nann

Gwelet ivez : nann-

Brezhoneg

Etimologiezh

→ Etimologiezh da glokaat (Ouzhpennañ)

Adverb

nann /ˈnãnː/

1. Ger implijet evit respont a-du gant ur goulenn er stumm-nac'h.
   • - ... n'eo ket graet c'hoazh an euredoù? -Nann, n'int ket graet c'hoazh ... — (Fañch an Uhel, Kontadennoù ar Bobl/1, Al Liamm, 1984, p. 26.)
   • -Demat deoc’h, Priñsezed, a laras Teodor, ne anavezet ket ac'hanon? -Nann avat, a larjont o-zeir. — (Fañch an Uhel, Kontadennoù ar Bobl/1, Al Liamm, 1984, p. 132.)
   • - Ha n'o deus graet droug ebet dit? — Nann avat, mamm, n'o deus graet droug ebet din. — (Fañch an Uhel, Kontadennoù ar Bobl/1, Al Liamm, 1984, p. 294.)
   • - N'eo ket deuet ma levr ganit? — Nann 'zo 'walc'h;... — (Fañch an Uhel, Kontadennoù ar Bobl/1, Al Liamm, 1984, p. 294.)
   • - N'hoc'h eus ket gwelet ur briñsez kaer dre amañ? a lar dezhi. — Nann, sur, Aotrou. — (Fañch an Uhel, Kontadennoù ar Bobl/3, Al Liamm, 1988, p. 28.)
   • N'hoc'h eus ket gwelet ivez ma mab? — Nann, sur, Itron. — (Fañch an Uhel, Kontadennoù ar Bobl/3, Al Liamm, 1988, p. 29.)
   • N'em gavet ket gwelloc'h, gwreg paour? a lar dezhi.— Nann, sur, allas! — (Fañch an Uhel, Kontadennoù ar Bobl/3, Al Liamm, 1988, p. 30.)
   • -N'hoc'h eus ket gwelet an tort ivez, paotred, un tu bennak? — Nann avat, emeze; ... — (Fañch an Uhel, Kontadennoù ar Bobl/3, Al Liamm, 1988, p. 94.)
   • -Petra, Sir, n'hoc'h eus ket tri mab? — Nann avat, n'am eus nemet daou vab. — (Fañch an Uhel, Kontadennoù ar Bobl/3, Al Liamm, 1988, p. 95.)

• « N' eus ket ezhomm a c'hlaou ? » emezañ.
  « Nann, » eme ar Bihan. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 230.)

1. • — C'hwi n’oc’h ket bet betek feunteun Sant-Haran, Jarlig kozh ?… N’oc’h ket bet o c’hervel an Dukez ?
     — Nann, va faotr, nann ! Ne oan ket moarvat kreñv a-walc’h. — (Fañch al Lae, Bilzig, Kemper, 1925, p. 46.)
   • N’ho po ket ken ? –Nann, leun eo ma c'hof. — (Jules Gros, Le trésor du breton parlé Deuxième Partie, 1970, p. 275.)
   • N’ho po ket ken ? –Nann met ar paotr a zo aet davit. — (Jules Gros, Le trésor du breton parlé Deuxième Partie, 1970, p. 364.)
2. Ger implijet evit mont a-du gant ur stumm-nac'h ha n'eo ket ur goulenn :
   • - ... kement-se ne c'hall ket bezañ graet ... . -Nann da avat ! — (Fañch an Uhel, Kontadennoù ar Bobl/1, Al Liamm, 1984, p. 26.)
   • -Hola! a laras neuze ar priñs, c'hwi na bokfet ket din-me, na d'am mamm ivez ! — Nann ! nann, eme an tad ; ... — (Fañch an Uhel, Kontadennoù ar Bobl/3, Al Liamm, 1988, p. 103.)
3. lavarout nann, respont nann
   • [...], ne din ket da lavarout nann, [...]. — (Jarl Priel, Va Zammig Buhez, Al Liamm, 1954, p. 104.)
4. implijet goude n'eus forzh peseurt goulenn
   • ... goût a rez pelec'h emañ kastell ar c'horf-hep-ene? ... — Nann, ne ouzon ket ... — (Fañch an Uhel, Kontadennoù ar Bobl/1, Al Liamm, 1984, p. 31.)
   • Ha pell emañ c'hoazh Pariz ? ... — Nann avat, ... — (Fañch an Uhel, Kontadennoù ar Bobl/1, Al Liamm, 1984, p. 44.)
   • - Dont a raio Godig ganin ivez? ... — Nann, nann, hoc'h-unan ec'h efet; ... — (Fañch an Uhel, Kontadennoù ar Bobl/1, Al Liamm, 1984, p. 294.)
   • ... ; er gambr e vo aozet ur gwele deoc'h mar karet? — Nann, nann, amañ eo e fell din bezañ. — (Fañch an Uhel, Kontadennoù ar Bobl/3, Al Liamm, 1988, p. 29.)
   • Sur hoc'h eus ur c'homper? — 'Nann, avat. — (Fañch an Uhel, Kontadennoù ar Bobl/3, Al Liamm, 1988, p. 165.)
   • — Paotred, hor breudeur a zo e krok ouc'h ar republikaned ; ha chom a raimp-ni aman ?
     — Nann, nann, eme ni a-unan, d'eomp araok ! — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 15.)
5. Da eilgeriañ kontrol d'ar pezh zo bet laret (urzh roet, aotre goulennet ), hep na vefe bet goulenn ebet:
   • — Goulenn diganen un dra bennak all, arc'hant, aour, kement ha ma kari. — Nann, an teir friñsez eo ret din da gaout. — (Fañch an Uhel, Kontadennoù ar Bobl/1, Al Liamm, 1984, p. 21.)
   • ... debr an nebeud a chom eus ma c'horf... — Nann, ne rin ket se ... — (Fañch an Uhel, Kontadennoù ar Bobl/1, Al Liamm, 1984, p. 24.)
   • ... ; met goulennet kement ha ma karfet a aour hag a arc'hant hag ho po. — Nann, nann! Se pe netra. — (Fañch an Uhel, Kontadennoù ar Bobl/3, Al Liamm, 1988, p. 29.)
   • An amiegez ... a c'houlenn mont er-maez. — Nann, n'aio den er-maez c'hoazh, eme ar roue .... — (Fañch an Uhel, Kontadennoù ar Bobl/3, Al Liamm, 1988, p. 133.)
6. Ha n'eo ket. Merkañ a ra ezvezañs ar perzh talvezet gant an anv-gwan a zo war e lerc'h.
   • Eo, dimezet on, met nann euredet c'hoazh. — (Fañch an Uhel, Kontadennoù ar Bobl/1, Al Liamm, 1984, p. 151.)
   • Lavarit dezhañ kenavo, gant ho kalon, ha nann gant fae, diwar beg ho teod. — (Jakez Riou, Troiou-Kamm Alanig al Louarn I, Gwalarn niv. 89, Ebrel 1936, p. 73.)
   • O zud-kaer o dileze, pa ne deuent ket da gerc'hat, war-lerc'h ar marv, an arrebeuri hag an traoù all o doa, emezo, nann roet, met prestet. — (Mab an Dig, Rondel Goz Sandrione, Bleun-Brug, niv. 96, Genver-C'hwevrer 1957, p. 7.)
   • ... ar gristenien a gaved'eze gwelet, nan o c'hoar, mes Jezuz-Krist ... — (BUAS, p. 412.)
   • Gant furnez, da lavaret eo o c'hemer [ar plijadurioù] pa ve ar mare d'henn ober, ha nann pa vez ar mare da labourat... — (BUAS, p. 844.)
   • Bezañ int servijerien, nann da Zoue, mes d'an droukspered. — (SAAQ, p. 175.)
7. pe nann
   • ... ne ouie pe vont d'ar foar pe nann. — (Fañch an Uhel, Kontadennoù ar Bobl/5, Al Liamm, 1994, p. 172.)

Troioù-lavar

• nann avat
• nann da
• nann sur
• perak nann
• ya pe nann

Troidigezhioù

• galleg : non ^(fr)

Gwelet ivez

• ya
• eo

Gwelet ivez

• Ar pennad « nann » e-barzh Wikipedia