kaout keuz

Brezhoneg

Eus kaout ha keuz.

Troienn verb

kaout keuz

1. Kaout kerse o soñjal e vije bet gwell ober en un doare all
   • Ma vije bet ret din mont d'az klask az pije bet keuz. — (Fañch an Uhel, Kontadennoù ar Bobl/2, Al Liamm, 1985, p. 63.)
   • Ar vaouez a glask lakaat he gwaz — [...] — da vevel dindani he devez tro atav da gaout keuz abred pe ziwezhat. — (Yann-Vari Perrot, E-tal ar poull, C'HOARIVA BREZHONEK, Pemp pezh-c'hoari berr, Skridoù Breizh, 1944, p. 56.)
2. kaout keuz da un den, da un dra
   • Ha me 'm eus keuz d'am far A zo aet d'an douar. Kanaouenn>.
   • Ma c'hazh rous am eus keuz dezhañ. — (Jules Gros, Le trésor du breton parlé Deuxième Partie, 1970, p. 254.)
   • Mestrez ha rouanez e oa eno eta, ha ma vije bet ganti he zad, n' he dije keuz ebet da di he lezvamm. — (Fañch an Uhel, Kontadennoù ar Bobl/1, Al Liamm, 1984, p. 174.)
   • Neuze ‘devo keuz ar wreg d'he amzer dremenet, SBI 2/28
   • Ne diskouezent kaout keuz ebet d'o breur yaouank, — (Fañch an Uhel, Kontadennoù ar Bobl/1, Al Liamm, 1984, p. 22.)
   • N’he dije keuz ebet da di he lezvamm, — (Fañch an Uhel, Kontadennoù ar Bobl/1, Al Liamm, 1984, p. 174.)
   • Louizig en devoe keuz bras d'e bluenn. — (Fañch an Uhel, Kontadennoù ar Bobl/2, Al Liamm, 1985, p. 164.)
   • Keuz he deus d'he dañvad, — (Fañch an Uhel, Kontadennoù ar Bobl/3, Al Liamm, 1988, p. 149.)
   • En dije keuz da genvreudeur o doa bet kement a garantez outañ, EK 1/43
   • Louiz a ziskouez kaout keuz da honnezh, — (Jules Gros, Le trésor du breton parlé Deuxième Partie, 1970, p. 110.)
   • Kalz a geuz az pe dezhañ ? LAWI 84
   • Kalz a geuz n’eus ket bet d’ar suner divalav, EZM 182
   • Me n’am eus ket a geuz d’am zi kozh, — (TBP 1, p. 126.)
   • N’az-teus ket a geuz d’az pro ? — (Jules Gros, Le trésor du breton parlé Deuxième Partie, 1970, p. 254.)
   • Hennezh n’en deus ket a geuz d’e wreg, — (Jules Gros, Le trésor du breton parlé Deuxième Partie, 1970, p. 254.)
   • keuz am eus d'am arc'hant. — (Jules Gros, Le trésor du breton parlé Troisième Partie, 1974, p. 75.)
   • Keuz am eus d'am ya. — (Jules Gros, Le trésor du breton parlé Deuxième Partie, 1970, p. 254.)
3. kaout keuz da ober un dra, da vezañ graet un dra:
   • ..., ha penaos, pa yeas ar maout gant ar Saozon, o devoe keuz ar C'hallaoued da vezañ chomet hep degas Bretoned ganto, ... — (Yeun ar Gow, E Skeud Tour Bras Sant Jermen, eil emb. Al Liamm, 1978, p. 34.)