huanadenn
Brezhoneg
Etimologiezh
Anv-kadarn
huanadenn /hyãˈnɑːdɛn/ benel (liester : huanadennoù)
- Gwechad huanadiñ
- Hag an aotrou kozh a blegas ouzh an daol, e benn etre e zaou zorn, en ur dennañ un huanadenn hir. — (Lan Inizan, Emgann Kergidu 1, Brest, 1877, eil emb. Al Liamm 1977, p. 23.)
- - Gwir eo, a lavaras al louzaouer kozh, hag e stouas e benn, gant un huanadenn. — (Fañch an Uhel, Kontadennoù ar Bobl/2, Al Liamm, 1985, p. 116.)
- An tan a varvas, hag Arnus, eur c'houezenn yen war e fas, a reas eun huanadenn evel eun den o tihuni eus eun hunvre. — (Erwan ar Moal, Pipi Gonto, Kemper, 1925, p. 38.)
- Red e oa d'ean heuilh, a-dreuz da ludu ar gouleier a varve dre gant, hep an disteran trouz, hep eun huanadenn. — (Erwan ar Moal, Pipi Gonto, Kemper, 1925, p. 56.)
- [...], met un derzhienn spontus a oa gantañ ha tennañ a reas e huanadenn diwezhañ er c'harr dre dan war hent an ospital. — (Jarl Priel, Va Zammig Buhez, Al Liamm, 1954, p. 90.)
- E-giz pinijenn, e kemennas eta d'ar plac'h touellet ren ur vuhez a yun hag a bedenn betek hec'h huanadenn ziwezhañ, [...]. — (Langleiz, Romant ar Roue Arzhur/levrenn I : Marzhin, Al Liamm, 1975, p. 20.)
- N'he doa ket roet d'ar roue, zoken, e-doug ar prantad-se, an disterañ sigur da chom ganti penn-ouzh-penn, ha pa vefe bet predig un huanadenn ! — (Langleiz, Romant ar Roue Arzhur/levrenn I : Marzhin, Al Liamm, 1975, p. 37.)
- Ne oa ket aet mat e droad war an treuzoù, e voe klevet un huanadenn hir. — (Anatol ar Braz, lakaet e brezhoneg gant Erwan ar Moal, Mojenn an Ankou, Mouladurioù Hor Yezh, 1986, p. 28.)
- Darbet e voe dezhañ kouezhañ ouzhpenn ugent gwech ; pa'n em gavas en tu all e laoskas un huanadenn hir. — (Anatol ar Braz, lakaet e brezhoneg gant Erwan ar Moal, Mojenn an Ankou, Mouladurioù Hor Yezh, 1986, p. 97.)
- Un huanadenn a laoskas Harry ha mont en e c'hourvez war ar gwele. — (J.K. Rowling, lakaet e brezhoneg gant Mark Kerrain, Harry Potter ha Maen ar Furien, An Amzer embanner, 2012, p. 44.)