mesk-ha-mesk

Brezhoneg

Etimologiezh

Ger kevrennek diwar an anv-kadarn mesk, ar stagell isurzhiañ ha hag an anv-kadarn mesk.

Adverb

mesk-ha-mesk /ˌmeskaˈmesk/

1. Mesket, en dizurzh
   • Ar c'haol, ar brenn hag ar patatez a veze lakaet mesk-ha-mesk. — (Jules Gros, Le trésor du breton parlé Troisième Partie, 1974, p. 46.)
   • Mesk-ha-mesk. — (Jules Gros, Le trésor du breton parlé Deuxième Partie, 1970, p. 349.)
   • Ne weled neuze, war an torchoueroù hag ar serviedoù ledet war ar barlennoù, nemet torzhoù bara, skudelladoù amann, krampouezh sec'h, moñsadoù kig-sall, anduilh, silzig, formaj-kig ha boestadoù sardined mesk-ha-mesk. — (Yeun ar Gow, E Skeud Tour Bras Sant Jermen, eil emb. Al Liamm, 1978, p. 142.)

Notenn

• Implijet e vez gant anvioù lies, stroll pe hollek.

Gerioù heñvelster

• kej-mej
• kej-mesk
• mell-divell

Troidigezhioù

• alamaneg : durcheinander ^(de) , gemischt ^(de)
• esperanteg : senorde ^(eo) , dise-mise ^(eo) , pelmele ^(eo)
• galleg : pêle-mêle ^(fr)