ger-mell strizh

Brezhoneg

Diwar ger-mell ha strizh

ger-mell strizh

1. Ar ger-mell strizh a lakaer

   • dirak un anv-kadarn pa venner strishaat e ster : al lestr, an ti, ar moc'h;
   • evit an diskouezañ: al lestr-mañ, an ti-se, ar menez-hont;
   • dirak anvioù ar stêrioù : an Elorn, al Liger, ar Blavezh;
   • dirak anvioù kêrioù zo (ral): ar Faou, ar C'hastell-Nevez, an Oriant.

2. Ne vez ket lakaet

   • dirak anvioù ar predoù : lein, merenn, koan
     • Petra zo da goan? - Lost ar c'hi moan. Rimadell.
   • dirak anvioù divoutin evel re an dud, ar broioù, ar c'hêrioù, ar menezioù : Breizh, Bro-Saoz, w:Orleañs Nevez, Roma, Menez Are
     • koulskoude e lavarer ar C'hozhig, ar Menez Du, ar Stadoù-Unanet, ...
   • dirak an derez-uhelañ pa vez heuliet gant un islavarenn-stag:
     • Hirañ deiz a zo er bloaz eo hemañ, — (Jules Gros, Le trésor du breton parlé Deuxième Partie, 1970, p. 217.)
   • dirak renadenn eeun ar verboù c'hoari ha seniñ: c'hoari mell-droad, seniñ bombard
   • dirak anvioù broiz a echu gant -iz : Breizhiz, Plougastelliz, Kemperiz ...