bremañ pa

Brezhoneg

Etimologiezh

Diwar an adverb bremañ hag ar stagell isurzhiañ pa.

Stagell isurzhiañ

bremañ pa /ˈbrɛmːãpa/

1. Troienn a dalvez da c'heriañ un abeg a vez ereet e dalvoudegezh ouzh ar mare ma komzer
   • « [...], e c'hell ivez 'michañs mont e-unan d'ar gêr bremañ pa 'z eo deiz ha pa eus dilhad en-dro dezhañ. » — (Lan Inizan, Emgann Kergidu 1, Brest, 1877, eil emb. Al Liamm 1977, p. 109.)
   • Ha bremañ p'emañ-hi dirazañ en e gichen, ne gav mui netra da zisklêriañ. — (Brogarour, Onenn, 1936, p. 56.)
   • — « Gwir a lavarez, » eme an daou all, « ha bremañ p'emaomp en oad da vale, ez eo ret deomp mont en hon tro, pa n'omp ket genidik ac'han. » — (Troude ha Milin, Labous ar Wirionez ha Marvailhoù all, Skridoù Breizh, 1950, p. 21.)
   • Bremañ pa'm eus diskuizhet ec'h an adarre. — (Jules Gros, Le trésor du breton parlé Troisième Partie, 1974, p. 77.)
   • Ne ouie ket Harry da belec'h redek da gentañ da zispign e wenneien, bremañ pa oa leun e yalc'h. — (J.K. Rowling, lakaet e brezhoneg gant Mark Kerrain, Harry Potter ha Maen ar Furien, An Amzer embanner, 2012, p. 83.)
   • Kalz plijusoc'h ivez e kave e gentelioù, bremañ pa oa mestroniet gantañ an diazezoù. — (J.K. Rowling, lakaet e brezhoneg gant Mark Kerrain, Harry Potter ha Maen ar Furien, An Amzer embanner, 2012, p. 177.)

Rimadell

1. • Gwechall e ti ma zad
     Soubenn ar brignon 'oa ket mat
     Met bremañ pa'z on dimezet
     Soubenn ar brignon am eus bepred. Kanaouenn. (Gortoz a rafed am bez kentoc'h.)

Troidigezhioù

• galleg : maintenant que ^(fr)
• saozneg : now that ^(en)