kas an dorzh d'ar gêr

Brezhoneg

Etimologiezh

Diwar ar verb kas, ar ger-mell strizh an, an anv-kadarn torzh, an araogenn d', ar ger-mell strizh ar hag an anv-kadarn kêr.

Troienn verb

kas an dorzh d'ar gêr /Distagadur ?/

1. Talvezout e wall da unan bennak ; respont prim ha taer d'ur flemmadenn, d'un drougober:
   • buan e respont hec'h-unan evit tennañ he zad eus nec'hamant hag evit kas an dorzh d'ar gêr da Yann-gozh, an den kurius. — (Loeiz ar Floc'h, Trubuilhou ar seiz potr yaouank, 1927, p. 47.)
   • « Mat tre ! » eme unan—all. « Setu aze kas an dorz d’ar gêr, hag a zoare !… . » — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. ....)
   • — Dalit, Aotrou, eme Lindsay, kaset am eus ho torzh d'ar gêr ! — (Jarl Priel, An Teirgwern Pembroke, Al Liamm, 1959, p. 69.)
   • Met an Dardouped, paotred taer ha mat d'en em gannañ, a gase an dorzh d'ar gêr e-giz-mañ :
     Bidar,
     Bleo war e c'har,
     Bleo war e feuskenn
     Da droc'ha gant an heskenn. — (Yeun ar Gow, E Skeud Tour Bras Sant Jermen, eil emb. Al Liamm, 1978, p. 228.)
   • Ne'm boa ket bet amzer da gas an dorzh d'ar gêr d'ar marmouz bihan-se. — (Herve ar Gall, Koulz ar c'hastrilhez, Embannadurioù Al Liamm, 2008, p. 64.)
   • O c'hentañ preder bremañ e oa klask penaos kas an dorzh d'ar gêr da Valfoy. — (J.K. Rowling, lakaet e brezhoneg gant Mark Kerrain, Harry Potter ha Maen ar Furien, An Amzer embanner, 2012, p. 171.)

Troidigezhioù

• galleg : rendre la monnaie de la pièce ^(fr) , rendre la pareille ^(fr) , renvoyer la balle ^(fr)