Kaozeadenn Implijer:Prieladkozh

http://br.wiktionary.org/w/index.php?title=Wikeriadur%3APorched_ar_gumuniezh&diff=110407&oldid=108415

Binvioù

Salud dit. Setu amañ daou venveg a implijan hag a c'hellfe bezañ talvoudus dit ivez :

• ar bajenn Skoazell:Krouiñ buan ;
• ar patrom {{mammenn}}.

A galon. --Ben Herzog (kaozeal) 24 Gou 2012 da 18:00 (UTC)

Salud deoc'h ivez,

Da gentañ-penn, trugarez vras deoc'h evit ho kas. Ouzhpenn talvoudus an hini eo dre mar graio d'an holl zanvezioù bezañ savet en un doare frammet ha heñvel-mik an eil ouzh egile. Sed amañ labour vat ho peus kaset da benn.

Ur goulenn nemetañ : ne vefe ket eus ur c'hod bennak evit ar c'hrennlavaroù ?

A galon.--Prieladkozh (kaozeal) 25 Gou 2012 da 06:37 (UTC)

Ne gav ket din.--Ben Herzog (kaozeal) 25 Gou 2012 da 07:10 (UTC)

Ha mat e vefe deoc'h kemm unan eus ma degasadennoù evit ma welfen fraezh ha splann an disoc'h ?--Prieladkozh (kaozeal) 25 Gou 2012 da 09:01 (UTC)

Sell ha vot

Wikeriadur:Vot eost 2012

Bianchi-Bihan (kaozeal) 14 Eos 2012 da 11:05 (UTC)

vousc'hoarzhet

• http://br.wiktionary.org/wiki/Kaozeal:vousc%27hoarzhet

Bianchi-Bihan (kaozeal) 11 Gwe 2012 da 08:26 (UTC)

Distagadurioù

Salud dit Prieladkozh. Gwelet a ran e vezez oc'h ouzhpennañ distagadurioù er pennadoù. A zo mat. Bet out bet ivez o cheñch distagadurioù all, ha lod a gavan iskis avat. Div skouer :

1. Lakaet ez peus en-dro /ˈlostkɛr/ bet lakaet gant un IP e-lec'h /ˈlɔs(t)ɡer/ er pennad lostger. Penaos e c'heller kaout /lost/ el lodenn gentañ pa ne vez distaget e neblec'h ar ger lost evel se ? Ha penaos e teu an eil lodenn da vezañ /kɛr/ pa vez distager ar ger ger gant ur vogalenn serr-etre a-raok nann-ront [e], distaget [i] zoken e rannyezhoù 'zo ? Ha daoust ha sur out e c'hellez distagañ /stk/ ?
2. Lakaet ez peus /sɛɤˈkɔrn/ e_lec'h /sɛx ˈkɔrn/ er pennad sec'h-korn. Betek-henn ne veze ket implijet ar son-se e brezhoneg. Nemet hag ur rannyezh dianav din a vefe diwanet nevez 'zo.

A galon. --Ben Herzog (kaozeal) 13 Gwe 2012 da 18:48 (UTC)

Doareoù dereat zo da ziskouez ne vezer ket a-du gant ur c'henlabourer.

• N’eo ket ret kontañ gevier, evel hemañ, diwar-benn labour ar re all: « Hogen nag a amzer kollet oc'h enebiñ ouzh an dismantr, ar freuz hag an dizurzh a vez hadet stank er Wikeriadur... »
• N’eo ket ret ivez klask izelaat an dud gant frazennoù all evel houmañ : « Betek-henn ne veze ket implijet ar son-se e brezhoneg. Nemet hag ur rannyezh dianav din a vefe diwanet nevez 'zo”.

Deskiñ kaout doujañs ouzh an dud e-lec’h ober fae warno. Bianchi-Bihan (kaozeal) 13 Gwe 2012 da 21:14 (UTC)

Tremen skuizh on gant ho toareoù divalav, Ben Herzog, ha ned aio ket pelloc'h ar gaoz ganeoc'h ! N'em eus ket soñj hor bije gwriet war an helevep torchenn ? N'ouzon dare pe vicher oc'h : gant na viot ket o kelenn dre ma vo diaes d'ho skolidi deskiñ an doujañs diganeoc'h... Kenavo--Prieladkozh (kaozeal) 14 Gwe 2012 da 16:22 (UTC)

Skuizh oc'h marteze, ha moarvat n'on ket bet flourus a-walc'h met chom a ra kudenn an distagadurioù fazius hervezon. N'eo ket dav deoc'h respont nag ober van met setu amañ un dra all : friet e vez ar vogalennoù heuliet gant un "n" pa vezont taolmouezhiet. Daoust ha klevet 'peus distagañ ar ger pinvidik evel-henn : /pĩnˈviːdik/ evit gwir ? ha pelec'h ? A-galon. --Ben Herzog (kaozeal) 14 Gwe 2012 da 19:45 (UTC)

Demat, Digant kement hini hag a ziskouel bezañ barrek war un danvez bennak e vezan prest bepred da zeskiñ : gallout a reot lâret din eus peseurt oberenn war ar fonetik eo bet tennet ar reolenn ho poa dibunet un nebeud deizioù 'zo ?--Prieladkozh (kaozeal) 19 Gwe 2012 da 12:26 (UTC)

Salud dit. Ranket em bije resisaat friet e vez ar vogalennoù — estreget "a" hag "o" — heuliet gant un "n" pa vezont taolmouezhiet. Gallout a reer gwiriañ kement-se e geriadurioù An Here ha Favereau er pennad pinvidik da skouer. A galon. --Ben Herzog (kaozeal) 9 Her 2012 da 07:07 (UTC)

Demat deoc'h, Mil digarez met ne vez ket Geriadur brezhoneg An Here gwir bater din bepred, a-fed skritur fonetikel d'an degouezh-mañ...--Prieladkozh (kaozeal) 9 Her 2012 da 09:58 (UTC)

Geriadur Favereau ivez ? --Ben Herzog (kaozeal) 24 Du 2012 da 07:33 (UTC)

Demat deoc'h da gentañ-penn, Un tammig a sevended ne raio ket droug da zen ebet. Dre ma welan mat eo savet ennoc'h an debron difaziañ ar pezh a oa bet savet ganit, grit hardizh ma kred deoc'h emañ ar wirionez ganeoc'h ha mat pell 'zo. Petra a lârin-me deoc'h ? Emichañs e vo mat deoc'h evel-se a-barzh fin ar gont ha trugarez vras da reiñ peoc'h din diwar vremañ. Kenavo. --Prieladkozh (kaozeal) 24 Du 2012 da 11:06 (UTC)

Salud dit. Dre ma 'poa cheñchet meur a wezh, hag hep reiñ tamm displegadenn ebet (sevended ?), an distagadurioù am boa lakaet em boa klasket gouzout daoust hag abegoù a oa da gement-se. Kaer em eus lenn ar pezh a skrivez er gaozeadenn-mañ ne welan tamm displegadenn ebet. Roet em eus arguzennoù, displeget perak e soñje din ne oa ket faos an distagadurioù lakaet ganin, klasket gouzout hiroc'h : aner eo bet din rak kentelioù sof-kont am eus bet met netra diwar-benn war distagadurioù (titl ar gaozedadenn-mañ). Daoust hag-eñ e c'hellimp lenn da zisplegadennoù diwar-benn an distagadurioù un deiz bennak ? Ken ar c'hentañ. --Ben Herzog (kaozeal) 1 Kzu 2012 da 08:55 (UTC)

Patrom mammenn

Trugarez da vezañ gwellaet ar patrom:mammenn. Evit aesaat an implij anezhañ e c'heller menegiñ er bajenn patrom:mammenn/Teuliadur ar c'hodoù nevez a ouzhpenner. A galon. --Ben Herzog (kaozeal) 9 Her 2012 da 07:02 (UTC)

Demat ivez, Mann ebet. Ne gomprenan ket mat hoc'h evezhiadenn dre ma oa bet lakaet ar c'hodoù nevez bet savet ganin-me en daolenn azas... Ken 'vefet lennet.--Prieladkozh (kaozeal) 9 Her 2012 da 07:19 (UTC)

An dra-se a felle din lavaret. A galon. --Ben Herzog (kaozeal) 24 Du 2012 da 07:32 (UTC)

lostger ha dibenn-ger

Salud dit. Lenn ar pennadoù-se hag ar yezhadurioù a-raok cheñch adarre mar plij : [1] ha [2]. Trugarez. --Ben Herzog (kaozeal) 24 C'hwe 2013 da 13:11 (UTC)

Trugarez da vezañ reizhet ar pennadoù. --Ben Herzog (kaozeal) 28 C'hwe 2013 da 06:18 (UTC)

greunenn

Salud dit.

1. Gallout a ri lenn ar pennad-mañ : Yann Gerven, Kemmadurioù berzet pe dizaliet, Al Liamm, niv. 342, C'hwevrer 2004. Ne vez ket graet ar c'hemmadur dre vlotaat en degouezh-se : unanderenn greun.
2. Lizherennoù italiat a vez implijet evit ar furmoù deveret er wikeriadurioù saoznek ha gallek. Sell ouzh ar skouerioù-mañ : en:greunen, fr:abbayes. Sklaeroc'h eo evel se da'm meno.--Ben Herzog (kaozeal) 28 C'hwe 2013 da 06:18 (UTC)

dispont

Salud dit. Ar ger spontus gant ar rakger di- a rofe *dispontus ha n'eo ket dispont. Savet eo ar ger dispont evel ar ger dibaper diwar anvioù-kadarn. --Ben Herzog (kaozeal) 23 Meu 2013 da 09:30 (UTC)

Demat DEOC'H ivez,
Gwelomp, eme an hini dall
P'edo e lunedoù ouzh e dal !
YEZHADUR BRAS AR BREZHONEG gant F. KERVELLA (SKRIDOU BREIZH, 1947, pajenn 464)
...
Un niver bras-meurbet a anvioù-gwan eo a c'heller sevel gant ar rakger-se dreist-holl. Peurvuiañ e kouezh dibenn ar(?) anv-gwan pa vez lakaet di- dirak :
c'hoarzhus, dic'hoarzh plegus, dibleg
speredek, dispered roudennek, diroudenn
torret, didorr trugarezus, didrugar
...--Prieladkozh (kaozeal) 23 Meu 2013 da 13:10 (UTC)

Salud dit. Gallout a rez mont dre te ouzhin, n'on ket c'hwezhet betek soñjal ez eus un aotrou ac'hanon memes tra.

Mat e vije bet menegiñ e kevrenn an etimologiezh ez eo savboent F. Kervella a zo bet eilet ganit. Ar ger dispont avat n'eo ket enepster d'ar ger spontus, ha dre se n'eo ket deuet eus *dispontus gant an dibenn -us aet da get. Ar rakger di- staget ouzh un anv-kadarn a dalvez hep peurvuiañ. Un den dispont n'eo ket un den na zegas ket spont, unan hep spont ne lavaran ket. --Ben Herzog (kaozeal) 31 Meu 2013 da 05:00 (UTC)

Krennamzer

Adsalud. Hag un abeg a zo evit mont a-enep geriadurioù RH hag An Here ? Lakaet eo ar ger Krennamzer da venel ganto o-daou. --Ben Herzog (kaozeal) 23 Meu 2013 da 10:09 (UTC)

Abalamour da betra ne rit ket meneg eus
GERIADUR AR BREZHONEG A-VREMAÑ gant F. FAVEREAU (SKOL VREIZH, 2000, pajenn 446)
KRENNAMZER [...] ad. médiéval & b. (& g.) -ioù [...]--Prieladkozh (kaozeal) 23 Meu 2013 da 13:22 (UTC)

Lakaet eo da venel gant geriadur Favereau ivez eta, ha pa vefe ouzhpennet etre krommelloù e c'hell bezañ gourel ivez. Benel hepken eo er geriadurioù all : Roparz Hemon, An Here, Meriadeg Herrieu, Vallée, Martial Menard, Geriadur Istorel ar Brezhoneg, Emil Ernod (1927), Reun ar Glev. --Ben Herzog (kaozeal) 31 Meu 2013 da 05:00 (UTC)

Dilostañ ar babu deoc'h da-vat

Demat DEOC'H, Da gentañ-penn, ne welan ket petra zo kaoz ez afec'h dre de ouzhin !!?? Ne blij ket ho toareoù din tamm ebet, ken rok m'emaint. N'on ket nag ho ki nag ur skoliad a blijfe deoc'h reiñ kentel dezhañ bewech ma vez tro. Ne respontin ken d'ho kemennadoù : m'ho peus c'hoant da vreutaat diwar-benn ar c'hraf-mañ-kraf, grit war bajennad Kaozeadenn ar pennad a zo kaoz anezhañ, ha mat pell 'zo ! Kenavo--Prieladkozh (kaozeal) 31 Meu 2013 da 07:22 (UTC)

Salud deoc'h.

Diwar-benn an "teal" : boas eo ar vrezhonegerien du-mañ da vont dre te ouzh an dud ha pa ne vefent ket anavezet ganto ; memes tra er raktresoù Wiki, n'eus tamm dismegañs ebet en doare-se. Mat e vefe deoc'h embann war ho pajenn implijer e fell deoc'h bezañ c'hwiet a-hend-all e talc'ho an dud d'ho teal.

Diwar-benn kaozeal eus ar "c'hraf-mañ-kraf [...] war bajenn Kaozeadenn ar pennad a zo kaoz anezhañ" : pa vez ar memes kemm degaset war meur a bajenn ne c'heller ket koll amzer o skrivañ ar memes goulenn war gement pajenn a zo bet kemmet hep displegadenn ganeoc'h (er pennad "dispont" ha meur a hini all da skouer).

Ha peogwir oc'h mennet da zisplegañ pep tra e c'hellfec'h displegañ

• perak e tennit ar poentadur hep tamm displegadenn (setu aze doareoù avat) amañ da skouer ;
• perak e kav deoc'h e teu al lostger -aat eus al lostgerioù -a hag -at -(m'en dare pehini anezho a zegas ur c'hemmadur dre vlotaat) evel amañ da skouer (hep displegadenn ebet evel boas)
• ha perak e lamit linennoù a servij d'an dud da welet sklaer framm ar pennad a-raok degas kemmoù ennañ evel amañ da skouer (hep displegadenn bepred).

Evit "dilostañ ar babu da-vat" e c'hellfec'h skrivañ un dra bennak er prenestr "Diverrañ" pa zegasit kemmoù er pajennoù. Se ivez a zo doujañ ouzh ar re all.

Gant va gwellañ soñjoù. --Ben Herzog (kaozeal) 13 Ebr 2013 da 09:06 (UTC)

Salud deoc'h. Trugarez da vezañ roet an titour (-aat) ha da vezañ sklaeraet an etimologiezh er pennad (koantaat). Met chom a ra babu all da zilostañ.--Ben Herzog (kaozeal) 20 Ebr 2013 da 07:11 (UTC)

Demat, Mar fell deoc'h kas trugarekadennoù d'unan bennak, grit da vBianchi-Bihan ha da zen ebet all. Kemeret en devoa amzer a-walc'h, hep harzhal ouzhin, da gadarnaat din ne oan ket o troadañ gevier ha da aliañ ac'hanon da sevel ar skridoù emaoc'h o paouez lenn. Kenavo.--Prieladkozh (kaozeal) 20 Ebr 2013 da 11:42 (UTC)

Salud deoc'h. "Harzhal" 'mit-hu ? Plijusat kunujenn : keñveriañ goulennoù un den ouzh harzhadennoù hag an den ouzh ur c'hi... Peogwir e tivizit gant Bianchi-Bihan e c'hellfec'h marteze lavaret disoc'h ho kaozeadennoù kuzh diwar-benn ar poentadur hag al linennoù etre ar rannbennadoù ? Trugarez. --Ben Herzog (kaozeal) 23 Ebr 2013 da 04:34 (UTC)

Gouzout a ran out kustum da damall an dud hep gouzout, evel ac'h eus graet diwar ma fenn er wikipedia dija, hep prouennoù. Pedet out da virout da sorc'hennoù ez kokenn ha da ziverkañ ma anv uheloc'h mar plij. Bianchi-Bihan (kaozeal) 23 Ebr 2013 da 06:53 (UTC)

Da Vianchi-Bihan : "sorc'hennoù", "kokenn" a lavarez ? Hag ur genstrivadeg kunujennoù a vefe digoret ? Ha "kustum" e vefen da damall an dud hep gouzout ? Sed aze un tamall all. Soñj am eus bezañ faziet ur wezh, daoust hag ur wezh a zo bezañ "kustum" ? Ar wezh-mañ ne 'm eus graet nemet lenn ar pezh a oa bet diskuliet uheloc'h gant Prieladkozh. Pelec'h emañ ar gaozeadenn a zo anv anezhi ma n'eo ket kuzh ? --Ben Herzog (kaozeal) 24 Ebr 2013 da 04:00 (UTC)

Ur vuhez all zo e-kichen an hini zo er wikipedia, bevet gant lod ac'hanomp bepred. Ha n'eo ket kuzh evit se. Ne gontez ket amañ gant piv e vezez kaozeal na diwar-benn petra, ret vo dit gouzañv e rafe re all kemend-all. Bianchi-Bihan (kaozeal) 24 Ebr 2013 da 08:09 (UTC)

Demat deoc'h Bianchi-Bihan, Red eo din digareziñ o vezañ ma'm boa-me graet anv ac'hanoc'h da gentañ-penn ha ne felle ket din ho lakaat diaes e mod ebet. A galon.--Prieladkozh (kaozeal) 23 Ebr 2013 da 10:28 (UTC)

Poentadur

Adsalud. Marteze e c'hellfec'h reiñ ho soñj aze : Wikeriadur:Wikiakademiezh#Poentadur. --Ben Herzog (kaozeal) 13 Ebr 2013 da 09:34 (UTC)

Dispont

Salud deoc'h ! Ne gomprenan ket perak hoc'h eus kemmet an etimologiezh er pennad dispont. Pa denner ar rakger di- ez eo an elfenn spont a chom ha n'eo ket an elfenn spontus. Heñvel eo dispont er c'heñver-se ouzh gerioù evel digalon, dilabour hag all hag all. A galon, --Abalan (kaozeal) 18 Ebr 2013 da 09:19 (UTC)