kannañ

Brezhoneg

Etimologiezh

Savet diwar kann.

Meneget er C'hatolikon (cannaff).

Da geñveriañ gant ar verboù cannu en kembraeg ha canna en kerneveureg.

Verb

kannañ /ˈkãnːã/ verb kreñv eeun (anv-gwan-verb : kannet) (displegadur)

1. Naetaat, dilouzañ dilhad.
   • Un habit lien-leien na pa ve kannet-gwenn,
     A zo mat d’ur verjerenn ’vit mont d’an oferenn. — (Fañch an Uhel, Gwerziou Breiz-Izel 1, An Oriant, 1868, p. 194.)
   • Ha n'ouzon ket pelec'h all c'hoazh ez ae da gannañ. — (Jules Gros, Le trésor du breton parlé Deuxième Partie, 1970, p. 15.)
   • Sell pet liñsel am eus-me kannet abaoe ar beure. — (Jules Gros, Le trésor du breton parlé Deuxième Partie, 1970, p. 232.)
   • Ober un devezh kannañ, ur c'hrogad kannañ, un tamm kannañ, tammoù kannañ :
   • ' Tri devezh kannañ evel-se a vez skuizhus. — (Jules Gros, Le trésor du breton parlé Troisième Partie, 1974, p. 215.)
2. Skeiñ (gant, war).
   • Ul loan bennak, bep an amzer a gouste tomm ha ker d’e lêr : lorgnet ha kannet e veze. — (Yann-Vari Perrot, Alanik al Louarn, Ar Gwaziou, Montroulez, 1911, p. 50.)

Stummoù all

• kanniñ

en em gannañ verb kenemober

1. Skeiñ an eil gant egile.
   • En em gannañ a reont, hag an eil o redek war-lerc’h egile, ez eont kuit. — (Roparz Hemon (diwar Chr. Marlowe), Fostus an doktor daonet in Pemp pezh c'hoari berr, Skridoù Breizh, Brest, 1944, p. 120.)
   • Mes ne c’hellent ket en em glevet, hag ar bobl en em rannas e div gostezenn hag a yoa ker kounnaret an eil ouzh eben ma'z oant dija prest d’en em gannañ. — (Gabriel Morvan, Buez ar Zent, Brest, 1894, p. 822.)

Deveradoù

• kannadeg
• kannadenn
• kanndi
• kanner
• kannerez
• kannerezh
• kannidigezh

Gerioù kevrennek

• peurgannañ
• poull-kannañ

Troioù-lavar

• kannañ e lostenn da unan bennak, kannañ e roched da unan bennak
• reiñ bazh d'e gannañ

Liamm war-du al lec'hienn Devri

• kannañ / kanniñ v.

Troidigezhioù

naetaat

• galleg : blanchir ^(fr) , laver ^(fr)
• kembraeg : cannu ^(cy)

• saozneg : to bleach ^(en)  ; to beat ^(en)

skeiñ

• galleg : frapper ^(fr) , (se) battre ^(fr)
• kembraeg : cannu ^(cy)

• saozneg : to beat ^(en)