhañ da zenañ. — (Abeozen, Pirc'hirin Kala-Goañv, Al Liamm, eil emb. 1986, p. 11.)
- Deut e oa an Tad-Mestr e-unan da gelenn ar skoliad. — (Youenn Drezen, Sizhun ar Breur Arturo, Al Liamm, 1971, p. 16.)
- Daoust d'ar bugel iskis bezañ ker speredek hag an Droug-Spered e-unan, e chomo den dre ar galon. — (Langleiz, Romant ar Roue Arzhur/levrenn I : Marzhin, Al Liamm, 1975, p. 16.)
- [...], zoken ma ne oa ket gwall-gempenn eñ e-unan, [...]. — (Pêr Denez, Glas evel daoulagad c'hlas na oant ket ma re, Al Liamm, 1979, p. 14.)
- [...], e voe savet trumm ar golo anezhañ gant Olier Kerangwenn e-unan, [...]. — (Jakez Konan, Lannevern e kañv ha danevelloù all, Al Liamm, 1980, p. 25.)
- Eñ a oa kroaziet gantañ e zivrec'h ha pleget e benn, en e soñj e-unan. — (Anatol ar Braz, lakaet e brezhoneg gant Erwan ar Moal, Mojenn an Ankou, Mouladurioù Hor Yezh, 1986, p. 34.)
- [...] ha n'eo ket bet paouezet gant e c'houlennoù goapaus ma vez-eñ e-unan o tegas ar respontoù peurliesañ. — (Mich Beyer, Seizh Devezh Warn-ugent, An Alarc'h Embannadurioù, 2006, p. 13.)
- Met eñ e-unan a save hiniennoù ivez dre guzh. — (Fañch Peru, Kañfarded Milin ar Wern, Skol Vreizh, 2008, p. 19.)
bezañ, chom e-unan:
- N'emañ ket e-unan evit doare. — (Goulc'han Kervella, Brezel ar Rigadell, Al Liamm, 1994, p. 13.)
- Gwir eo n'emañ ket e-unan. — (Jules Gros, Le trésor du breton parlé Troisième Partie, 1974, p. 37.)
- ’Vel ma oa chomet e-unan e c'hoantaas mont da vale bro, [...]. — (Fañch an Uhel, Kontadennoù ar Bobl/3, Al Liamm, 1988, p. 175.)
mont e-unan (pa gomzer eus ur bugel)
- Bet eo o vond e-unan. — (Jules Gros, Le trésor du breton parlé Deuxième Partie, 1970, p. 46.) — (Jules Gros, Le trésor du breton parlé Troisième Partie, 1974, p. 181.)
Da greñvaat un araogenn displeget:
- Aferioù ur gwaz a sell outañ e-unan, [...]. — (Yann Gerven, Brestiz o vreskenn, Al Liamm, 1986, p. 14.)
- Droug a oa ennañ, Droug outañ e-unan. — (Roparz Hemon, An Ti a Drizek Siminal, Al Liamm, 1956, p. 12.)
- C'hoant an nevoa da gaout pep tra evitan e-unan : [...]. — (Erwan ar Moal, Pipi Gonto, Kemper, 1925, p. 2.)