ode

Brezhoneg

Etimologiezh

Kavet en henvrezhoneg hadui.

Da geñveriañ gant adwy e kembraeg hag aswy e kerneveureg.

Anv-kadarn

ode /ˈoːde/ benel (furm vihanaat : odeig, liester : odeoù)

1. Tremen strizh toullet en ur c'hleuz, en ur c'harzh, h.a., evit mont en ur park, en un dachenn bennak.
   • Ker buan, an archerien, an eil war-lerc'h egile, evel chas chase o vont dre un ode vaen hanter distank, a ziskennas dre ar skalier-se er jardin hag a c'haloupas a-dreuz hag a-hed evit klask o eskob kollet. — (Lan Inizan, Emgann Kergidu 1, Brest, 1877, eil emb. Al Liamm 1977, p. 19.)
   • Hag hemañ antronoz ha mont ha kas ar saout, dre un ode a oa war ar maezioù, pellañ ma c'helle o c'has. — (Troude ha Milin, Labous ar Wirionez ha Marvailhoù all, Skridoù Breizh, 1950, p. 143.)
2. (Dre astenn-ster) Lec'h izel etre daou venez, ma c'haller tremen drezañ.

Adstummoù

oade, ado

Gerioù kevrennek

• ode-garr
• ode-saout
• ode-vor : strizh-mor
• toull-ode

Troioù-lavar

• toullañ ode war un dra bennak

Troidigezhioù

• galleg : brèche ^(fr) (dans un talus, etc.)
• galleg : col ^(fr) , passe ^(fr) (de montagne)