kurunenn

Brezhoneg

Etimologiezh

Savet diwar ar ger latin corona.

Meneget er C'hatolikon (curun).

Da geñveriañ gant ar gerioù coron en kembraeg, curun en kernevveureg.

Anv-kadarn

kurunenn /kyˈrỹː.nɛn/ benel (furm vihanaat : kurunennig, liester kurunennoù)

1. Kinkladur-penn zo anezhañ ur pezh orfeberezh kelc'hiek a arouezier aotrouniezh ur rieg gantañ.
   • Ar c'heleier hag an trompilhoù a sone en kêr, ar roue kozh a bokas da Aorel, dirak ar bobl hag a lâras dezhañ e vije e vab-kaer hag e roje dezhañ e gurunenn. — (Fañch an Uhel, Kontadennoù ar Bobl/1, Al Liamm, 1984, p. 51.)
   • — [...], ha te evel mab henañ a gemero ar gurunenn a roue em flas. — (Marsel Klerg, Faltazi an amzerioù kent, Mouladurioù Hor Yezh, 1999, p. 22.)

Deveradoù

• kurunennad
• kurunennañ
• kurunennek
• kurunenniñ
• kurunidigezh
• kuruniñ

Troioù-lavar

• ober dilez eus e gurunenn : dilezel e garg a roue

Troidigezhioù

• alamaneg : Krone ^(de)
• galleg : couronne ^(fr) (tous sens)
• italianeg : corona ^(it)  benel
• kembraeg : coron ^(cy)
• kerneveureg : curun ^(kw)
• saozneg : crown ^(en)