Kaozeadenn Implijer:Yun/Dielloù 2007

Yun

Thanks for all. I repaired the cataloneg for catalaneg. You can see in ca:katalaneg. -- Krls

Gourc'hemennoù

Gourc'hemennoù evit bezañ peget e-barzh ar (G)wikeriadur. Talvoudus-kenañ eo al labour az peus graet. Tammoù traoù am boa graet e 2005 zo met n'em boa ket kemeret ar boan morse da gompren da vat penaos e oa frammet ar wikigeriadurioù all. Laouen-kenañ on o welet eo loc'het hor wikeriadur da vat bremañ. Kalon dit da genderc'hel ganti. Dalc'h mat ! Fulup 3 Gen 2007 da 09:48 (UTC)

Gwik/wik

Ya, bloavezh mat dit ivez. A-du-kenañ on evit dispartiañ mat ar geriadur eus an holloueziadur ivez. Daou venveg disheñvel evit daou ezhomm disheñvel. N'ouzon ket piv en deus degaset ar stumm gant Gwik-. Me eo en doa kinniget ober gant Wikeriadur a gav din ha lakaet em boa ar stumm-se e patrom traoñ ar pajennoù degemer (war Commons ivez). N'on ket a-enep ober gant gwik- met d'ar mare-se e vefe dav kaout asant ar gumuniezh evit mont war-du Gwikipedia ha cheñch al logo. Ar pezh na vo ket aes sur a-walc'h. Tammoù tabut zo etre tud zo er mare-mañ. Tu talvoudus ar stummoù gant Gwik- eo e teufe diouzhtu el luskerioù enklask e-lec'h bezañ beuzet e-touez an holl Wikioù all. Ar pep furañ zo chom gant Wik- evit poent koulskoude, a soñj din atav. Tu zo da reizhañ ar stumm e pep lec'h war ar bajenn degemer. War un dachenn all em eus taolet ur sell ouzh ar pennad Genver hag em eus gwelet e roez daou stumm evit an arabeg. Unan zo un amprest diwar ar saozneg Iunair hag egile, kanun ath thani zo un termen hengounel implijet er deiziadur siriak (dle nebeut implijet). Mankout a ra ar stumm hengounel evit an deiziadur muzulman boas. Fulup 4 Gen 2007 da 17:32 (UTC)

pennad nevez

• Troet em eus ar pennad Danav diwar ar saozneg. N'on ket sur da vezañ komprenet mat-tre implij an holl batromoù. Merzout a ran n'eo ket frammet heñvel ar wikeriadur saoznek hag an hini gallek. Kazus eo. Ret e vo dibab ur patrom sklaer. Me en em gav gant un daolenn velen ha gwelet em eus war-lerc'h az poa implijet un daolenn c'hris e kala-Genver... Gallout a rez cheñch an traoù em fennad evit klotañ gant ar pezh az peus graet, ma'z peus c'hoant.
• En daolenn yezhadurel az peus graet n'eo ket trawalc'h gant unander/liester e brezhoneg. Ret e vefe klokaat gant ar gerioù-stroll (stroll gwez > unanderenn gwezenn > liester war an unanderenn gwezennoù), hag ar gerioù hollek. Bez ez eus ivez gerioù dezho adliesterioù park > parkoù > parkeier ha gerioù dezho implijoù stroll hag implijoù hollek diouzh an dro. Fulup 4 Gen 2007 da 22:31 (UTC)

patromoù

• Mat eo. Ober a rin evel ma lavarez evit ar patromoù. Ha tu a vefe dit sevel ul logo deomp-ni evit ar Wikeriadur, e-lec'h Wiktionary? Ma'm eus soñj mat eo te en doa graet war-dro logo ar Wikipedia brezhonek. Ezhomm zo da unan bennak kaout ar statud merour ivez evit bezañ gouest da gempenn yezh an etrefas un tammig. Ma 'z out a-du eo mat din goulenn an aotre amañ ivez dre ma'z on merour dija evit lodenn an holloueziadur. Pe marteze ne vefe ket fall dit-te bezañ merour amañ ivez. Petra a soñjez? Ma kavez gwelloc'h gortoz ha goulenn ali ar re all war Wikipedia lavar din. Fulup 5 Gen 2007 da 14:53 (UTC)

patromoù an daolenn

ma komprenan mat eo kenkoulz din diverkañ ar patromoù laez, traoñ ha kreiz am eus troet diwar ar saozneg? Fulup 5 Gen 2007 da 14:58 (UTC)

deverennoù?

• N'anavezan ket ar stumm deverennoù az peus implijet er patrom zo er pennad brezhoneg. E geriadur an Here ne gavan nemet deveradoù, an termen on boas da implijout hag a glevan en-dro din. Roparz Hemon n'anavez nemet deveradur ivez. Fulup 5 Gen 2007 da 15:39 (UTC)

Logo

• Setu amañ al liamm evit kavout skouerioù logoioù da azasaat war Commons : [[1]]. Fulup 5 Gen 2007 da 17:51 (UTC)

N'ouzon ket pelec'h e ranker pellgargañ al logo. Laka anezhañ war Commons atav gant ar re all ha klask adkavout penaos az poa graet evit hini Wikipedia. Fulup 6 Gen 2007 da 17:59 (UTC)

Kavet em eus, gra ar goulenn amañ [2]. Skriv da c'houlenn er rubrikenn ready to switch > Wiktionary Fulup 6 Gen 2007 da 18:17 (UTC)

Dispar, brav-kenañ eo. Gwarezet em eus al logo evel m'eo erbedet ober war Meta a-raok goulenn ma vo karget war an holl bajennoù dre ziouer. Lavar din ma'z pez c'hoant cheñch tra pe dra er skeudenn neuze. Fulup 6 Gen 2007 da 18:36 (UTC)

• Ne zeuan ket a-benn da adenporzhiañ ar skeudenn dindan an anv nevez. Gra ar cheñchamant anv, lavar din, gwareziñ a rin ar restr ha goude e c'halli goulenn ma vo karget da vat war al lec'hienn. Fulup 6 Gen 2007 da 18:53 (UTC)
• Mat eo, gwarezet eo ar skeudenn nevez bremañ. Fulup 6 Gen 2007 da 19:35 (UTC)
• Setu, cheñchet eo al logo. A-benn ar fin em eus kavet al lec'h evit kaout sikour da vat. Amañ an hini eo. Kerzh d'ober un tamm tro, krou ur gont ha displeg petra az peus ezhomm. Me zo bet sikouret gant ur paotr eus Naoned evit al logo. Moarvat e kavi aze tud a oar un tammig muioc'h egedon eus ar Monobook. Fulup 6 Gen 2007 da 21:10 (UTC)

merour

Graet em eus ar goulenn. Fulup 5 Gen 2007 da 18:21 (UTC)

• Mat, graet an taol. Anvet on bet evit tri miz da c'hortoz peogwir ne oa ket bet a votadeg wirion. Savet em eus ur bajenn votiñ amañ : Wiktionary:Degemer. Trugarez da votiñ en-dro ent ofisiel (goulennet eo gant ar Vurokrated). Fulup 5 Gen 2007 da 20:30 (UTC)

Arabeg

• Pelec'h az poa kavet an titouroù evit ar mizoù en arabeg? Ne kavan ket anezho war ar yezhoù all am eus sellet outo. Ha war an hini arabek n'on ket evit skrivañ netra! Fulup 5 Gen 2007 da 18:35 (UTC)

monobook

• Ouzhpennet em eus ar pakad er monobook met sur a-walc'h em eus graet ur fazi ereadurezh rak un tres a-dreuz zo. Taol ur sell warnañ mar plij amañ MediaWiki:Monobook.js. Ha ret eo tennañ ar /* e pep lec'h nemet er fin? Fulup 5 Gen 2007 da 20:57 (UTC)

Evit ar monobook on tost sur n'eo ket bet graet mat an traoù ganin. Klik war al liamm ha sell mat. Lodennoù zo eus ar skrid a chom paket e bloc'hadoù gris. N'eo ket reizh. Sell ouzh tarzh an destenn ha lavar din petra tennañ. Ne vije ket abalamour d'an arouezennoù /* </pre> ?

Petra glaskez lakaat war wel ent resis? Fulup 6 Gen 2007 da 17:19 (UTC)

gerioù heñvelster

• Penaos ober pa vez meur a dermenadur evit ur pennger ha pa vez c'hoant lakaat gerioù heñvelster evit unan eus an termenadurioù hepken ? Sell ouzh skouer ar ger hiziv mar plij. Ret eo d'an heñvelster bremañ klotañ gant an eil termenadur hepken. Fulup 5 Gen 2007 da 23:27 (UTC)

Devanagari

• Ma doue, n'anavezan seurt en hindi. N'em eus graet nemet enporzhiañ amañ ar boued am boa kavet war ur wikeriadur all evel az poa graet evit an arabeg. Diaes e vo mirout ouzh traoù evel-se da c'hoarvezout en-dro en amzer da zont m'eus aon, dreist-holl pa vo 15 pe 20 a dud o sevel pennadoù amañ a-benn un nebeud mizioù. Kavout a ra din memes tra eo gwelloc'h degas boued ha pa ne vefe ket saver ar pennad evit gwiriañ kement yezh zo eget chom hep lakaat netra. Da c'houde e vo dav fiziout en arbennigourien war yezh pe yezh evit resisaat an traoù. Dre chañs, gant an doare da rummata eo aes adkavout ar gerioù e yezh pe yezh. An hevelep kudenn zo c'hoarvezet war ar wiki saoznek evit ar brezhoneg. Un Hungarad divrezhonek bennak en deus savet un toullad pennadoù en ur implijout ur geriadur kozh e KLT... Fulup 7 Gen 2007 da 11:11 (UTC)
  • Me ivez n'anvezan ket an hindeg, ar sañskriteg hag an devanagari ne lavaran ket. Un dibab a chom d'ober atav : pe ez aimp da heul ar boas nevez-se a gaver er Wikeriadur hindek (ha sañskritek ivez met n'eo ket loc'het da vat ar Wikeriadur-se), pe e talc'himp d'an hengoun ha d'an doare-skrivañ a zo c'hoazh en implij war baper. Komprenet 'peus ez on-me evit derc'hel d'an devanagari hengounel.--Yun (kaozeal) 7 Gen 2007 da 11:27 (UTC)
    • Ya, tu zo da lakaat da reolenn skrivañ en doare hengounel. Ar pezh am boa bet c'hoant da lavaret eo eo c'hoarvezo sur a-walc'h en amzer da zont c'hoazh e vije degaset en hor wikeriadur stummoù sañskriteg dastumet e wikeriadurioù all ha skrivet gant un urzh all. D'ar mare-se n'hallo bezañ reizhet nemet ganit. Fulup 7 Gen 2007 da 11:47 (UTC)
• Aleluia! Fulup 14 Gen 2007 da 11:19 (UTC)

Rannyezh Normandi

• Petra vez graet eus ar rannyezh-se ganit : normaneg pe normandeg ? Emaon o sevel ar pennad dimanche.--Yun (kaozeal) 7 Gen 2007 da 11:46 (UTC)
  • Tuet e vefen d'ober gant Normandeg ha da zerc'hel Normaneg evit yezh ar bobl kozh (Vikinged) diazezet eno gwechall. Fulup 7 Gen 2007 da 11:50 (UTC)

distagadur

Pelec'h emañ renket al lizherennoù fonetek evit sevel distagadurioù ? Ne gavan ket anezho. Fulup 7 Gen 2007 da 11:53 (UTC)

Pennad skouer

Savet em eus ur pennad skouer rakframmet evit ma c'hallfe an dud sevel pennadoù aes-tre en ur lakaat muioc'h o spered gant an aferioù yezh eget gant ar frammañ pennadoù. Hag evel-se emaomp suroc'h da gaout pennadoù frammet holl war an hevelep patrom. Taol ur sell war ar pennad mar plij, ha kloka ha difazi anezhañ diouzh an ezhomm. Pa vo mat dit e warezin anezhañ evit ma c'hallje bezañ eilet hep na vije degaset kemmoù ennañ. Trugarez. Amañ emañ : Pennad skouer evit un anv-kadarn brezhonek Fulup 7 Gen 2007 da 12:16 (UTC)

Pennadoù liessteriek gant troidigezhioù liesseurt

• Mar plij, taol ur sell ouzh pennad ar ger Meurzh. Poan am eus bet o frammañ anezhañ peogwir e oa kalz a droidigezhioù disheñvel diouzh ar sterioù. N'eo ket brav-brav an disoc'h da welet. N'ouzon ket re penaos ober a-hend-all. Marteze az po ur soñj bennak. Ha n'ouzon ket pelec'h renkañ an deveradoù er pennad-se.
• Kavout a ran e rankan tremen kalz a amzer oc'h adlakaat en urzh al lizherenneg an troidigezhioù kinniget er bloc'hadoù (war pennad Meurzh e oa n'ouzon ket pet troidigezh). Ha ne vije ket tu da sevel ur bot a adlakafe an traoù en urzh er bloc'had treiñ pa n'emaint ket ? Ret e vije krouiñ ul liamm etre kod pep yezh hag anv ar yezh-se e brezhoneg ha lakaat urzhiañ an traoù diouzh urzh al lizherenneg brezhoneg. Diaes eo d'ober? Se a lakafe ac'hanomp da c'hounit kalz amzer. Tu a vije da begañ kalz troidigezhioù en un taol. Petra a soñjez ?
• Evit an etrefas e oan nec'het-bras peogwir betek-henn em eus troet etrefas pep raktres unan hag unan. Da lavaret eo em eus troet ur wech pep tra e 2005. Lakaet eo bet an droidigezh da dalvezout war an holl raktresoù. Abaoe avat ez eus bet nevesaet kalzik a draoù ha me n'em eus gallet nevesaat ar restr treiñ nemet war ar Wikipedia brezhonek peogwir ne oan ket merour e lec'h all. Setu perak eo koshaet an traoù war ar raktresoù all hag eo distro ar saozneg. Spontus eo an dra-se peogwir eo ul labour bras-kenañ d'ober, gorrek hag arabadus-meurbet. Klakset em esu en-dro ha kavet em eus an doare bremañ evit treiñ adarre ar roll orin ha lakaat ar skrid nevez da dalvezout war an holl raktresoù war un dro war-lerc'h evel e penn kentañ. Setu perak ne nevesain ket an etrefas amañ ken. Labourat a rin er raktres hollek ha pa vin prest e vo cheñchet pep tra war an holl raktresoù war un dro.
• Lakaet em eus degemer an anv Wikeriadur evel anv ofisiel evit hor raktres ivez. Dont a raio dre ziouer bremañ.
• Krouet em eus ur patrom da lakaat war pennadoù Wikipedia evit ober al liamm gant ar wikeriadur. Evel-se e vo brudet ar raktres tamm-ha-tamm. Dre forzh klikañ en em gavo un nebeud tud betek ar raktres-mañ. ur skouer a gavi ma klikez ouzh al liamm a gas da Veurzh war Wikipedia e traoñ pennad Meurzh

Sellit ouzh Yun/Dielloù 2007 er
wikeriadur, ar geriadur frank.

• Setu evit poent n'em eus ket gallet echuiñ pennadoù deizioù ar sizhun. 'benn diwezhatoc'hik. N'ouzon ket hag-eñ e c'hallin labourat kalz e-pad ar sizhun. Kalon dit da genderc'hel ganti. Fulup 7 Gen 2007 da 22:26 (UTC)

pajenn degemer

• Klasket em eus kempenn an bajenn degemer en-dro evit klask lakaat un tammig liv glas war wel (liammoù da glikañ warno), evit na soñjfe ket an dud a zeufe war ar wikeriadur eo goullo. Evit se em eus tapet ur patrom war ar wiki katalanek. Lakaet em eus war wel ar gerioù brezhonek nevez termenet. Lakaet em eus war pajenn porched ar gumuniezh roll ar gerioù a c'houlennner sevel pennadoù evito (liammoù ruz dre vras). N'on ket gwall laouen gant an disoc'h rak n'on ket deuet a-benn da adkempenn ar bajenn evel ma felle din ober (lakaat ar bloc'had "mont er wikeriadur" just a-us d'an "daolenn lizherennel"). Mar plij klask kempenn un tammig ma'z peus amzer. Klask a rin e-dro warc'hoazh a-hend-all. Digarez, n'on ket gwall ampart war ar merañ kodoù pajennaozañ. Mar ne blij ket dit ar stumm nevez adlaka evel ma oa a-raok. N'on ket chalet. Fulup 8 Gen 2007 da 22:40 (UTC)

traoù yezh

evidon, war ar prim

• Emañ da lakaat e-barzh kevrenn ar rummenn ger, a-us da linenn ar stumm(où).

n'eo ket mat nemet e rafes anv eus Piv (rener) a lakaio. Emañ an den-se da lakaat ar patrom e lec'h pe lec'h

padal

• Emañ (petra : ar patrom = renadenn) da vezañ lakaet e-barzh kevrenn ar rummenn ger, a-us da linenn ar stumm(où).

a gavan reishoc'h-kalz. met anzav a ran ez on skuizh fenoz, klask a rin goulenn ali unan bennak.

Ouzhpenn e lakafen kemm en div frazenn-mañ

• emañ da skarzhañ (ret eo e skarzhañ)
• emañ da vezañ skarzhet (anv zo a skarzhañ anezhañ a-raok pell)

Fulup 8 Gen 2007 da 22:57 (UTC)

Patrom liester an annezidi en -iz

• Sur out eo Tregromaded liester tud Tregrom? Peurliesañ e vez savet ul liester en -iz evit stumm lies -ad an annezidi. Penaos lakaat ul liester en -iz er pennad Sadunanad e-lec'h -ed? Fulup 12 Gen 2007 da 22:39 (UTC)

etrefas

• Klokaet em eus troidigezh an etrefas. Mat ez a ar monobook css en-dro met ne c'hoarvez netra gant ar js. Gouzout a rez perak? Ne gomprenan ket. Fulup 15 Gen 2007 da 20:23 (UTC)

Ac'ha, kavet an draen ganin .Disoñjet em boa klokaat an edittools! Setu un tamm araokadenn atav, da c'hortoz gwell. Fulup 15 Gen 2007 da 20:50 (UTC)

stagell

• ya, kavet em eus anezhañ war-lerc'h goude hirglask. Ur gudenn zo gant ar rummadoù rak unan zo anvet patromoù rummenn ger hag egile patromoù Rumenn ger gant ur bennlizherenn. N'emaint ket renket en hevelep lec'h ha pennadoù disheñvel zo enno. Ur gwir luziadell pa glask an den patromoù. Ha tu a vefe dit kempenn an dra-se? Diverkañ a ran ar patroù Stagell krouet ganin. Fulup 20 Gen 2007 da 22:44 (UTC)

rakgerioù

• Petra a soñjez eus doare kinnig ar rakgerioù? Skrivañ anezho evel ar gerioù all pe sevel ur pennger a-ziforc'h heuliet gant ur varrennig-stagañ. Da skouer 'peur pe peur- ? Evit poent em eus renket dan- (dangorz, danvorel) dindan dan. Marteze e vint aesoc'h da gavout ma vezont skrivet evel ar penngerioù all. Fulup 20 Gen 2007 da 22:49 (UTC)

Gwelloc'h eo ganin lezel ar varrennig evit diskouez n'heller ker implij ar rakgerioù hag losgerioù o-unan. Ar pennger peur- a c'heller lenn e geriadurioù an Here, Favereau, ha Roparz Hemon - Ronan Huon. --Yun (kaozeal) 21 Gen 2007 da 11:04 (UTC)

mat eo din; adkempenn a ran ar pennad. Fulup 21 Gen 2007 da 11:19 (UTC)

rummadoù

• Ar pezh am eus c'hoant ober eo rummata ar gerioù a vank un etimologiezh evito en ur yezh bennak e rummad ar yezh-se end-eeun. Evel-se e vint aesoc'h da gavout. An dud a yay da welet gerioù saoznek ar geriadur a gavo er rummad-se ul liamm war-du ar pennadoù saoznek a vank un etimologiezh evito. Mard int dedennet/barrek war se e vo sachet o evezh aze. Fulup 21 Gen 2007 da 15:11 (UTC)
  • Gallout a ri klokaat ar patrom neuze? Da c'hortoz paouez a ran da ouzhpennañ a rummad yezh. Lavar din ma'z peus c'hoant e rafen tra pe dra. Fulup 21 Gen 2007 da 15:15 (UTC)

Trugarez... met n'eus ket a rummad br, unan brezhoneg zo. Sell penaos e teu bremañ e-barzh Rummad:Wikeriadur:Etimologiezhioù a vank en brezhoneg Fulup 21 Gen 2007 da 15:48 (UTC)

nds

• N'ouzon ker re, marteze e vefe kenkoulz goulenn ali Neal ha Pokorny war Wikipedia. Fulup 28 Gen 2007 da 18:43 (UTC)

patrom ak -on e galleg

• Trugarez da vezañ kempennet ar patrom gallek evit ar pennad con. Un tamm mat a vec'h am boa bet o klask kempenn anezhañ (gt ar patromoù stag all). c'hoant am boa goulenn sikour ganit forzh penaos peogwir ne ouien ket mui penaos en em dennañ. Fulup 30 Gen 2007 da 23:08 (UTC)

Raktres Omega

Moarvat e vi dedennet da deuler ur sell amañ hag amañ. Lañset em eus an traoù ha goulennet ar gwirioù evit gellout kemer perzh. N'ouzon ket re penaos e c'hallo treiñ an traoù e-keñver ar wikeriadurioù en amzer da zont met krog int da enporzhiañ roadennoù. --Fulup 11 Meu 2007 da 18:26 (UTC)

Bot war wikipedia

Demat Yun. Daoust hag-eñ e ouifes krouiñ ur bot war wikipedia (br) a gasfe ur gemenadenn d'an dud a zisoñj rummata ar pennadoù krouet ganto. Seurt botoù a zo war darn vrasañ ar wikipediaoù bras (gw. da skouer wikipedia:fr:Utilisateur:Escalabot, met pas e brezhoneg. Trugarez dit! Benoni 11 Ebr 2007 da 16:32 (UTC)

Klasket em eus sevel ur pennad gant halañ. Shelley Konk 9 Du 2007 da 06:29 (UTC)

D'am soñj e teu ar gerioù "eus" ur yezh ha neket "diouzh" ur yezh, evel ma teuan eus kêr ha neket diouzh kêr. Evel-se e oa kont er c'hantvedoù kozh. Shelley Konk 9 Du 2007 da 07:19 (UTC)

Trugarez. Teurel a rin evezh. --Yun (kaozeal) 9 Du 2007 da 07:22 (UTC)

N'anavezen ket al lec'h, kollet on un tamm, met ma gourc'hemennoù a roan dit pa welan al labour zo bet graet ganit. Lakaet em eus un draig er bajennad kolo, ober a ri war-dro, ne gomprenan ket penaos e ya en-dro. D'ar c'hentañ. Shelley Konk 9 Du 2007 da 17:09 (UTC)

Mar

Kavet em eus " Mar ouezit tra pe dra diwar-benn an danvez e c'hellit rannañ ho kouiziegezh dre gemmañ diouzhtu ar bajenn-mañ goude klikañ war al liamm « kemmañ »". Kemmadur ebet war-lerc'h mar. Broudikovitch 10 Du 2007 da 20:17 (UTC)

Trugarez, reizhet eo. --Yun (kaozeal) 10 Du 2007 da 20:36 (UTC)

Latvieg

Kavet em eus ar ger "latvieg ": marteze ar ger a zo latveg em geriadur. Broudikovitch 11 Du 2007 da 02:34 (UTC)

Latvieg a gaver e geriaoueg Ofis ar brezhoneg. --Yun (kaozeal) 11 Du 2007 da 04:41 (UTC)

Davit

• Mari Vihan a blij din Kalz a labour a ra din Goro ar saout Kas anezho er-maez Ober soubenn gant o laezh Mont d’ar jardin davit kaol Hag o drailhañ war an daol. A zo e TBP 3, p. 367, 1974, dirak ma daoulagad.

Trugarez, kavet ganin p. 617 an eil embannadur 1984.--Yun (kaozeal) 11 Du 2007 da 14:01 (UTC)

• Keltieg zo ur fazi, hervez Fleuriot ha meur a hini all, latvieg ivez d'am soñj. Kelteg, latveg. An tech da lakaat "i" ne vije ket fall stourm outañ (yezhoù/yezhioù, lavaroù/lavarioù, paneroù/panerioù).
• Ret eo merkañ a belec'h e teu ar stummoù, dreist-holl pa vez meur a stumm.
• Ar si gant an Ofis eo e lakaer un anv kevredigezh war dibab personel un den ha n'ouzer ket piv eo. Bianchi-Bihan 11 Du 2007 da 11:55 (UTC)

Brezhonekaat

Lavaret zo din lakaat un tour Babel war ma "fajenn". Met pa welan ar frazenn An implijer-mañ en deus ur vestroni leun eus ar brezhoneg n'on ket evit ober. Gouzout a rez penaos ober evit kemm ar skrid? Brezhonekaat ar frazenn-se a garfen, ma c'haller. Bianchi-Bihan 11 Du 2007 da 15:03 (UTC) Mat eo, lavaret zo din penaos ober, ha graet ar jeu. Bianchi-Bihan 11 Du 2007 da 15:13 (UTC)

Setu ar respont edon o prientiñ ::Ya, met n'emañ ket ar patrom-se war ar Wikeriadur c'hoazh. Trawalc'h a vo dit digeriñ ar Patrom:User br ha klikañ war kemmañ. Sell mat ouzh al liammoù a-raok kemmañ ar brezhoneg. Setu amañ al liamm war-zu ar patrom-se war Wikipedia : w:Patrom:User br. Se zo evit an tu teknikel, bremañ e ranki ober diouzh an dud all ha kaozeal a-raok kemmañ ur patrom a zo boutin da veur a hini

Met aet out buanoc'h egedon. --Yun (kaozeal) 11 Du 2007 da 15:26 (UTC)

Arabat bout nec'het: e-lec'h 'm eus adsavet an ti ne deuy den da glemm.

A-hend-all, marteze ne vije ket falloc'h brezhonekaat dre amañ ivez, n'ouzon ket. N'em eus ket gwelet tour ebet, ha ne gklaskin ket anezho. Ne oa nemet evit ober plijadur, da unan hag a zalc'he warnon, ha d'am daoulagad war un dro. Bianchi-Bihan 11 Du 2007 da 15:39 (UTC)

Labour ha karg

Dre ma labouran war-dro ma danvez kozh e kavan traoù mat dit marteze, lakaat a ran tammoù amañ hag ahont. Ma n'eo ket mat, lar din. Bianchi-Bihan 11 Du 2007 da 17:04 (UTC)

N’eo ket wikipedia ur geriadur.

• D’am soñj n’eo ket “ar gwellañ brezhoneg a zo”.

Ne vez ket lavaret: N’eo ket an amzer brav, met N’eo ket brav an amzer.

• Kinnig a rafen lakaat Wikipedia n’eo ket ur geriadur, ha sklaer ha difazi e vo.
• Ar gwellañ din: N’eo ket ur geriadur eo wikipedia. Evel a vez lavaret bemdez en hon Bro-Leon santel.Bianchi-Bihan 11 Du 2007 da 17:22 (UTC)

leti

Dre fazi moarvat 'teus diverket "llety". Bianchi-Bihan 13 Du 2007 da 10:36 (UTC)

Pelec'h ? N'em eus stoket ouzh ar pennad leti. --Yun (kaozeal) 13 Du 2007 da 10:40 (UTC) ::Un adsell a rin. Bianchi-Bihan 13 Du 2007 da 10:57 (UTC)

N'eus ket ul listenn gant ar pennadoù savet tu bennak? Bianchi-Bihan 13 Du 2007 da 10:37 (UTC) Trugarekaat.

Respontet aze. --Yun (kaozeal) 13 Du 2007 da 11:10 (UTC)

Krennlavarioù/Krennlavaroù

Krennlavarioù brezhonek: N'hallfed ket lakaat krennlavaroù, kentoc'h? evel darbaroù, barroù... Bianchi-Bihan 13 Du 2007 da 10:57 (UTC)

Geo, galleout a reer. Met dre ma lennan krennlavarioù e geriadur an Here hag hini Favereau e kavan furoc'h gortoz e teufe muioc'h a dud da reiñ o ali a-raok.--Yun (kaozeal) 13 Du 2007 da 11:10 (UTC)

Savet eo ar ger gant lavar. E geriadur an Here e kaver skouerioù gant lavaroù (8 gwech) kentoc'h eget lavarioù (2 wech). Evel-just.

"Lavaroù ha krennlavaroù", dastumad embannet gant Sav-Heol.

Din-me eo sklaer ar jeu. Bianchi-Bihan 13 Du 2007 da 11:34 (UTC)

Kemmadur

Er bajenn-dal:

• En deiz a hiziv ez eus 4 694 pennad a displeg e brezhoneg gerioù eus 95 yezh. Kemmadur d/z. Bianchi-Bihan 13 Du 2007 da 11:50 (UTC)

Trugarez. Reizhet eo. --Yun (kaozeal) 13 Du 2007 da 11:56 (UTC)

Brav, hag aes, e vije lakaat Dibar:Newpages dindan ar c'hemmoù diwezhañ , e tu kleiz ar bajenn. Bianchi-Bihan 13 Du 2007 da 18:16 (UTC)

Gwir eo. Met ret eo bezañ merour evit se. Me, n'on ket. Emañ al liamm er bajenn koulskoude (klask dindan skeudenn Kervarker) --Yun (kaozeal) 13 Du 2007 da 18:22 (UTC)

Ne gavan ket skeudenn Kervarker. Bianchi-Bihan 16 Du 2007 da 05:15 (UTC)

Emañ war ar bennpajenn.--Yun (kaozeal) 16 Du 2007 da 15:15 (UTC)

Tiegezh

• Ma sellez er wikipedia e kavi un toullad pennadoù tad, mamm, breur, c'hoar, hag all, renket en ur rummad tiegezh, troioù-lavar ha krennlavaroù enne, muiañ ma'm eus gallet. Bianchi-Bihan 16 Du 2007 da 05:15 (UTC)

Sellet a rin.--Yun (kaozeal) 16 Du 2007 da 15:15 (UTC)

Merour

• Goulenn bout merour. Bianchi-Bihan 16 Du 2007 da 05:15 (UTC)

Graet eo : aze.--Yun (kaozeal) 16 Du 2007 da 15:15 (UTC)

Kemmañ

• E-touez an traoù a gavan diaes amañ: rankout sevel betek krec'h ar bajenn evit kemm munudoù en traoñ. Bianchi-Bihan 16 Du 2007 da 05:15 (UTC)

Se un dibab a zo bet graet war wikeriadurioù 'zo. En un tu eo diaesoc'h met en un tu all eo bravoc'h ar pajennoù, a gav din. --Yun (kaozeal) 16 Du 2007 da 15:15 (UTC)

• Gwir eo en un doare: displijus eo pajennoù wikipedia abalamour da se, ha n'haller ket o moullañ evit implij d'ober skol (graet em eus skol gant pennadoù zo) evel m'emaint. Labour ouzhpenn, met kustum on bremañ.

• Ha klasket 'peus klikañ war Stumm da voulañ a-gleiz ?--Yun (kaozeal) 16 Du 2007 da 19:08 (UTC)

• Evit ar geriawiki e kavan diaes ivez abalamour d'an arouezioù re vras, d'an droidigezh a gavfen koulz en dibenn (evit he lemel eus an dihell skol), met n'em eus ket implijet c'hoazh.
• Un dra all: an doare da zisplegañ gerioù hep frazennoù (evel en ur geriadur, petra) a virfe ouzhin d'implij ar bajenn er skol. Met ne reer ket skol gant ur geriadur.

• Evel se e vez graet en holl c'heriadurioù hag en holl wikeriadurioù am eus bet tro da welet.--Yun (kaozeal) 17 Du 2007 da 07:58 (UTC)

• Pa skrivez, e pajenn ar vot evit ar verourien, "D'an 9 a viz Kerzu 2007..." ne faziez ket war ar bloaz? Bianchi-Bihan 16 Du 2007 da 17:46 (UTC)

• Geo, reizhet eo. --Yun (kaozeal) 16 Du 2007 da 19:08 (UTC)

• Piv zo aotreet da vouezhiañ dre amañ ?Bianchi-Bihan 16 Du 2007 da 17:46 (UTC)

Ar re enskrivet abaoe eizhtez da nebeutañ (divizet ganin ma-unan :-) --Yun (kaozeal) 16 Du 2007 da 19:08 (UTC)

Sklaer hag onest. Met ne gavan ket reizh ma c'hall mouezhiañ tud "enskrivet" hep bezañ graet an disterañ labour. Bianchi-Bihan 17 Du 2007 da 05:32 (UTC)

Gwir eo. Petra 'ginnigez ? --Yun (kaozeal) 17 Du 2007 da 07:58 (UTC)

Eizhtez ha dek krogad da vihanañ. N'eo ket kalz tra, e-skoaz pezh a vez goulennet er park e-kichen. Bianchi-Bihan 17 Du 2007 da 09:20 (UTC)

Mat eo din er mod-se. --Yun (kaozeal) 17 Du 2007 da 22:16 (UTC)

etrefas

• Setu, lakaet em eus er monobook ar pennad az poa goulennet. Lavar din ha mat eo bremañ. --Fulup 19 Du 2007 da 14:08 (UTC)

Gourc'hemennoù

Gourc'hemennoù dit evit al labour pennek a gasez da benn evit kempenn ar raktres-mañ. Kalz bravoc'h ha sklaeroc'h eo an etrefas bremañ. Domaj eo ne vije ket deuet muioc'h a dud da gemer perzh ennañ. Marteze peogwir n'eus ket kement-se a c'herioù brezhonek ennañ evit c'hoazh ha peogwir emañ o tiwanañ e-skeud raktres Wikipedia, zo brudetoc'h a-galz. Evit ma c'heloù n'em eus ket amzer d'ober gwall dra ken. Pa'm bez e kendalc'han da nevesaat ha da glokaat troidigezh etrefas ar wiki zo war gemmañ atav (war Betawiki). Kalzik a labour am eus graet war Omegawiki er mizioù diwezhañ ivez. Aesoc'h eo eget ar wikeriadur rak savet eo ar framm, n'eus nemet treiñ d'ober. E-tro 1600 ger am eus troet ha termenet evit ar pep brasañ anezho. Met n'eo ket ken pinvidik hag ar Wikeriadur evit ar pezh a sell ouzh ar yezh dre vras. Ur bank termenoù teknikel eo kentoc'h. Kalon dit da genderc'hel ganti. --Fulup 20 Du 2007 da 20:34 (UTC)

Implijer

N'eo ket un anv brav. Ne garfen ket e welout war ma fajenn. "Den" n'eo ket mat? Pe "hemañ"? Ha ma vijen ur plac'h e rafen gant homañ, sur ha n'eo ket marteze. Patrom:mousc'hoarzh

Cheñchet em eus ar Patrom:User br-0. --Yun (kaozeal) 25 Du 2007 da 07:02 (UTC)

N'eo ket evit terriñ da benn, hag ober a ri evel a giri, met kavout a ra din e vez lavaret ken aes ha ken alies e brezhoneg " hemañ zo" , "ar re-mañ zo". N'eo ket ret ober gant brezhoneg komzet (a-hend-all ne vefemp ket amañ o skrivañ), met n'eo ket difennet ivez. Hag echu ganin. Bianchi-Bihan 25 Du 2007 da 07:15 (UTC)

Talvoudus eo kaout ali unan all. Ober a ri gant « Homañ pe hemañ, ne gompren ket brezhoneg ». Ha mat eo dit ? --Yun (kaozeal) 25 Du 2007 da 07:22 (UTC)

N'em boa ket taolet evezh a-raok: gant brezhoneg yac'h ha sklaer, ne welan ket petra vije gwelloc'h. Salv ma c'hallo bezañ kemeret da skouer!Bianchi-Bihan 5 Kzu 2007 da 08:30 (UTC)

deor

Ne gredan ket er ger-se muioc'h eget en Drinded, met marteze e kavin ur Sant Padrig un deiz: petra eo an oberenn veneget er pennad? Bianchi-Bihan 5 Kzu 2007 da 03:46 (UTC)

Ur levr bannoù-treset kristen. Hervez ar mod, n'out ket leonad :-) --Yun (kaozeal) 5 Kzu 2007 da 03:48 (UTC)

O teskiñ bezañ emaoun: ac'hanor pe anezhor? Bianchi-Bihan 5 Kzu 2007 da 03:51 (UTC)

Pa gavin ar ger ac'hanor skrivet en un oberenn bennak ec'h ouzhpennin anezhañ er Wikeriadur. --Yun (kaozeal) 5 Kzu 2007 da 04:00 (UTC)

Ac'hanta ! Kaozioù plijus a zo ganeoc'h amañ ! Skouerioù eus stumm dic'hour an araogennoù displeget a gaver e skridoù Yeun ar Gow (evel E skeud tour bras sant Jermen, p. 144 : Daoulinet e-kreiz ar c'hlas, em beze amzer da brederiañ na vezer ket well o terc'hel penn da greñvoc'h egedor) pe e skridoù Visant Fave (War roudoù hor misionerien, p. 203 : Ne zeuer ket da skuizhañ o welet dindanor an mor hag an inizi). Enno e tlefec'h bezañ gouest da gavout skouerioù eus ac'hanor. --Abalan 8 Kzu 2007 da 21:42 (UTC)

Ar seurt kaozioù a vez plijus atav, ha pa vankje ur banne dour-houpez warne.

Un dra eo lakaat en ur geriadur stummoù implijet gant ur skrivagner (pe zaou), un dra all eo en em soñjal diwar-benn ar stummoù-se.

Perak n'o c'haver ket e skridoù koshoc'h? Gant Leoniz pe Kerneviz all? Marteze peogwir ne oa ket anezho a-raok. Bianchi-Bihan 9 Kzu 2007 da 01:02 (UTC)

Enporzhiañ geriaouegi an Ofis

Gallout a rez enporzhiañ amañ geriaouegi an ofis ma karez. Ma lakez ur stern evel evit freelañg e vo mat, evel-se e ouio an dud pelec'h eo bet kavet ar ger. Dispar eo al labour a rez amañ. --Fulup 8 Kzu 2007 da 23:06 (UTC)

resisaat tachenn implij ur ger

Evit yezhoù zo (saozneg, spagnoleg ha galleg ivez) ez eus ezhomm a-wechoù da resisaat e peseurt bro e vez implijet ger pe c'her pe peseurt ster zo gant ger pe c'her e lec'hioù zo. Penaos lakaat se war wel en troidigezhioù ? Da skouer, kafe a vez lavaret tinto e Kolombia rak kafe implijet e-unan a dalvez kentoc'h evit kafe dre laezh; padal tinto a dalvez gwin ruz e Spagnoleg Spagn. E Spagn e vez lavaret solo evit ur banne kafe du, met se zo digomprenus-krenn e Kolombia, hag all. Setu, e-kichen ar meneg spagnoleg ez eus ezhomm da grouiñ menegoù all evit ar pezh zo dibar da spagnoleg Spagn hag ar pezh zo dibar da spagnoleg ar broioù all. Petra a c'hallez erbediñ din ? --Fulup 9 Kzu 2007 da 11:28 (UTC)

esaouenn

Nann, n'em eus ket kavet met diouzh a gomprenan war pajenn ar stadegoù, ne vez ket kontet ar pajennoù gant Wikeriadur. --Fulup 9 Kzu 2007 da 12:35 (UTC)

bloaziata

Klasket em eus kinnig bloavezhioù testeni evit gerioù zo e rann an etimologiezh. N'on ket re laouen eus ar mod ma teu war ar skramm (sell ouzh ti-kafe ha kafe). Ur patrom zo bet savet evit testeniekaat un implij dija ? --Fulup 9 Kzu 2007 da 17:25 (UTC)

Sellout penaos e ra Deshayes en e c'heriadur. Bianchi-Bihan 9 Kzu 2007 da 17:30 (UTC)

'mañ ket Deshayes ganin er gêr. Trugarez deoc'h memes tra. --Fulup 9 Kzu 2007 da 17:40 (UTC)

Tavarn

Ne gavan ket dor an davarn. Pa zivezvin marteze. Sed un draig a gavan un tamm chigardus. Lenn a ran : "Deveret eus an henvrezhoneg gob. Da geñveriañ gant ar c'hembraeg gof, ar c'herneveureg gof, an iwerzhoneg gabha hag ar galianeg goben." Ne gredan ket eo ret displegañ hir, met gob n'eo ket an henvrezhoneg en e hed. Treiñ an droienn c'hallek ger ha ger e brezhoneg ne zere ket tamm ebet. Kinnig a ran un dra eeun, goude ma'z eo hiroc'hik:

• deveret eus ar ger henvrezhonek gob,
• deuet eus an henvrezhoneg, diwar ar ger gob.

Ma soñjan e kinnigoù all e tegasin anezho. Bianchi-Bihan 11 Kzu 2007 da 04:16 (UTC)

Kaset em eus an evezhiadenn dalvoudus-se d'ar Wikidemiezh.--Yun (kaozeal) 15 Kzu 2007 da 14:31 (UTC)

Klask pemp troad d'ar maout

Ober a ri evel a giri, met setu pezh a soñjan pa lennan:

• Ar pennad Kerzu war Wikipedia  : e-barzh wikipedia, evel ma lennan en ul levr.
• A-raok Du Mizioù ar bloaz War-lerc'h Genver : ret e vije kempenn e doare da lenn ha da gompren raktal. Kinig a ran: Miz a-raok:Du Miz war-lerc'h: Genver. Ha neuze sellout ha gwelloc'h eo. Bianchi-Bihan 13 Kzu 2007 da 07:49 (UTC)

• War al lec'hienn-se a vez lennet alies war ar genrouedad (ne lavaran ket ez eo mat evit keloù-se). Al levrioù a vez digoret evel boestoù evit lenn ar pezh a zo e-barzh. Al lec'hiennoù a zo un tamm disheñvel avat : gant al logodenn e c'hoarier evit mont d'o bete.
• Gwir eo e vefe kalz gwelloc'h an diskoulm a ginnigez evit ar mizioù. Ret e vo din kempenn ar patrom {{Roll}} hag ar 87 pajenn a ra gantañ (ouzhpenn anvioù ar mizioù a zo : deizioù ; niveroù...) --Yun (kaozeal) 15 Kzu 2007 da 14:31 (UTC)

Yun

Pa welan an doare distagañ evel 'c'h eo skrivet ganit e kav din eo ar memes tra evel Yeun. Er c'horn-se eus Kerne (hini Jakez Riou ha Yeun ar Gov) e vez distaget heñvel lun, run, puñs, sizhun, ma'm eus soñj mat. Bianchi-Bihan 14 Kzu 2007 da 07:58 (UTC)

Ya moarvat ez int gerioù kar dre o orin. Koulskoude ne zistagan ket Yeun [ˈjœ̃ːn] evel Yun [ˈjỹːn]. --Yun (kaozeal) 15 Kzu 2007 da 14:31 (UTC)

Jakez Riou a rae moarvat.

TBP, Trésor du Breton Parlé

EK, Emgann Kergidu,

KAB, Kontadennoù ar Bobl

EZM, Eur Zac'had Marvaillou

GBI, Gwerziou Breiz Izel

SBI, Soniou Breiz Izel

KLAM, kleñved ar Medalennoù, Ivon Krog

Bianchi-Bihan 19 Kzu 2007 da 03:20 (UTC)

Nedeleg Laouen

Restr:The Macallan 12 year bottle.jpg

Kalon un den zo un delenn Ken brav e son leun e werenn.

Da vlazata kent eget d'evañ, nag en(t) tomm nag en(t) yen.

bouzar

Ne'm eus ket kavet ar skouer p. 803 e-barzh geriadur Troude - trede embannadur. Peseurt embannadur az peus implijet ? --Yun (kaozeal) 23 Kzu 2007 da 17:35 (UTC)

Peogwir n'eo ket ar memes oberennoù: taol evezh ouzh an titloù. Bianchi-Bihan 23 Kzu 2007 da 19:10 (UTC)

Frelang

Da'm soñj e vije ret skarzhañ ar meneg eus "freelang" e-kreiz ar pennadoù adalek ma ne servij ket ken (din ne servij da netra), ha ma ne c'hall degas netra el labour, evel e-barzh bloneg. Ma karez e c'haller goulenn groñs merkañ seurt diverkadenn en diverrañ, ha lakaat er rummad:Freelang bep taol a-raok ober kemend-all, ma kav dit e servij ar rummad-se d'un dra bennak (ali ebet ganin war se). Bianchi-Bihan 27 Kzu 2007 da 10:41 (UTC)

Ezhomm eus ur robot arbennik war wikipedia

Demat! Koll a ran kalz amzer o kas war ar wikipedia brezhonek ur rummad patromoù eus ar wiki saozneg diwar-benn an deiziadur sinaat. Kantadoù a pajennoù a zo da zegas evel-se. Daoust-hag-eñ e ouife da robot ober kement-mañ? Ar patromoù a zo dindan ar stumm w:Patrom:Chinese calendar/month/xx/xx, da skouer w:Patrom:Chinese calendar/month/50/46, ha w:Patrom:Chinese calendar/day/xx/xx, da skouer w:Patrom:Chinese calendar/day/50/46. Mil bennozh dit ma gavez un diskoulm! Ha kalanna pe bloavezh laouen dit, hervez ar mare ma lennez ma c'hemenadenn!Benoni 30 Kzu 2007 da 12:56 (UTC)