kaout c'hoant da ober

Ar plac'hig he deus c'hoant da c'hoari.

Brezhoneg

Etimologiezh

Savet gant kaout c'hoant, da, hag ober

Troienn verb

kaout c'hoant da ober (tra pe dra)

1. da ober
   • C’hoant am eus da ober un tamm lez dezhi, — (Fañch an Uhel, Kontadennoù ar Bobl/1, Al Liamm, 1984, p. 148.)
   • — [...]. Ne lavarign ket d'eoc'houi zoken ar pez am beuz c'hoant da ober. [...]. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 86.)
   • Ne ouzoc'h ket petra am boa c'hoant da ober en eur vont ken tost-ze d'ar sitoyaned ? — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 88.)
   • Ho c'hounta em boa c'hoant da ober evit gouzout ped oant. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 88.)
   • Daoust ha c'hoant en deuz da zont var he giz d'ar gear araok peur-achui he drubarderez ? — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 168.)
   • Petra livirit ? N'ouzon ket petra hoc'h eus c'hoant da ober. — (Yann-Vari Perrot, E-tal ar poull, C'HOARIVA BREZHONEK, Pemp pezh-c'hoari berr, Skridoù Breizh, 1944, p. 48.)
   • Me n'azezin ket : c'hoant am eus d'ober kof-gar. — (Jules Gros, Le trésor du breton parlé Deuxième Partie, 1970, p. 276.)
   • Kaer am boa kaout c’hoant d’ober ur skolaer gant ma mab n’em eus ket gallet ober, — (Jules Gros, Le trésor du breton parlé Première Partie, 1966, p. 187.)
2. gant verboù all:
   • Neuze, a-benn eur pennad, deut da veza skuiz er gear, me am beus bet c’hoant da anaout ar bed hag oun deut ama, arc’hant a-walc’h ganen evit beva eur pennad. — (G. MILIN, Gwechall-goz e oa..., Kemper, 1924, p. 6.)
   • Me am eus c'hoant da vale bro . — (Jules Gros, Le trésor du breton parlé Deuxième Partie, 1970, p. 130.)
   • Pa en devije c’hoant da vezañ tennet er-maez, — (Fañch an Uhel, Kontadennoù ar Bobl/1, Al Liamm, 1984, p. 17.)
   • Me am eus c'hoant da deskiñ alamaneg. — (Loeiz ar C'hlerg, Ma beaj Londrez, Sant-Brieg, 1910, p. 66.)
   • C'hoant am eus da deskiñ iwerzhoneg. — (Loeiz ar C'hlerg, Ma beaj Londrez, Sant-Brieg, 1910, p. 67.)
   • [...], ha n'em boa ket a c'hoant da zigalounekaat. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 87.)
   • ... dre m'he devoa bremaik muioc'h a c'hoant da zimeziñ gant yannig eget da vont d'an dour d'en em veuziñ — (Troude ha Milin, Labous ar Wirionez ha Marvailhoù all, Skridoù Breizh, 1950, p. 67.)
   • N’em boa ket a c’hoant da ziruskañ e groc’hen, — (Jules Gros, Le trésor du breton parlé Première Partie, 1966, p. 73.)
   • C’hoant o deus d’en em dennañ a-gostez. — (Lan Inizan, Emgann Kergidu 1, Brest, 1877, eil emb. Al Liamm 1977, p. 198.)
   • Pêr en doa c'hoant da furchañ betek ar foñs, abalamour da gaout ur gouign a bep seurt ; mez Kolaig a viras outañ, hag a lavaras dezhañ kemeret diwar-c'horre ma karje, rak ned ae ket, evit un dousenn hepken, da zirenkañ e banerad kouignoù eus an nec'h d'an traoñ. — (Lan Inizan, Toull al Lakez, Brest-Kemper, 1878, Kemper, 1930, p. 13.)
   • ... a mar o heus, otro, hoand da gleued ar bris ... (ha mar hoc'h eus c'hoant, aotrou, da glevout ar briz), — (Louis Eunius, p. 613.)
   • C'hoant am befe a-wechoù da grediñ. — (?, p. ?.)
   • C’hoant am eus da labourat un tamm douar ha da hadañ. — (Lan Inizan, Emgann Kergidu 1, Brest, 1877, eil emb. Al Liamm 1977, p. 44.)
   • Hag en doa c’hoant d’her lakaat da vezañ lazhet. — (Lan Inizan, Emgann Kergidu 1, Brest, 1877, eil emb. Al Liamm 1977, p. 197.)
   • Ret eo krediñ en doa bet c'hoant ar soudard da lammat dreist ar ganol ... — (Lan Inizan, Emgann Kergidu 1, Brest, 1877, eil emb. Al Liamm 1977, p. 224.)
   • C'hoant 'peus da lavaret - penôs, arôk lakat anezan war baper, eo red gouzout pesenrt ment en deus? An Hini goz o vont da denna he foltred, 4
   • kaout c’hoant da dennañ panez eus gouzoug ur c’hi : kaout c'hoant d’ober un dra dibosubl
   • — [...] C'hoant ho poa da dennan warnoc'h sellou ho konsorted ha da voutan anê war ar jendarmed ? — (Erwan ar Moal, Pipi Gonto, Kemper, 1925, p. 168.)
3. kaout c'hoant a-walc'h, c'hoant bras, c'hoant kaer, …
   • kaout c'hoant a-walc'h da ober udb
   • kaout c'hoant bras da ober udb
   • kaout c'hoant kaer da ober udb

Krennlavarioù

• Pa vez c'hoant d'ober berzh
  Gwelloc'h ijin eget nerzh.
• Ret eo gortoz ar c'haol da boac'hat (= da boazhat)
  Pa vez c'hoant d'ober soubenn vat.

Pennad kar

• bezañ c'hoant
• kaout c'hoant da vont