Anaon

Gwelet ivez : anaon

Brezhoneg

Etimologiezh

Eus ar galianeg *and(e)dubno- > antumnos : "al lec'h don" > "ar bed dindan an douar" > "ar bed all" > "bed ar re varv". ^[1] ^[2]

An hevelep ger galianek en deus roet annwfn, annwn e kembraeg, gant ar ster "ar bed dindan an douar" ivez.^[3]. Anaffuon, anaffuon, anaoün a gaver e krennvrezhoneg gant ar ster "eneoù ar re varv". ^[4]

Gant an Iliz katolik roman hep mar eo bet kemmet ar ster e Breizh, eus "ar bed dindan an douar" da "eneoù ar re varv". Ar ster kristen-se a gaver e Devri end-eeun.

Anv divoutin

Anaon /ãˈnãwn/ liester

Eneoù an dud varv.
- Souezhet-bras e voent, en ur vont dreist d'an treuzoù, o klevet lavaret litanioù an anaon. — (Anatol ar Braz, lakaet e brezhoneg gant Erwan ar Moal, Mojenn an Ankou, Mouladurioù Hor Yezh, 1986, p. 20.)
- Ar chasgeu, garv e vouezh, a grozas :
  " Ne deuer ket d'an oferenn hep degas aluzen d'an anaon !" — (Anatol ar Braz, lakaet e brezhoneg gant Erwan ar Moal, Mojenn an Ankou, Mouladurioù Hor Yezh, 1986, p. 30.)
- - Ya, mamm. Goût a ran. C'hwi 'zo e bro an Anaon, ar bed-se kemmesket gant hon hini. ... — (Abeozen, Pirc'hirin Kala-Goañv, Al Liamm, eil emb. 1986, p. 22.)
- Na Job ar c'hloc'her a oa laouen e galon o vont d'ar gêr da ouel an Anaon klemmus ! — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 237.)
- Ul levr « Buhez ar Sent » a oa ganti, ha peogwir e oa nozvezh an Anaon, ... — (Roparz Hemon, Ho kervel a rin en noz ha marvailhoù all, Al Liamm, 1970, p. 25.)
- ..., stagañ a rejont da zibunañ pedennoù an Anaon, ... — (Jarl Priel, Va Zammig Buhez, Al Liamm, 1954, p. 46.)
- ... e vezo digoret dorioù ar baradoz d’an anaon geizh-mañ. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 22.)

Troioù-lavar

Troidigezhioù

galleg : âmes ^(fr) (des trépassés)

Notennoù

↑ Jean-Paul Savignac, Merde à César p. 119 notenn 4, Paris : Éditions de la Différence, 2000 (ISBN 978-2-7291-1323-0)
↑ Georges Dottin, La langue gauloise pp. 227& 253, Genève : Slatkine Reprints, 1991 (ISBN 978-2-05-100208-0).
↑ Geiriadur Prifysgol Cymru
↑ Émile Ernault, Glossaire moyen-breton p. 29, Genève : Slatkine Reprints, 1976 (ISBN 978-2-05-102373-3)

[1] Jean-Paul Savignac, Merde à César p. 119 notenn 4, Paris : Éditions de la Différence, 2000 (ISBN 978-2-7291-1323-0)

[2] Georges Dottin, La langue gauloise pp. 227& 253, Genève : Slatkine Reprints, 1991 (ISBN 978-2-05-100208-0).

[3] Geiriadur Prifysgol Cymru

[4] Émile Ernault, Glossaire moyen-breton p. 29, Genève : Slatkine Reprints, 1976 (ISBN 978-2-05-102373-3)

[1]

[2]

[3]

[4]