Wikeriadur:du-pod

Brezhoneg

Etimologiezh

Ger kevrennek savet diwar an anv-gwan du hag an anv-kadarn pod

Anv-gwan

du-pod /dyˈpoːt/

1. Du evel ur pothouarn, ur gaoter, du-kenañ
   • He blev du-pod ha fonnus a ra ur gurunenn gaer en-dro d'he fenn. — (Brogarour, Onenn, Gwengamp, 1936, p. 37.)
   • Pebezh louarn kaer gant e vantell rouz war e gein, melen-plouz dindan e gov, du-pod beg e fri, begoù e zivskouarn ha beg e lost. — (Tad Medar, An Tri Aotrou, 1981, p. 114.)
   • An ti hag ar pont, savet gant mein-sklent ar vro, a zo du-pod an eil hag egile. — (Ernest ar Barzhig, Minna ha danevelloù all..., Mouladurioù Hor Yezh, 1988, p. 100.)
   • [...], rochedoù limestra ha togoù kern-uhel du-pod evel ma vez peurliesañ ar seurt togoù-se [...]. — (Jakez Konan, Lannevern e kañv ha danevelloù all, Al Liamm, 1980, p. 47.)

Gerioù heñvelster

• du-bran
• du-mouar

• du-peg
• du-polos

Troidigezhioù

• galleg : très noir ^(fr)