kaozeadenn

Brezhoneg

Etimologiezh

Savet diwar kaoze-, pennrann ar verb kaozeal, hag al lostger kevrennek -adenn (diwar -ad hag -enn)

Anv-kadarn

kaozeadenn /kozeˈɑːdɛn/ benel (furm vihanaat : kaozeadennig, liester : kaozeadennoù)

1. Eskemm komzoù, kaozioù (diwar-benn an dud etreze)
   • Goude o c'haozeadenn war ar pont, ez eas Fallières gant ar roue da verennañ e kastell Ajuda, ha beaj vat dezho o daou ! — (Jarl Priel, Va Zammig Buhez, Al Liamm, 1954, p. 134.)
   • Dont a reas Hagrid war e giz d'azezañ evel pa en dije graet un dra ken ordinal hag ur gaozeadenn er bellgomz. — (J.K. Rowling, lakaet e brezhoneg gant Mark Kerrain, Harry Potter ha Maen ar Furien, An Amzer embanner, 2012, p. 59.)
   • — O, me 'grede din ne felle ket deoc'h reiñ hon c'haozeadenn da anaout d'an holl, eme Snape, yen-skorn e vouezh. [...]. — (J.K. Rowling, lakaet e brezhoneg gant Mark Kerrain, Harry Potter ha Maen ar Furien, An Amzer embanner, 2012, p. 234.)
2. Ober ur gaozeadenn : ur pennad kaoze
   • Oh ober eur gaozeadenn e oah ? — (Jules Gros, Le trésor du breton parlé Deuxième Partie, 1970, p. 237.)
   • Un tamm kaozeadenn a veze graet gant paotr an alambig diwar-benn an amzer, ar yec'hed, ar gizioù kozh o vont da goll ha kement 'zo. — (Fañch Peru, Kañfarded Milin ar Wern, Skol Vreizh, 2008, p. 28.)
3. Prezegenn verr, pennadoù-kaoz

Troidigezhioù

• galleg : causerie ^(fr) , conférence ^(fr)
• galleg : conversation ^(fr)