en em silañ etre an horzh hag ar yenn

Brezhoneg

Etimologiezh

Savet diwar ar verb en em silañ, an araogenn etre, ar ger-mell strizh an, an anv-kadarn horzh, ar stagell genurzhiañ hag, ar ger-mell strizh ar hag an anv-kadarn yenn.

Troienn verb

en em silañ etre an horzh hag ar yenn /Distagadur ?/

1. Bezañ tapet pe mont etre div gevrenn enep
   • Arabat e oa dimp eveljust en em silañ etre an horzh hag ar yenn, hogen pa groge an tabut etre gwreg Yann hag e vamm, e vezemp troet da gentañ da vont a-du gant an hini gozh, [...]. — (Jarl Priel, Amañ hag Ahont, Al Liamm, 1957, p. 223.)

Troiennoù heñvelster

• bezañ etre lost an diaoul ha toull e revr
• bezañ etre toull-revr ar bleiz hag e lost
• bezañ paket etre an horzh hag ar c'henn, bezañ tapet etre an horzh hag ar c'henn

Troidigezhioù

• galleg : avoir le cul entre deux chaises ^(fr) , être entre deux feux ^(fr) , être entre le marteau et l'enclume ^(fr)