stripoù

Brezhoneg

Etimologiezh

Diwar strip hag -où.

Anv-kadarn

stripoù /ˈstripːu/ liester

1. Bouzelloù al loened
   • — « [...]. Evidon-me, me n' em eus ken naon nemet d' az tispenn, ha da zispenn a rin gant va ivinoù, evel dispenn stripoù. [...]. » — (Troude ha Milin, Labous ar Wirionez ha Marvailhoù all, Skridoù Breizh, 1950, p. 144.)
   • Din-me 'koust arc'hant ma femoc'h 'Rankan gwerzhañ stripoù ha kaoc'h. Son an anduilhenn.
2. (Ent strizh) Meuz fardet gant bouzelloù ha stomog an daskirierien
   • "Klev 'ta, Paol. Pell zo ne'm eus ket gwelet da vamm. Skriv dezhi ez erruimp diriaou da zebriñ stripoù." — (Ernest ar Barzhig, Minna ha danevelloù all..., Mouladurioù Hor Yezh, 1988, p. 147.)
   • — Diwall gant ar re-se, eme Ron. Tapet e vezer 'wechoù pa zebrer anezho. A bep seurt blaz zo. Ma'z pez chañs e kavi chokolad, bent, orañjez. Met gwechoù 'vez en em gaver gant pinochez, avu pe stripoù. [...]. — (J.K. Rowling, lakaet e brezhoneg gant Mark Kerrain, Harry Potter ha Maen ar Furien, An Amzer embanner, 2012, p. 111.)

Gerioù heñvelster

• togonoù

Troioù-lavar

• dougen e stripoù a-us d'e votoù
• ober stripoù gant unan bennak, gant un dra bennak : lakaat unan bennak pe un dra e tammoù, terriñ anezhañ

Troidigezhioù

• galleg : tripes ^(fr)