bezañ mat da unan bennak

Brezhoneg

Etimologiezh

Savet diwar ar verb bezañ, an anv-gwan mat, an araogenn da hag unan bennak.

Troienn verb

bezañ mat da unan bennak /Distagadur ?/

1. Plijout da unan bennak, dereout ouzh unan bennak
   • Mar d'eo mat deoh, mad ! Ha ma n'eo ket, mad ive ! — (Jules Gros, Le trésor du breton parlé Deuxième Partie, 1970, p. 332.)
   • — Ya... mat eo din..., eme Harry. — (J.K. Rowling, lakaet e brezhoneg gant Mark Kerrain, Harry Potter ha Maen ar Furien, An Amzer embanner, 2012, p. 100.)
2. Bezañ mat da unan bennak ober un dra bennak
   • — « Me, » emezañ, « a roio dit, Ivon, disheñvel diouzh ar re all, rak marteze e vezo mat dit ivez bezañ bihan-bihan, diouzh a c'hellfe c'hoarvezout ganit. [...]. » — (Troude ha Milin, Labous ar Wirionez ha Marvailhoù all, Skridoù Breizh, 1950, p. 134.)
   • Mond er-mêz neuze, ma n'eo ket mad dezañ senti ! — (Jules Gros, Le trésor du breton parlé Première Partie, 1966, p. 13.)
   • Ma n'eo ket mad dit ober e vo mad dit tremen (!) — (Jules Gros, Le trésor du breton parlé Première Partie, 1966, p. 92.), — (Jules Gros, Le trésor du breton parlé Deuxième Partie, 1970, p. 332.)
   • Petra, te n'eo ket mad dit mond dre an hent evel an dud all ? — (Jules Gros, Le trésor du breton parlé Deuxième Partie, 1970, p. 332.)
   • Petra, te n'eo ket mad dit gortoz da dro evel an dud all ? — (Jules Gros, Le trésor du breton parlé Deuxième Partie, 1970, p. 332.)
   • An alumetez-mañ n'eo ket mad dezo kregi ? — (Jules Gros, Le trésor du breton parlé Deuxième Partie, 1970, p. 332.)
   • — Selaou, Harry, mat eo dit mont e-barzh da-unan ? eme Hagrid. [...]. — (J.K. Rowling, lakaet e brezhoneg gant Mark Kerrain, Harry Potter ha Maen ar Furien, An Amzer embanner, 2012, p. 84.)
   • Petra, emezañ, te n'eo ket mad dit debriñ ar sort a zo ? — (Jules Gros, Le trésor du breton parlé Troisième Partie, 1974, p. 66.)

Gerioù heñvelster

• prest da ober tra pe dra

Troidigezhioù

• galleg : bien vouloir ^(fr) (faire quelque chose)