ezel

Brezhoneg

Etimologiezh

Eus esel e krennvrezhoneg a zeufe eus ur ger keltiek *astili-, deveret eus *astū « askorn », en deus roet ar gerioù ais « kostezennoù » e kembraeg hag asow « kostezennoù » e kerneveureg.^[1][2] Gwelet askorn.

Kar d'ar gerioù esel « ezel » e kerneveureg hag aisil « lodenn, pezh ; junt » en iwerzhoneg.

Anv-kadarn

ezel /ˈeːzɛl/ gourel (liester : izili)

1. (Korfadurezh) Kement lodenn fiñvus eus ar c'horf, estreget ar penn, hag a zo stag ouzh ar c'horf-bras gant ur c'houbl
   • Ma izili a zo evel marv ouzhin. — (Fañch an Uhel, Sainte Tryphine et le Roi Arthur, Presses Universitaires de Rennes, Terre de Brume, 2002, p. 26.)
2. Den a zo en ur strollad tud (politikel, kevredigezhel, kumuniezhel, ...) en un doare ofisiel
   • Met daoust hag e oant izili eus ar C'helc'h Istorel pe ar C'helc'h Ragistorel pe ar C'helc'h Lennegel pe ar C'helc'h Sonerezh-Kambr pe ar C'helc'h Filozofek pe... ? — (Roparz Hemon, Viktor ha Petronilh, Al Liamm, niv. 387, Gouere - Eost 2011, p. 53.)
3. e-lec'h izili:
   • Dre ma kroge an tan er wrizienn, e teue tommder en ezel an dud dastumet eno evel ur c'helc'h bras en-dro d' an oaled. — (Troude ha Milin, Labous ar Wirionez ha Marvailhoù all, Skridoù Breizh, 1950, p. 7.)

Doareoù-skrivañ all

En doare-skrivañ etrerannyezhel e vez skrivet esel.

Gerioù heñvelster

• mempr (1)

Deveradoù

• adiziliañ
• emezeladur
• emezelañ
• izilieg
• iziliek
• iziliet
• kenezel

Gerioù kevrennek

• ezel a enor
• ezel ar gabined
• ezel dre wir
• ezel emezelet
• ezel-enor

• ezel entitlet
• ezel kenduat
• ezel kevelet
• ezel leunberzh

• ezel madoberer
• ezel oberiat
• ezel tasmant
• fonksion ezel
• Stad ezel

Troioù-lavar

• gouriz an ezel krec'h
• gouriz an ezel traoñ

Troidigezhioù

Lodenn eus ar c'horf (1)

• alamaneg : Glied ^(de)  nepreizh
• arabeg : طَرَف‎ ^(ar) (ṭaraf)  gourel
• esperanteg : membro ^(eo)
• euskareg : gorputz-adar ^(eu) , gorpuzki ^(eu) , gorputz-atal ^(eu)
• finneg : raaja ^(fi) , jäsen ^(fi)
• galleg : membre ^(fr)  gourel
• gresianeg : μέλος ^(el) (mélos)  nepreizh
• indonezeg : anggota ^(id)
• italianeg : membra ^(it)  benel
• iwerzhoneg : géag ^(ga)  benel
• kembraeg : aelod ^(cy)  gourel
• kerneveureg : esel ^(kw)  gourel

• nederlandeg : lid ^(nl)  nepreizh , ledemaat ^(nl)  gourel pe nepreizh
• okitaneg : membre ^(oc)  gourel
• poloneg : kończyna ^(pl)  benel
• romañcheg : member ^(rm)  gourel
• saozneg : limb ^(en)
• skoseg : geug ^(gd)  benel
• spagnoleg : miembro ^(es)  gourel
• vietnameg : chân tay ^(vi)

Den a zo en ur strollad tud (2)

• alamaneg : Mitglied ^(de)  nepreizh
• arabeg : عُضْو ^(ar) (ʿuḍw)  gourel , عِضْو ^(ar) (ʿiḍw)  gourel
• esperanteg : membro ^(eo)
• euskareg : kide ^(eu)
• galleg : membre ^(fr)  gourel
• gresianeg : μέλος ^(el) (mélos)  nepreizh
• italianeg : membro ^(it)  gourel
• iwerzhoneg : ball ^(ga)  gourel
• kembraeg : aelod ^(cy)  gourel
• kerneveureg : esel ^(kw)  gourel

• nederlandeg : lid ^(nl)  nepreizh
• okitaneg : membre ^(oc)  gourel
• poloneg : członek ^(pl)  gourel , członkini ^(pl)  benel
• romañcheg : commember ^(rm)  gourel
• saozneg : member ^(en)
• skoseg : ball ^(gd)  gourel
• spagnoleg : miembro ^(es)  gourel
• vietnameg : hội viên ^(vi) , thành viên ^(vi)

Gwelet ivez

• Ar pennad «  ezel » e-barzh Wikipedia

Daveoù

Roll an daveoù :

• ^[1] : Ranko Matasović, Addenda et corrigenda to Ranko Matasović’s Etymological Dictionary of Proto-Celtic, Zagreb, 2011, p. 3.
• ^[2] : Nicholas Zair, The Reflexes of the Proto-Indo-European Laryngeals in Celtic, Leyden, Brill, 2012, p. 54.

Nederlandeg

Anv-kadarn

ezel /ˈezəɫ/ gourel (liester ezels, furm vihanaat ezeltje)

1. Azen.