Kaozeadenn Wikeriadur:Vot eost 2012

Alioù

Me soñj din eo ar Wikeriadur ur geriadur hollek. Kement ger, ha pa vefe kemmet pe get, a rank bezañ ennañ. Dre ma 'z eo displeget ar perak e teu pep ger da vezañ (evel m'emañ war kement pajenn a zo bet savet gant Ben Herzog), e soñj din eo un doare mat all da welet ur geriadur. Gant ar mod-se da welet eo ar Wikeriadur ur benveg talvoudus evit gouzout penaos e c'hell ur ger dont da vezañ, ur wech arveret e doare pe zoare. Gant ar Wikeriadur ez eus tu mont dreist ar geriadurioù boutin. Gwendal (kaozeal) 15 Eos 2012 da 13:21 (UTC)

Pell emaomp aze diouzh ar benveg deskiñ, ha tostik d'ar benveg c'hoari ...

Pa gelenner brezhoneg e weler ezhomm ar re zo o teskiñ, ha n'eo ket ezhomm da gavout liesterioù ha stummoù anat all (paotred, brasoc'h ) na verboù displeget (savfen, c'hoarijemp, peuriwerzhonekais) da gentañ penn, na dreist-holl stultennoù gant kemmadurioù evel virvidikafemp. Ma n'hallont ket kavout amañ ar gerioù zo en ur geriadur ordinal, ha ma n'eus nemet c'hoarioù gant gerioù kemmet ha verboù displeget e tremenint hep ar wikigeriadur ha gwell a se.

Kement ger, ha pa vefe kemmet pe get, a rank bezañ ennañ. Pa lakaez gerioù kemmet e tibabez lakaat gerioù, gerioù zo, div pe deir gwech, pa chom gerioù a bouez er-maez.

Gant ar mod-se da welet eo ar Wikeriadur ur benveg talvoudus: ma c'houlennez gant deskarded (hag a oar implij ur geriadur brezhonek), ha dre ma labour e tarempredan un toullad mat abaoe bloavezhioù, e komprener diouzhtu eo didalvoud keit ha ma vo karget traoù diezhomm ennañ e-lec'h lakaat ar pezh zo a-bouez.

Marteze e plij da lod lakaat traoù dister ha diezhomm e-barzh, met arabat lavarout emeur oc'h ober ur benveg talvoudus.

A-raok mont dreist d'ar geriadurioù boutin (why not) e vije mat ober kenkoulz hag int. Ha pell bras omp diouzh se pa ne groger ket da lakaat pezh a gaver enne.

Ne welan nemet un dalvoudegezh: kreskiñ ar sifroù ... arsifroù ha stadegoù a blij d'ar bolitikourion ... evit ar re a glask labourat evit ar yezh eo talvoudegezh al labour ha hini ar binvioù a gonto atav da gentañ. Bianchi-Bihan (kaozeal) 15 Eos 2012 da 22:50 (UTC)

Demat deoc'h,

En desped d'ar re o devoa soñjet e oa stag ma c'harr ouzh hini Bianchi-Bihan, gouest on d'en em soñjal ha kaout alioù ma-unan-penn. Ma digarezit met ali on penn-da-benn gant ar pezh a oa bet skrivet gantañ n'eus ket pell 'zo.
En-dro d'ar c'hraf-mañ em eus ar santimant da gavout un tamm mat a emgarantez ivez : daoust hag-eñ emeur o soñjal er re n'int ket brezhonegerien ampart c'hoazh ? Koll poell o neudenn a refont ha dilezet e vo tamm-ha-tamm ar Wikipedia Bzh gante, hep mar na marteze. Gwall rikouret e vefomp neuze ! Diaes-kenañ eo klask mestroniañ ar c'hemmadurioù en hon yezh, ha gwashoc'h c'hoazh pa vez lakaet ar rakgerioù da c'hoari.
Evidon-me n'eus ket skiant vat na tost. A-raok plediñ gant ar seurt danvez ne vefe ket eus reoù kalz mallusoc'h, d'ho soñj ?

A galon--Prieladkozh (kaozeal) 16 Eos 2012 da 11:24 (UTC)

Da Bianchi-Bihan : N'eus ket nemet gerioù kemmet ha verboù displeget. Bez ez eus ar gerioù digemm da gentañ, ha war-lec'h nemetken e teu ar furmoù displeget hag all. Ne gav ket din e cheñchfe kalz tra lakaat gerioù a-bouez a venegez a-raok pe war-lec'h ar gerioù displeget/kemmet (en ur lakaat ar gerioù digemm/orin a glot ganto evel-just), kavet e vint un deiz bennak amañ. Mar plij d'ar wikeriadourien lakaat holl furmoù ur ger, a-raok an holl c'herioù a gaver e brezhoneg, eo mat din. Perak lakaat troioù-lavar pe troiennoù a-raok ar gerioù a-bouez-se neuze ? Me gav eo ken tavoudus ober ur bajenn er wikeriadur evit un droienn (enni gerioù kemmet a-wechoù) hag ur ger kemmet/displeget. Ne lakaomp ket an dalvoudegezh en hevelep lec'h, adskrivañ a ran eo talvoudus gouzout penaos eo deuet ger-mañ-ger da vezañ hag ur bajenn (ul labour) gouestlet d'ar fed-se zo dereat.

Da Prieladkozh : N'emaomp ket o tivizout diwar-benn ar wikipedia brezhonek amañ. Gouzout petra eo trede gour unan an amzer-dremenet strizh en doare-disklêriañ en ur vont e pajennoù ar wikeriadur a c'hell servij d'unan a zesk brezhoneg.--Gwendal (kaozeal) 16 Eos 2012 da 15:47 (UTC)

Da neuze e rankan goulenn: evit gouzout petra zo talvoudus d'un den a zesk brezhoneg, pegeit zo emaout o kelenn brezhoneg? Bianchi-Bihan (kaozeal) 17 Eos 2012 da 06:40 (UTC)

Demat,
Sur a-walc'h ho poa komprenet mat edon oc'h ober meneg eus kement tra hag a vez liammet ouzh Wikipedia dre vras, Wikeriadur peurgetket. N'ho peus ket respontet d'am goulenn, bet savet a-dreuz ganin marteze : perak an diaoul mont da sevel pennadoù diwar-benn displegaderioù KEMMET ar verboù brezhonek (hep na vije bet kaozet anezhi kent) tra ma chom kement a bennadoù all damm pe beuzechuet ? Ken mallus eo ar raktres-se e gwirionez ?
Mar bijen un deskard bennak o klask war-lerc'h ar seurt titouroù e kav din ez ajen kentoc'h da sellet ouzh taolennigoù lakaet e-barzh rann ar verb-mañ-verb, kuit d'ober ur mont-dont diboell (din-me). Evel ar re a oa bet savet, n'ouzon ket gant piv, e-keñver an araogennoù, ken aes ha tra.
C'hoant am eus da skrivañ un draig all kent lezel ar gaoz gant reoù all : n'eo ket plijus, e mod ebet, kaout ar santimant da vezañ degemeret, gwechoù 'zo, evel ur velc'hwedenn war ul letuzenn. N'hall ket bezañ ar skiant vat er memes tu bepred ha ret eo groñs klask kompren alioù all ha pa zeujen eus...Breizh-Uhel :-).
A galon.--Prieladkozh (kaozeal) 19 Eos 2012 da 11:42 (UTC)

Demat deoc'h holl.
N'eus ket meur a zoare da zeskiñ ar yezh d'an dud ?
Ar respont 'm eus graet da Bianchi-Bihan a zo mat evit Prieladkozh ivez. Al labour war ar bajennoù "muioc'h a-bouez" a vo graet forzh penaos un deiz bennak. Ur bajenn er Wikeriadur diwar-benn un displegadur kemmet eus ur verb, a vez bepred kavet enni ul liamm war-du ar verb dizispleg. Er bajenn sav da skouer, e veneger an anv-verb (pe pennanor) sevel, an dra-se zo gwir e pep pajenn, sañset. N'eo ket trawalc'h da lakaat en un daolenn eo e trede gour unan an amzer-vremañ, en doare-disklêriañ "sav" : ur bajenn a ranker ober da 'm mennozh.
Digarezit me war ar fed e tegemerfen ho skridoù (ha pa vefoc'h eus Breizh-Uhel pe eus Sina, me zo eus Breizh-Uhel ivez) en un doare rust. Sklaeraat a ra ma soñj, ha komprennet mat eo da 'm soñj (ha ne vir ket d'ober fazioù evel-just). N'emañ ar skiant vat gant den met kaozeal a c'heller, anat eo. A galon, Gwendal (kaozeal) 25 Eos 2012 da 08:33 (UTC)

Demat d'an holl,
Ar wirionez a zo ganeoc'h pa skrivit ez eus meur a zoare da zeskiñ ur yezh, ha dre chañs. Padal ne vez ket eus anadenn ar c'hemmadurioù en holl yezhoù ha, dre skiant-prenet e ouzon mat pegen buan e c'haller lakaat strafuilh e penn un nevezvrezhoneger o klask e hent gant an danvez-se. Se zo kaoz e kadarnaan ez eo pouezus-kenañ gouzout chom hep mont re bell ganti. Doujañs am eus ouzh ho sav-boent met n'on ket kendrec'het gant hoc'h arguzennoù.
Keuz bras am eus ne vije ket bet eus ar c'haozeadennoù-se a-raok na vije bet loc'het al labour emaomp oc'h ober meneg anezhañ amañ. Domaj eo...--Prieladkozh (kaozeal) 27 Eos 2012 da 12:09 (UTC)

Diwar-benn an doare m'eo bet savet ar votadeg-mañ

Meur a dra a zo a-dreuz en doare m'eo bet savet ar votadeg-mañ :

1. Er penn kentañ e oa bet savet ur votadeg diwar-benn ar furmoù kemmet ha goude bezañ loc'het ar votadeg ez eus bet ouzhpennet poentoù all diwar-benn un dra all : [1]. Daoust hag-eñ e c'heller ouzhpennañ poentoù all evel se ? Ha piv a c'hell hen ober ?
2. Un implijer en doa votet a-enep meno ‎Bianchi-Bihan ha diouzhtu goude en deus hemañ skrivet un astenn untuek ar c'hinnig 3 : [2]. Daoust ha reizh eo lakaat e savboent e-barzh ar c'hinnigoù da votiñ ?

   Ur resisadur ha ne oa ket diezhomm. Gant skouerioù splann ouzhpenn. Bianchi-Bihan (kaozeal) 21 Eos 2012 da 10:15 (UTC)

   Ur resisadur hag a oa untuek ha diwir pa gaver c'hi er Wikeriadur gallek ha c'hi er Wikeriadur saoznek. --Ben Herzog (kaozeal) 23 Eos 2012 da 09:18 (UTC)

3. N'eo ket bet pedet an holl da votiñ, ar re a c'hellfe bezañ a-du gant kinnigoù ‎Bianchi-Bihan hepken.
4. Diouzh un tu ne weler ket re vat peseurt diforc'h ar zo etre ar c'hinnigoù 2 ha 2.1, ha diouzh an tu all ne roer ket tro d'ar re n'emaint a-du ganto da votiñ a-enep. Daoust ha reizh eo ?
5. Ne ouezer ket hag-eñ e talv ar c'hinnigoù evit ar brezhoneg hepken, ar yezhoù keltiek, pe an holl yezhoù. Ret e vefe resisaat.
6. N'eo ket sklaer ar c'hinnig 1.1 Ne vo ket degemeret stummoù kemmet ar verboù nag ar gerioù all, war-bouez ar re a vo bet degemeret goude divizout ha war diazezoù sklaer. Ret e vefe lavaret diouzhtu petra eo an diazezoù sklaer-se.

Gallet hor bije tremen hebiou an traoù a-dreuz-se ma vije bet teurvezet kaozeal ha degemer alioù tud all a-raok digeriñ ar votadeg. --Ben Herzog (kaozeal) 21 Eos 2012 da 08:03 (UTC)

1 An holl a c'hall reiñ o ali, ha setu pezh a rez. An holl a c'hall kaozeal pa garont, hag ober a rez. Kement-se a gavan mat.

1.1 Ne vije ket fall ober aliesoc'h.

2 N'ouzon ket piv eo an holl genlabourerien. Ma fell dit pediñ tud, gra. Met ne gonto nemet votoù ar re o deus labouret a-raok evel-just.

3 Evel brezhoneger e karfen e vije savet ur benveg deskiñ amañ, ha n'eo ket ur benveg c'hoari. En un doare personel ne ran forzh ebet gant ar yezhoù all amañ. Ma fell d'an dud c'hoari gant anticonstitutionnellement, pe eussions mangé, gwazh a se dezho. Eus perzh brezhonegerien hag a dleje bezañ troet da gas o yezh war-raok ne gomprenfen ket, netra ken. Pep hini a ra pezh a gar, met ma n'eo ket evit kas ar yezh war-raok n'em eus netra d'ober amañ, ha kollet em eus mizvezhioù labour hag a vije bet talvoudusoc'h din ma vijen aet da besketa.

4 Komzomp eus an "diazezoù sklaer" eta. Ur boaz mat e vije kaozeal, etre kenlabourerien. Din-me eo sklaer an diazezoù pa vez emglev diwarne, ha se n'hall c'hoarvezout nemet dre gaozeal, ... ha pa vez graet ne vez ket ezhomm mont da votiñ evel bremañ. Met an diazezoù sklaer amañ n'eo ket ar re a vez kaoz anezho ahont, en ur geriadur all: [3].... ha kaoz ebet anezho amañ . Bianchi-Bihan (kaozeal) 21 Eos 2012 da 10:10 (UTC)

Much ado about nothing. N'eus respont sirius ebet d'am evezhiadennoù el linennoù-se diwar-benn an doare m'eo bet savet ar votadeg-mañ. --Ben Herzog (kaozeal) 22 Eos 2012 da 05:34 (UTC)

C'hwec'h deiz a-raok fin ar votadeg e oa poent digammañ ar bajenn votiñ. --Ben Herzog (kaozeal) 25 Eos 2012 da 04:22 (UTC)

Digammañ ar speredoù a vije mallusoc'h. Bianchi-Bihan (kaozeal) 27 Eos 2012 da 12:29 (UTC)

Perak e savan a-enep ar pennadoù gant kemmadurioù ha verboù displeget (hag an daou war un dro) evit an daou vloaz da zont

1. Peogwir ne servij nemet da grouiñ pennadoù a vernioù hep netra enne;
2. Peogwir n'eus nemet un tri pe bevar den oc'h ober al labour amañ (ne gomzan ket eus ar re na deuont nemet evit votiñ hep ober netra all) ha gwelloc'h e vije labourat gant un tamm urzh eget chom da c'hoari gant pennadoù goullo.
3. Peogwir e vo lakaet nouspet dekvloaziad a-raok lakaat skouerioù e pep pennad, ha pennadoù hep skouerioù zo didalvoud, koulz c'hoari gant Geriadurig Moulladurioù Hor Yezh neuze ma kaver un toullad skouerioù !
4. Peogwir n'omp ket aet pelloc'h eget abegus hervez urzh al lizherenneg.
5. Peogwir, pa glasker skouerioù gant seblantout er pennadoù all, e teu war wel da gentañ an 30 furm verbel, skouer ebet enne (hag en darn vrasañ ne vo hini ebet morse) a-raok diskoachañ un dra bennak. AR VERBOU REIZH DISPLEGET A VIR OUZH AR C'HLASK. Hag a zigaloneka ar c'hlasker. Setu ar wirionez.

Bianchi-Bihan (kaozeal) 28 Eos 2012 da 11:44 (UTC)