ober goap

Brezhoneg

Etimologiezh

Savet diwar ar verb ober hag an anv-kadarn goap.

Troienn verb 1

ober goap /Distagadur ?/

1. Goapaat
   • Evit en em zevel a enep ar c'hoarz, e tistroaz da gaout Jannet, da floura he fenn d'ezhi, evel evit ober goap. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 70.)
   • GWILHO. — Oc'h ober goap emaout, emichañs ? — (Jarl Priel, An Dakenn dour, Sav niv. 25, Diskar-Amzer 1942, p. 11.)
   • — « Arabat ober goap. Me a oar petra on, pell a zo, ha marteze n' eo ket gaou a lavarit. » — (Troude ha Milin, Labous ar Wirionez ha Marvailhoù all, Skridoù Breizh, 1950, p. 131.)
   • Ur plac'h yaouank a gomze outañ hep ober goap. — (Jakez Riou, Geotenn ar Werc'hez ha danevelloù all, Al Liamm, 1957, p. 32.)
2. Ober goap a unan bennak : goapaat unan bennak
   • — Louzou marc'had mad, Aoutrou, eo hennez ! Emaoc'h oc'h esa ober goab ac'hanoun ; [...]. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 21.)
   • Eur wechig an amzer, e savent o fenn da zellet ouz ar pôtr, marteze evit ober goap anean, piv a oar ? — (Fañch al Lae, Bilzig, Kemper, 1925, p. 82.)
   • N'eo ket em zi eo dont d'ober goap ac'hanoun. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 281.)
   • War a gonter e oa bet disuj un tammig en e yaouankiz hag e enebourien, evit ober goap anezhañ, a lavare diwar e benn :
     Pôtr sot ar Mougoulou
     A bigne war an dôl
     Hag a stôte er bouedoù. — (Yeun ar Gow, E Skeud Tour Bras Sant Jermen, eil emb. Al Liamm, 1978, p. 244.)
   • Marteze e kredas e oa an holl dud-se oc'h ober goap anezhañ ? — (Jakez Konan, Lannevern e kañv ha danevelloù all, Al Liamm, 1980, p. 26.)
3. Ober goap diouzh unan bennak : goapaat unan bennak
   • <skouer.>
4. Ober goap diwar unan bennak : goapaat unan bennak
   • <skouer.>
5. Ober goap eus unan bennak : goapaat unan bennak
   • Jilig. — [...] ? Daoust hag e tleit ober goap eus an diavêzidi a dremen dre aman, evelse ? — (Yann-Vari Perrot, An Aotrou Kerlaban Pez farsus e 3 Arvest, Brest, 1922, p. 7.)
   • Marteze e kredas e oa an holl dud-se oc'h ober goap anezhañ ? — (Jakez Konan, Lannevern e kañv ha danevelloù all, Al Liamm, 1980, p. 26.)
   • Ma n'eo ket trist gweled mehieien ar sort-se oh ober goap euz eun den koz ! — (Jules Gros, Le trésor du breton parlé Deuxième Partie, 1970, p. 542.)
6. Ober goap gant unan bennak : goapaat unan bennak
   • <skouer.>
7. Ober goap ouzh unan bennak : goapaat unan bennak
   • — Jezuz , aotrou kaezh, ober goap ouzhoc'h ? Na me na ma den na gredfe biken soñjal ober se. — (Fañch an Uhel, Kontadennoù ar Bobl/4, Al Liamm, 1989, p. 23.)
   • Goap a rênt outan, p'an nije evet eun dakadennig, eur bannac'hig a re (hag alïes ar bôtred o devoa abeg da ober goap outan) ; [...]. — (Fañch al Lae, Bilzig, Kemper, 1925, p. 31.)
   • Pa daolas ar vatezh-mañ he soñj warnañ e kredas Jampi da gentañ e felle dezhi ober goap outañ. — (Abeozen, Pirc'hirin Kala-Goañv, Al Liamm, eil emb. 1986, p. 16.)
   • Katell goz he deus graet goap ouzhin ! — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 84.)
   • Goap en deus graet ouzhit, Jakez. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 147.)

Krennlavarioù

• Un daouarn tomm hag ur galon yen
  A ra goap a veur a zen. — (Jules Gros, Le trésor du breton parlé Deuxième Partie, 1970, p. 396.), — (Jules Gros, Le trésor du breton parlé Troisième Partie, 1974, p. 318.)

Troidigezhioù

• galleg : se moquer ^(fr) (de)

Troienn verb 2

ober goap eus un dra bennak /Distagadur ?/

1. Sellout ouzh un dra bennak evel un dra zister (diwar-benn an traoù)
   • Var he skourrou en doa lakeat tanoualc'h e leac'h kolo pe sklent, hag evelse e c'helle ober goap euz a c'hlao pe avel. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 192.)

Troidigezhioù

• galleg : se ficher de quelque chose ^(fr)