youc'hadenn
Brezhoneg
Etimologiezh
- Savet diwar youc'h-, pennrann ar verb youc'hal, hag al lostger kevrennek -adenn (diwar -ad hag -enn).
Anv-kadarn
youc'hadenn /juˈɣɑːdɛn/ benel (liester : youc'hadennoù)
- Son uhel ha kreñv taolet gant ar vouezh da reiñ da glevet e boan, e gounnar hag all...
- [...] ; ur youc'hadenn skiltrus a dregernas dre bevar c'horn bourk Plabenneg, ar bizhier a savas en aer, ar mein a gouezhas stank war Gorbet hag e soudarded. — (Lan Inizan, Emgann Kergidu 1, Brest, 1877, eil emb. Al Liamm 1977, p. 193.)
- Traonienn Pont Eon o tregerniñ gant youc’hadennoù ar soudarded, EK 2/110
- War-ze, ar penn-diaoul a laoskas eur youc'hadenn hag a dec'has. — (Erwan ar Moal, Pipi Gonto, Kemper, 1925, p. 38.)
- O klevout ar youc'hadenn skiltr a laoskas neuze ar paotrig, [...]. — (Langleiz, Romant ar Roue Arzhur/levrenn I : Marzhin, Al Liamm, 1975, p. 21.)
- Pa welas ne fiñve mui hemañ, e laoskas ur youc'hadenn a jourdoul, [...]. — (Langleiz, Romant ar Roue Arzhur/levrenn I : Marzhin, Al Liamm, 1975, p. 30.)
- Leuskel a reas ur youc'hadenn, bepred, unan spouronus evel ma tle bezañ yudadenn al leon er gouelec'h. — (Jakez Konan, Lannevern e kañv ha danevelloù all, Al Liamm, 1980, p. 26.)
- Eus al lies bras a dud a oa oc'h arvestiñ ouzh an taol-kaer-se e pignas war-du an oabl ur youc'hadenn a estlamm. — (Jakez Konan, Lannevern e kañv ha danevelloù all, Al Liamm, 1980, p. 60.)
- Leuskel a reas, nerzh e gorf, ur youc'hadenn evit reiñ da intent d'e wreg en devoa gwelet anezhi hag e c'halle mont en ti. — (Anatol ar Braz, lakaet e brezhoneg gant Erwan ar Moal, Mojenn an Ankou, Mouladurioù Hor Yezh, 1986, p. 86.)
- - Un trouz bras hon deus klevet er pellgomz, ur youc'hadenn skiltrus hag echu pep tra. [...]. — (Goulc'han Kervella, Brezel ar Rigadell, Al Liamm, 1994, p. 147.)
- [...] ha klevout a rae garmoù hag estlammoù ar merc'hed en traoñ war al leton ha youc'hadenn Ron a oa bamet. — (J.K. Rowling, lakaet e brezhoneg gant Mark Kerrain, Harry Potter ha Maen ar Furien, An Amzer embanner, 2012, p. 155.)