hevelep

Brezhoneg

Etimologiezh

Savet diwar heñvel pe hañval.

Meneget er C'hatolikon (heuelep).

Da geñveriañ gant ar gerioù cyffelyb, hefelydd en kembraeg, hevelep en kerneveureg.

Anv-gwan

hevelep /heˈveːlep/

1. (Dirak un anv-kadarn amstrizh): a zo heñvel ouzh ar re-se, a zo eus ar seurt-se.
   • Un hevelep den, hevelep tud.
   • Hevelep tad, hevelep mab. — (Grammaire bretonne du Dialecte de Tréguier, p. 138.).
   • ... me ne fell ket din kouezañ e-touez hevelep tud... — (Loeiz ar Floc'h, Trubuilhou ar seiz potr yaouank, 1927, p. 52.)
   • Hogen, ar paotr kozh a deuas da gaout e-giz mezh o tougen un hevelep berniad reun. — (Ivon Krog, Eur Zac'had Marvailhou, Buhez Breiz, Kemper, 1924, p. 34.)
2. Gant ar ger-mell amstrizh:
   • N’em boa biskoaz klevet eun hevelep mouez : ... — (Lan Inizan, Emgann Kergidu 1, Brest, 1877, eil emb. Al Liamm 1977, p. 40.)
   • ...e lakejont eur penn-glin d’an douar ; n’oa ket avad evit adori Mirabeau e oa, mez, evel a lavaran d’ehoc’h, evit guelet penaoz ec’h achuche eun hevelep diskianterez. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 198.)
   • Tud an ti, oll, a vouele dourek o velet eun hevelep karantez etre diou c’hoar. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 198.)
3. (Dirak un anv-kadarn strizh peurvuiañ) Ha n'eo ket disheñvel; memes .
   • Hevelep tra, an hevelep tra : memes tra, ar memes tra.
   • 'Etrezoc'h e kaven kalz a heñvelidigezh ! hevelep torgenn war ho kein krommet, hevelep barv broc'h louet! ZMRV 196
   • Al levran, ar sparfell hag ar wenanenn a lavaras hevelep tra da Venedisite. — (Gab Milin, Marvailhoù Bro-Leon, Hor Yezh, 1999, p. 120.)
   • Bez int disclœryet sujed d’an deportacion, barnet ha punisset en hevelep guiz-se, ... — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 174.)
4. En droienn hevelep evel
   • An hevelep trouz a oa gante evel gant ar mor war an tornod... — (Erwan ar Moal, Pipi Gonto, Kemper, 1925, p. 166.).
5. en droienn hevelep gant
   • Ni, Breiziz Breiz-Izel a zo tud hag a zo euz an henvelep gouenn gant Keumriz hag Iwerzoniz; [...]. — (OLIER, HOR GWIR VREUDEUR : KEUMRIZ, Feiz ha Breiz N° 8, Miz Eost 1921, p. 189.)
6. En droienn hevelep ... ma ...
   • Doue a zelaouaz he bedenn hag a zigasaz d'ezhan eur c'hlenved heuzuz : he gorf holl a oue goloet a lorgnez enn eunn hevelep feson ma'z oa eunn donjer sellet outhan. — (Gabriel Morvan, Buez ar Zent, Brest, 1894, p. 501.)
7. En droienn hevelep ... hevelep ...
   • Hevelep mamm, hevelep merc'h.
   • Hevelep pouez, hevelep priz.
8. hevelep tro
9. Gant ar perc'hennañ
   • Aviz a ra ganit na'm eus ken da ober nemet reiñ ma madoù d'az hevelep flaerier? — (w:Ar Varn Diwezhañ, p. 349-350.)

Gerioù heñvelster

• hañval
• heñvel

Deveradoù

• hevelebekaat
• hevelebidigezh
• hevelebiezh

• hevelebiñ
• hevelepted

Troioù-lavar

• gwriat war an hevelep liñsel
• gwriat war an hevelep torchenn

Krennlavaroù

• Hevelep tad, hevelep mab. — (Grammaire bretonne du Dialecte de Tréguier, p. 138.).

Troidigezhioù

• galleg : tel ^(fr) , pareil ^(fr) , semblable ^(fr)  ; (le) même ^(fr)
• kembraeg : cyffelyb ^(cy) , hefelydd ^(cy)

• kerneveureg : hevelep ^(kw)
• saozneg : like ^(en) , similar ^(en)