debriñ

Brezhoneg

Etimologiezh

Kavet en henvrezhoneg (diprim).

Meneget er C'hatolikon (dibriff).

Da geñveriañ gant ar verb dybry en kerneveureg hag ar ger galianek depro (boued).

Diwar debr hag -iñ.

Verb

debriñ /ˈdeːbrĩ/, /ˈdiːbĩ/, /ˈdreːbĩ/; verb kreñv eeun (anv-gwan-verb : debret) (displegadur).

1. Euvriñ boued fetis, tev awalc'h.
   • Debriñ kig ha legumaj.
   • ...ar re-se a debr kement kristen a degouezh en o c'hastell. — (Fañch an Uhel, Kontadennoù ar Bobl/3, Al Liamm, 1988, p. 12.)
   • - .... Kerzh da zebriñ da voued, Yun, naon a zo deut dit pelloc'h. — (Jakez Riou, Geotenn ar Werc'hez ha danevelloù all, Al Liamm, 1957, p. 34.)
   • ... an trizek troc'had den a zo aze o tebri skolpadoù bara ha pezhiadoù kig [...]. — (Brogarour, Onenn, Gwengamp, 1936, p. 86.)
2. debriñ un tamm, debriñ ur begad
   • « Ret eo dit debriñ un tamm bennak a-raok mont », eme e vamm. — (Troude ha Milin, Labous ar Wirionez ha Marvailhoù all, Skridoù Breizh, 1950, p. 38.)
   • Ne zebr tamm ebet.
3. debriñ eus un dra (boued, lestr)
   • « [...]. Mat, va soñj eo distreiñ d'am c'houent ; re hir on chomet da zebriñ eus ho para. [...]. » — (Lan Inizan, Emgann Kergidu 1, Brest, 1877, eil emb. Al Liamm 1977, p. 43.)
   • An daou-mañ a zo o tebri euz ar memez skudell. — (Jules Gros, Le trésor du breton parlé Première Partie, 1966, p. 171.)
4. Krignat un dra bennak tamm-ha-tamm.
   • Debret e oa ar c'hleze gant ar mergl.
5. Implijet da anv-kadarn. Obererezh debriñ.
   • An debriñ hag an evañ.

Gerioù heñvelster

• brifañ
• floupañ

• jogañ
• kerc'hañ

• klukañ
• krignat
• lipat

• lonkañ
• plapañ
• porpanchiñ

Gerioù kevrennek

• peurzebriñ

Troioù-lavar

• bezañ o tebriñ
• debriñ e gig a-raok e soubenn

• debriñ un dra bennak dindan e veud
• debriñ ur begad

• en em zebriñ
• mont d'ar Roc'h da zebriñ bara gwenn

Krennlavarioù

• An hini a zo akuit da zebriñ a zo akuit da labourad. — (Jules Gros, Le trésor du breton parlé Troisième Partie, 1974, p. 303.)

Troidigezhioù

• galleg : manger ^(fr)
• italianeg : mangiare ^(it)
• kembraeg : bwyta ^(cy)
• kerneveureg : dybry ^(kw)
• saozneg : to eat ^(en)
• spagnoleg : comer ^(es)

Anv-kadarn

debriñ /ˈdeːbrĩ/

1. An ober
   • An debriñ hag an evañ.
2. Pred:
   • Goude an debriñ.

Krennlavarioù

• An debriñ hag an evañ a zo daou dra ret er bed-mañ.