Kaozeadenn Implijer:Danjafrez~brwiktionary

Donemat

Salud dit. Deuet mat out amañ er Wikeriadur. Ma 'peus tra pe dra da c'houlenn e c'hellez kas ur gemennadenn din. Mont a rin kuit warc'hoazh, met dont a rin endro a-benn dimerc'her. Kalon vat dit. --Yun (kaozeal) 3 Du 2007 da 16:16 (UTC)

henvrezhoneg

Ne oa ger henvrezhonek ebet amañ betek-henn ha ne oa ket bet krouet ar patromoù ret evit ar yezh-se. Setu emaon o paouez sevel anezho : {{hvr}} hag {{=hvr=}} a c'helli implijout er pennadoù a savi. Dibabet em eus hvr e-giz kod an henvrezhoneg dre ma n'eus hini ofisiel ebet. Ma kavez gwelloc'h ober gant un all e c'hellimp cheñch.

Dispar eo kaout gerioù henvrezhonek er Wikeriadur. Mankout a raent. A galon. --Yun (kaozeal) 3 Du 2007 da 16:47 (UTC)

A-benn ar fin em eus lakaet hbr, h-br a gaver e geriadur Favereau ha sklaeroc'h eo a gav din. --Yun (kaozeal) 3 Du 2007 da 22:04 (UTC)

Framm ar pennadoù

Evel ma 'peus gwelet em eus adframmet ar pennadoù ri ha gledig evit mont da heul framm ar pennadoù all er Wikeriadur. Pa 'm bo amzer e savin ar pajennoù skoazell. --Yun (kaozeal) 3 Du 2007 da 22:04 (UTC)

Salud dit. Frammet mat eo da bennadoù bremañ war-bouez un dra : daoust ha gallout a ri ouzhpennañ ar patrom {{=br=}} er penn kentañ anezho evit diskouez e pledez gant ur ger brezhonek ? A galon. --Yun (kaozeal) 15 Du 2007 da 04:14 (UTC)

YunBot

Krog eo YunBot (ur robot bleniet ganin) da labourat : enporzhiañ geriaouegoù ha merañ rummadoù. Hag aloubet eo bet ar pajenn Kemmoù diwezhañ gantañ. Ma vez roet ar statud a robot dezhañ ne vo ket gwelet e gemmoù war ar bajenn-se ken, nemet ha klikañ war « diskouez ar robotoù » a rafed. Ur vouezhiadeg a zo bet digoret evit kaout asant ar gumuniezh : Wikeriadur:Bot/Statud ha gallout a ri reiñ da ali eno. --Yun (kaozeal) 30 Du 2007 da 04:01 (UTC)

Chigardet

Sed un draig a gavan un tamm chigardus. Lenn a ran : "Deveret eus an henvrezhoneg gob. Da geñveriañ gant ar c'hembraeg gof, ar c'herneveureg gof, an iwerzhoneg gabha hag ar galianeg goben." Ne gredan ket eo ret displegañ hir, met gob n'eo ket an henvrezhoneg en e hed. Treiñ an droienn c'hallek ger ha ger e brezhoneg ne zere ket tamm ebet. Kinnig a ran un dra eeun, goude ma'z eo hiroc'hik:

• deveret eus ar ger henvrezhonek gob,
• deuet eus an henvrezhoneg, diwar ar ger gob.

Ma soñjan e kinnigoù all e tegasin anezho. Bianchi-Bihan 11 Kzu 2007 da 04:19 (UTC)

Henvrezhoneg

Ema ar gwir ganeoc'h. Reizhañ a ran an troiennoù fazius-se diouzhtu. Danjafrez 11 Kzu 2007 da 11:19

Nedeleg laouen

Restr:The Macallan 12 year bottle.jpg

Kalon un den zo un delenn Ken brav e son leun e werenn.

Nedeleg laouen a hetan dit ivez. --Yun (kaozeal) 23 Kzu 2007 da 16:12 (UTC)

Nedeleg laouen d'an holl !

Nedeleg laouen da Yun, da Bianchi-Bihan ha d'an holl "wikeriadurerion" ! Danjafrez 24 Kzu 2007 da 15:00

Henvrezhoneg ha brezhoneg

Gourc'hemennoù dit evit da labour efedus er Wikeriadur. Gwelet em eus ez peus lakaet ar patromoù {{=hbr=}} ha {{=br=}} diouzh renk e-barzh meur a bennad. Implijet e vez ar patromoù-se e penn kentañ pep kevrenn yezh (sell ouzh ar bajenn Wikeriadur:Framm ar pennadoù). Setu e vefe ret sevel un eil kevrenn yezh, goude hini ar brezhoneg, ma fell dit kaozeal eus ur ger henvrezhonek, evel er pennad olifant a zo ennañ ur gevrenn c'hallek hag ur gevrenn henc'hallek distag an eil diouzh eben.

Kalon vat, ha dalc'h mat. --Yun (kaozeal) 11 Gen 2008 da 06:39 (UTC)

E tu

Un evezhiadennig peogwir em eus kavet diouzh tu e lec'h e tu (a skrivan e-tu, evel e-pad) er pennadoù kleiz ha dehoù, ha peogwir e kredan ne zisplijo ket dit. E galleg e vez mesket traoù disheñvel en droienn du côté de: al lec'hiañ hag an orin. E brezhoneg ne vez ket, hag e vez graet kemm etre tu ha kostez ouzhpenn.

• Pa vez an orin, e vo eus tu pe eus kostez (eus kichen).
  • Dont eus tu ar mor, eus kostez Brest.
• Pa vo al lec'hiañ e vo e tu pe e kostez.
  • E tu an heol, e-kostez Brest emañ.

Ne vez ket kavet diouzh tu e Fañch an Uhel , nemet evel adverb: diouzhtu. Hiriv e vez mesket eus ha diouzh , met eus tu hag e-tu n'int ket heñvel. A galon. Bianchi-Bihan 19 Gen 2008 da 22:24 (UTC)

Sell

• Ma kerez e taoli ur sell, ha ma welez da betra e c'hallfe servij (estrevit din), 'po ken 'met ober evel er gêr: [1]. Bianchi-Bihan 5 C'hwe 2008 da 18:07 (UTC)

drouiz

Sell ouzh ar pajenn Kaozeal:drouiz. --Yun (kaozeal) 14 C'hwe 2008 da 20:41 (UTC)

Alies e skrivez Testeniekaet en henvrezhoneg. Mat e vije menegiñ un destenn bennak neuze. A-hend-all n'haller ket soñjal eo gwir. Bianchi-Bihan 27 C'hwe 2008 da 11:23 (UTC)

liester

Salud dit ! Daoust hag ezhomm zo evit gwir da lakaat kement a draoù e pennadoù evel hini kirvi pe tirvi (troidigezhioù). Me 'gav din e vefe trawalc'h lavaret ez int furmoù lies hag adkas al lennerien d'ar ger en unander, evel ma reer e pennad ar ger esperantek hundoj, pe evel ma reer e yezhoù all (Wiktionary saoznek en:Hunde). A galon, --Abalan 1 Meu 2008 da 09:06 (UTC)

Me 'gav talvoudus an troidigezhioù evit gwelout ar stummoù er yezhoù keltiek all.

Pelec'h ec'h e"us kavet roud eus ar ger onnod?Bianchi-Bihan 4 Meu 2008 da 11:02 (UTC) Trugarekaat. Bianchi-Bihan 4 Meu 2008 da 21:32 (UTC)

Ne vije ket kar gounit ha gwneud? Bianchi-Bihan 15 Ebr 2008 da 13:56 (UTC)

apéro

N'eus den evit diverkañ ar machin-se? Bianchi-Bihan 30 Mez 2008 da 17:08 (UTC)

draeneg

Ret eo studiañ mat an afer, marteze 'teus graet , me n'em eus ket, ha faziañ a c'hallan. Setu e rin goulennoù:

• Pelec'h e kaver draeneg evel avalaouer?
• Pelec'h e kaver draeneg, hag -eg, evel anv loen benel ?

Betek-hen, er yezh, e kaver an dibenn -eg gourel (kofeg/kofegez), ha gourel evit anvioù loened evel draeneg (ar pesk): ma vije draeneg/avalaouer e tlefe bezañ gourel ivez hervezon.

• • Pelec'h e kaver "draeneg vras" eta?
• Pelec'h e kaver "draenegi bras" ? An dibenn-ger -egi a seblant din bezañ miret evit al lec'h, met n'em eus studiet an dra-se a dost.

A galon. Bianchi-Bihan 25 Her 2008 da 01:13 (UTC)

draeneg

En geriadur Frañsez Favereau (er rann brezhoneg-galleg) e kaver :

draeneg benel (liester -i) (lieu) épineux ; draeneg gourel (liester -ed, -i) hérisson, parf. loup (bar) & barbeau.

• skouer: un draeneg zo ul laer-avaloù.

Pelloc'h er geriadur-se (er rann galleg-brezhoneg) e c'heller lenn :

porc-épic draeneg vras benel (liester -i bras) (grand hérisson cf. gallois). Petra eo se ? Ur vi-koukoug ? Gourel eo ar ger draeneg (heureuchin) ha benel ar ger kevrennek draeneg vras (heureuchin reunek) ! Biskoazh kement all !

Gourel eo an daou c'her-se d'am soñj. Ret eo lavaret draeneg bras, draeneged bras moarvat (?). A galon.

Danjafrez 25 Her 2008 da 10:59

Ma! Mat eo lakaat er pennadoù, pe er bajenn gaozeal kenstag, pa gaver drein evel-se. N'eo ket diskoulmet ar gudenn, met n'eo ket amañ e rank bezañ graet: reiñ an daveoù resisañ a c'haller, netra ken. Bianchi-Bihan 25 Her 2008 da 09:11 (UTC)

Marteze e teu ar gudenn eus un droidigezh diwar ar c'hembraeg (ha ne vije ket eus ar ger e brezhoneg?): kement-se am eus gwelet pa droer gerioù gant -va (gourel e brezhoneg, ha -fa (gwregel e kembraeg). Bianchi-Bihan 25 Her 2008 da 09:15 (UTC)

Gwadegenn

Daoust ha testeniekaet eo gwadegenn wenn tu bennak? Bianchi-Bihan 28 Her 2008 da 03:07 (UTC)

Meneget eo ar ger-se en geriadurioù Gregor (1732), Favereau (1992), an Here (2001). Danjafrez 29 Her 2008 da 13:15 (UTC)

Glozennoù e-barzh un dastumad kanonioù, niverenn IV, paj. 21. Un anv levr eo?

Idem e kevazas. E pe lec'h e kaver ar glozennoù?

Petra eo Glozennoù Amalarius? Ul levr?

Bianchi-Bihan 29 Her 2008 da 12:04 (UTC)

Un dornskrid skrivet en latin gant glozennoù henvrezhonek ennañ eo glozennoù Amalarius. Miret eo an dornskrid-se en levraoueg Corpus Christi College en Cambridge (Bro-Saoz). Kavet eo an darn vuiañ eus ar glozennoù-se en dornskridoù miret er mirdioù saoz, gall...

Danjafrez 29 Her 2008 da 13:15 (UTC)

Ne gredan ket eo er mirdioù 'peus gwiriet kement-se, ha mat e vije resisaat a belec'h e teu ar gerioù henvrezhonek degaset ganit (ne gaver al levrioù e pep stal), evit ma vo kred el labour graet amañ. Skrivañ Glozennoù Amalarius, paj. 12. (en un dornskrid) n'eo ket mat a-walc'h : peseurt dornskrid?

Bianchi-Bihan 30 Her 2008 da 02:10 (UTC)

Niveret eo bet ar glozennoù henvrezhonek gant Jozef Loth (1) ha Léon Fleuriot (2), arbennigourien war ar yezhoù predenek, en al levrioù-se :

• (1) Vocabulaire vieux-breton, avec commentaire contenant toutes les gloses connues en vieux-breton (1884), (1970) (1982).
• (2) Dictionnaire des gloses en vieux-breton (1964), (1985).

Danjafrez 30 Her 2008 da 11:45 (UTC)

Dreist! Mar deo aze e kavez anezho, n'eus nemet merkañ anv al levr (a-raok hini an dornskrid mar kerez), hag ar bajenn, evel evit ar menegoù all. Bianchi-Bihan 30 Her 2008 da 16:56 (UTC)

anat

Ma kerez e taoli ur sell da lavarout din petra a vank e-barzh a-benn peuechuiñ ar pennad. Bianchi-Bihan 11 Du 2008 da 11:14 (UTC)

-ek

Moarvat ec'h eus gwelet e oa aes krouiñ buan pennadoù gant gerioù o deus dibennoù evel -ek, pe -el, pe -er, pe me 'oar. Ma kerez (ha ma kerez ne ri ket) e klaski kemer skouer diwar ar pennad dreinek (krouet ganit), evit boueta ar rummad, pe re all war ar patrom-se. Kement-se zo bet graet, un tammig a gredan, gant lod eus an dibennoù, -añ pe -iñ, pe -aat pe -ad, pe me oar. Hag un toullad a vije c'hoazh! Ma kav dit n'eo ket ur mennozh mat, lar din. Mat e vije dont a-benn da grouiñ pep a 10 pennad nevez bep sizhun evel-se en un doare aes, ouzhpenn ar pezh a reomp a-hend-all. Bianchi-Bihan 28 Du 2008 da 21:00 (UTC)

A-du ganit on penn-da-benn. Un mennozh mat eo ober evelse (boueta ar rummadoù) evit lakaat al labour da vont war-raok muioc'hik. Danjafrez 29 Du 2008 da 09:52 (UTC)

Taol evezh: e-kichen ar rumm -ek, ez eus bremañ ur rumm -iek , evel e-kichen -er hag -ad e kavez -ier ha -iad. D'am soñj n'eo ket didalvoud. Bianchi-Bihan 29 Du 2008 da 13:07 (UTC)

-us ha -ius

D'am soñj ez eus aze ur vengleuz all. Goude e vo -der, ha -ded, ha re all. A galon. Bianchi-Bihan 8 Kzu 2008 da 18:27 (UTC)

Sell

Wikeriadur:Vot eost 2012

Bianchi-Bihan (kaozeal) 14 Eos 2012 da 11:04 (UTC)

Your account will be renamed

Hello,

The developer team at Wikimedia is making some changes to how accounts work, as part of our on-going efforts to provide new and better tools for our users like cross-wiki notifications. These changes will mean you have the same account name everywhere. This will let us give you new features that will help you edit and discuss better, and allow more flexible user permissions for tools. One of the side-effects of this is that user accounts will now have to be unique across all 900 Wikimedia wikis. See the announcement for more information.

Unfortunately, your account clashes with another account also called Danjafrez. To make sure that both of you can use all Wikimedia projects in future, we have reserved the name Danjafrez~brwiktionary that only you will have. If you like it, you don't have to do anything. If you do not like it, you can pick out a different name.

Your account will still work as before, and you will be credited for all your edits made so far, but you will have to use the new account name when you log in.

Sorry for the inconvenience.

Yours,
Keegan Peterzell
Community Liaison, Wikimedia Foundation

17 Meu 2015 da 19:24 (UTC)

Renamed

This account has been renamed as part of single-user login finalisation. If you own this account you can log in using your previous username and password for more information. If you do not like this account's new name, you can choose your own using this form after logging in: Dibar:GlobalRenameRequest. -- Keegan (WMF) (talk)

19 Ebr 2015 da 02:47 (UTC)

Use French for the interface when no translation available

Please join the discussion. --Nemo bis (kaozeal) 29 Kzu 2016 da 19:46 (UTC)