kregiñ en un dra
Brezhoneg
kregiñ en un dra
- (den) Kregiñ en ur benveg bennak:
- An eil goude egile, an holl falc'herien a grog en o falc'h, dalc'het betek neuze er vann. — (Brogarour, Onenn, Gwengamp, 1936, p. 84.)
- Kregiñ a reas en horzh. — (Jakez Riou, Geotenn ar Werc'hez ha danevelloù all, Al Liamm, 1957, p. 34.)
- Krog mat er gordenn. — (Jules Gros, Le trésor du breton parlé Deuxième Partie, 1970, p. 282.)
- Ha me o kregiñ en e golier. — (Jules Gros, Le trésor du breton parlé Deuxième Partie, 1970, p. 282.)
- Pa oa kroget ar jañdarmed en e golier, — (Jules Gros, Le trésor du breton parlé Deuxième Partie, 1970, p. 356.)
- ... kregi a ra en eur geuneudenn-all, ha, yao ! dao war gein ar manac'h kaez a red kuit endra ’c’hell, ha Fall-e-C’hoant a ya war e lerc’h. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 16.)
- Hag int ha kregi e pep a benn eus an diou vaz-dougen, hag en hent hep goulenn digant den pelec’h kas ar c'horf. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 225.)
- Kregi a ra en eur penn d’al liñser hag ar gannerez er penn-all. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 271.)
- (ki pe loen dantek) Kregiñ gant an dent:
- Abalamour da betra e oas eet da skei gand ar hi-ze ? — A-toue, abalamour ma 'nevoa kroget e dorn ar pôtr bihan. — (Jules Gros, Le trésor du breton parlé Première Partie, 1966, p. 102.)
- (tra) Kregiñ en un dra bennak:
- Ar bluenn-mañ a grog er paper. — (Jules Gros, Le trésor du breton parlé Deuxième Partie, 1970, p. 282.)
- kregiñ el labour:
- « Poent eo kregi el labour : start e vezo. » — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 174.)
- Warc'hoaz kenta e krogin el labour ... — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 207.)