iskis

Brezhoneg

Etimologiezh

Diwar ar ger gallek exquis, anavet e yezh Leon dreist-holl (gwelout : eveek).

Anv-gwan

Derez	Furm
Derez-plaen	iskis
Derez-uheloc'h	iskisoc'h
Derez-uhelañ	iskisañ
Derez-estlammiñ	iskisat

iskis /ˈiskis/

1. Divalav.
2. (Dre astenn-ster) Divoas, a laka unan bennak da souezhañ (diwar-benn neuz an dud, al loened, an traoù ; diwar-benn doare an darvoudoù)
   • N'eo ket iskis evit gwir, en dije keuz da genvreudeur hag o doa bet kement a garantez outañ, [...]. — (Lan Inizan, Emgann Kergidu 1, Brest, 1877, eil emb. Al Liamm 1977, p. 43.)
   • Marteze e kavot iskiz va c'hlevet, guir eo evelato ar pez a lavaran. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 51.)
   • Kerlaban. — [...] ? Na pebez marvailhou iskis a zo ganeoc'h c'houi ! — (Yann-Vari Perrot, An Aotrou Kerlaban Pez farsus e 3 Arvest, Brest, 1922, p. 19.)
   • [...]: an dimezi end-êun a reas kalz a drouz er vro, abalamour d'an ozac'h yaouank a oa eun den hag a veve en eur c'hiz iskiz, [...]. — (Erwan ar Moal, Pipi Gonto, Kemper, 1925, p. 47.)

Deveradoù

• iskisted
• iskister
• iskizadenn
• bras-iskis
• uhel-iskis

Troidigezhioù

• alamaneg : seltsam ^(de) , sonderbar ^(de)
• galleg : affreux ^(fr) , laid ^(fr)  ; baroque ^(fr) , bizarre ^(fr) , étrange ^(fr)  ; cruel ^(fr) , sévère ^(fr)  ; horrible ^(fr) , terrible ^(fr)
• saozneg : strange ^(en) , queer ^(en) , odd ^(en)