evel-just

Brezhoneg

Etimologiezh

Ger kevrennek savet diwar an araogenn evel ha just

Adverb

evel-just /(e)vɛlˈʒyst/

1. Evel ma tle bezañ, c'hoarvezout, hervez ar poell, ar skiant-vat pe dre ret
   • Me, evel-just, a voe lakaet e-barzh an eil lodenn, gant pevar pe bemp azen all ha ne c'houvezent ket kalz gwelloc'h evidon an dro da gomz galleg. — (Jozef ar Moal, lakaet e brezhoneg gant Loeiz Konk ha Paotr Jeg, Ar bara loued, Embann an Hirwaz, p. 8.)
   • Goude-se, daoust d'an dour bezañ yen a-walc'h c'hoazh e c'hoantaas an darn vuiañ anezho, Jeffig en o zouez, evel-just, monet da gouronkañ. — (Jakez Konan, Lannevern e kañv ha danevelloù all, Al Liamm, 1980, p. 53.)
   • — [...]... Teodadoù a vez evel-just abalamour d'ar rigadell, nemet mont betek eno... — (Goulc'han Kervella, Brezel ar Rigadell, Al Liamm, 1994, p. 41.)
   • Hag an holl da c'hoarzhin evel-just... — (Añjela Duval, Anjela Duval Eil embannadur reizhet, Mignoned Anjela 2005, p. 804.)
   • Evel-just ne oan ket gortozet evel ar Mab Foran, n'en deus ket ma anavezet. — (Mich Beyer, Seizh Devezh Warn-ugent, An Alarc'h Embannadurioù, 2006, p. 24.)
   • — Ya, evel-just. [...]. — (Fañch Peru, Kañfarded Milin ar Wern, Skol Vreizh, 2008, p. 16.)
   • Mont a reas ar gaoz evel-just war ar mouezhiadegoù da zont. — (Youenn Kervalan, Dremmoù Arrasate, Embannadurioù Al Lanv, 2009, p. 27.)
   • — Ya, gwir a lavarit evel-just. [...]. — (J.K. Rowling, lakaet e brezhoneg gant Mark Kerrain, Harry Potter ha Maen ar Furien, An Amzer embanner, 2012, p. 19.)

Notenn

N'eo ket gwall stabil implij an adverb-mañ el lennegezh dre m'o devoa skrivagnerien 'zo dibabet ober gant :

Doareoù-skrivañ all

• evel just
  • [...], ar « Prefet » a zo eat eur zac'had droug ennan evel just, [...]. — (Ivon Krog, Klenved ar Medalennou, Ti-moulerez Sant-Gwilherm, Sant-Brieg, 1909, p. 70.)
  • Nec'hamant d'ar vamm, evel just, ha n'oa ket hep abeg. — (Fañch al Lae, Bilzig, Kemper, 1925, p. 19.)
  • Ar voereb n'he doa klevet netra, evel just, rak a vouezh izel, o doa komzet etrezo. — (Jakez Riou, An Ti Satanazet, Skridoù Breizh, 1944, p. 60.)
  • Den, evel just, ne lavare seurt d'al lean. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 14.)
  • Hor maer, an aotrou Born, a oa, evel just, ur republikan ruz. — (Yeun ar Gow, E Skeud Tour Bras Sant Jermen, eil emb. Al Liamm, 1978, p. 244.)
  • Evel just, ne oa ket anv eus netra iskis c'hoarvezet e Kameled. — (Roparz Hemon, An Ti a Drizek Siminal, Al Liamm, 1956, p. 13.)
  • Ya, evel just ! — (Jules Gros, Le trésor du breton parlé Troisième Partie, 1974, p. 140.)
  • « Evel just, emezon-me, kemerit anezhi. » — (Aleksandr Soljenitsyn, lakaet e brezhoneg gant Ernest ar Barzhig, Ti Vatriona, Al Liamm, 1976, p. 65.)
  • Evel just e oa redet ar vrud eus an darvoudoù tremenet e Tremelven dre ar vro. — (Jakez Konan, Ur marc'hadour a Vontroulez, Al Liamm, 1981, p. 95.)
  • Ha da frotañ he daoulagad 'vel just ; deut dezhi he spered ha hi o welet oa arretet ar wetur. — (Anatol ar Braz, lakaet e brezhoneg gant Erwan ar Moal, Mojenn an Ankou, Mouladurioù Hor Yezh, 1986, p. 8.)
  • Evel just, dont a raio Jili da nav eur nemet pemp, pemp munud a-raok eur an emgav. — (Yann Gerven, Brestiz o vreskenn, Al Liamm, 1986, p. 7.)
• eveljust
  • — [...]. N'hell ket pep unan ober e benn evel ma felle d'eomp ober, en ano ar frankiz eveljust. [...]. — (Abeozen, Dremm an Ankou, Skridoù Breizh, 1942, p. 147.)
  • Degouezhout a rae d'am zad-kozh ha d'e bried tañva eveljust tammoù a bep seurt, [...]. — (Jarl Priel, Va Zammig Buhez, Al Liamm, 1954, p. 9.)
  • N'eo ket eveljust dre m'en em gave a-du ganin a-greiz holl, nann, [...]. — (Jarl Priel, Va Buhez e Rusia, Al Liamm, 1955, p. 6.)
  • [...] ne labezent ket c'hoazh hon hentoù gant o faperoù hudur ha ne veze ket eveljust an ton hag ar pardon ganto e-giz ma vez bremañ. — (Jakez Konan, NOZ AR PELLGENT, Al Liamm niv. 65, Du-Kerzu 1957, p. 11.)
  • Ranket am boa eveljust leuskel gisti Mailly d'en em zibab evel ma ouient, [...]. — (Jarl Priel, Amañ hag Ahont, Al Liamm, 1957, p. 29.)
  • Bourret o deus al leaned, evit ar wech, ar re yaouank, eveljust, ouzh ar seurt kofesadegoù a vouezh uhel, dirak an holl : [...]. — (Youenn Drezen, Sizhun ar Breur Arturo, Al Liamm, 1971, p. 68.)
  • Ur wech graet gantañ e baskoù, echuet e skol, hep ar santifikat eveljust, Jampi a rankas dibab ur vicher. — (Abeozen, Pirc'hirin Kala-Goañv, Al Liamm, eil emb. 1986, p. 13.)

Troidigezhioù

• galleg : bien entendu ^(fr) , bien sûr ^(fr) , évidemment ^(fr) , naturellement ^(fr)