prest
Brezhoneg
- Diwar ar ger gallek kozh prest.
Anv-gwan
prest /'prest/
- bezañ prest
- Prest eo merenn
- bezañ prest da ober un dra bennak: war-nez ober un dra bennak
- Mes ne c’hellent ket en em glevet, hag ar bobl en em rannas e div gostezenn hag a yoa ker kounnaret an eil ouzh eben ma'z oant dija prest d’en em gannañ. — (Gabriel Morvan, Buez ar Zent, Brest, 1894, p. 822.)
- Me a vez skuiz ken e vezan prest da fatika. — (Jules Gros, Le trésor du breton parlé Première Partie, 1966, p. 14.)
- Honnez a oa ruz he fenn 'vel eur bolez prest da zovi. — (Jules Gros, Le trésor du breton parlé Première Partie, 1966, p. 34.)
- O vallozhiñ ken a oa prest da vougañ, TBP 2/28
- Prest e oan da fontañ gant ar vezh, TBP 2/163
- Me a zo prest da vougañ gant ar sec’hed, TBP 2/371
- Hennezh a oa prest da zirevrañ gant ar c’hoant da vont d’ar pardon, — (Jules Gros, Le trésor du breton parlé Deuxième Partie, 1970, p. 444.)
- Job a oa mezo hag a skrigne e zent en noz-mañ ken e oan prest da zodi. — (Jules Gros, Le trésor du breton parlé Deuxième Partie, 1970, p. 478.)
- Prest eo an dud da greskiñ ganti. — (Jules Gros, Le trésor du breton parlé Troisième Partie, 1974, p. 93.)
- bezañ prest da vervel
- Pa vez eun den prest da vervel e vez gwelet kelh-ar-maro war e vizaj. — (Jules Gros, Le trésor du breton parlé Deuxième Partie, 1970, p. 248.)
- Me a zo prest da vervel gant ar riv, TBP 2/348
- Pa veze unan bennak prest da vervel, — (Jules Gros, Le trésor du breton parlé Deuxième Partie, 1970, p. 458.)
- A-benn neuze e oan prest da vervel gant ar sec’hed, — (Jules Gros, Le trésor du breton parlé Deuxième Partie, 1970, p. 459.)
- bezañ erru prest d'ober udb
- Me a zo arru prést da goll ma skïant gand ar re-mañ. — (Jules Gros, Le trésor du breton parlé Première Partie, 1966, p. 127.)
- N'eo ket arru prest da arruoud ? — (Jules Gros, Le trésor du breton parlé Deuxième Partie, 1970, p. 26.)
- Arru eo prest an Ero da zigeri. — (Jules Gros, Le trésor du breton parlé Deuxième Partie, 1970, p. 109.)
- Me zo erru prest da goll ma skiant ganit-te, — (Jules Gros, Le trésor du breton parlé Deuxième Partie, 1970, p. 472.)
- Arru on prest da sodiñ gant an amzer-mañ, — (Jules Gros, Le trésor du breton parlé Deuxième Partie, 1970, p. 480.)
- bezañ mat da un den ober un dra bennak, kaout c'hoant da ober udb
- Prest omp da sikour
- Ar medisin-se a oa prest da gas ma mamm en bev d’ar vered, — (Jules Gros, Le trésor du breton parlé Deuxième Partie, 1970, p. 41.)
- Hemañ n’eo ket prest da zivarc’hañ e c’houzoug o kanañ, — (Jules Gros, Le trésor du breton parlé Deuxième Partie, 1970, p. 123.)
Troioù-lavar
Adverb
- prest goude
- prestik
- prest a-walc'h