treiñ kein
Brezhoneg
Etimologiezh
- Diwarar verb treiñ hag an anv-kadarn kein.
Troienn verb
treiñ kein /Distagadur ?/
- Diskouez e gein da un den e-lec'h sellout outañ.
- Treiñ kein da unan bennak pe un dra bennak : dilezel den pe tra
- Her gouzout a rit kerkoulz ha me, tud difeiz ne droont james kein da ijin ebet, [...]. — (Lan Inizan, Emgann Kergidu 1, Brest, 1877, eil emb. Al Liamm 1977, p. 13.)
- [...], hag al lestrig bihan a droas penn war-zu Bro-Saoz ha kein da zouar Breizh-Izel. — (Lan Inizan, Emgann Kergidu 1, Brest, 1877, eil emb. Al Liamm 1977, p. 26.)
- Ha n'eo ket gwir int aet dre bep seurt hentoù, o deus graet an traoù fallakrañ, an traoù krisañ, paotred ar Republik, evit lakaat ar Vretoned da fallgaloniñ ha da dreiñ kein d'an Aotrou Doue ? — (Lan Inizan, Emgann Kergidu 1, Brest, 1877, eil emb. Al Liamm 1977, p. 126.)
- Dre se e kilen dirak ur gefridi ken arvarus rak diaviz e vijen bet o pediñ ur vaouez da voulc'hañ he c'huzhiadenn evit ma c'hellje dimeziñ d'ur plac'h all ar c'hanfard o paouez treiñ kein d'he merc'h. — (Jarl Priel, Va Buhez e Rusia, Al Liamm, 1955, p. 16.)
- Treiñ a reas kein d'an draonienn hag e kendalc'has da dostaat, goustad, ouzh laez uhelañ an dorgenn. — (Jakez Riou, Geotenn ar Werc'hez ha danevelloù all, Al Liamm, 1957, p. 64.)
- Estlammet ha fougeet, koulskoude, gant taolioù-kaer ha nerzh-kalon ar Chouanted, e kollis a-nebeudoù ma menozioù a roueeler, betek ma trois kein dezho a-grenn. — (Yeun ar Gow, E Skeud Tour Bras Sant Jermen, eil emb. Al Liamm, 1978, p. 249.)
- Treiñ kein ouzh unan bennak pe un dra bennak : dilezel den pe tra
Troioù-lavar
Troidigezhioù
- galleg : tourner le dos (fr) , se détourner (de) (fr) ; galleg : renier (fr)