teurel e bouez
Brezhoneg
Etimologiezh
- Diwar ar verb teurel, an anv-gwan perc'hennañ e hag an anv-kadarn pouez.
Troienn verb
teurel e bouez /Distagadur ?/
- Azezañ, koazezañ
- Pa oa echu e gaoz gantañ e taolas e bouez endra ma savas Prezidant burev-kreiz an douristelezh (!), [...]. — (Goulc'han Kervella, Lara, Al Liamm, 1989, p. 99.)
- Koan am boa fardet a-raok mont da deurel ma fouez dirak skramm ar skinwel. — (Mich Beyer, Seizh Devezh Warn-ugent, An Alarc'h Embannadurioù, 2006, p. 55.)
- Ha me, dievezh, da deurel ma fouez war strad ar vag [...]. — (Herve ar Gall, Koulz ar c'hastrilhez, Embannadurioù Al Liamm, 2008, p. 79.)
- Taolit ho pouez war ar bank, ma niz. — (Herve ar Gall, Koulz ar c'hastrilhez, Embannadurioù Al Liamm, 2008, p. 163.)
- Teurel e bouez a reas hag hopal d'an tavarnour [...]. — (Youenn Kervalan, Dremmoù Arrasate, Embannadurioù Al Lanv, 2009, p. 22.)
- Teurel e bouez a reas Harry dirak ar volennad piz. — (J.K. Rowling, lakaet e brezhoneg gant Mark Kerrain, Harry Potter ha Maen ar Furien, An Amzer embanner, 2012, p. 274.)