paotr

Ur pennad eus ar Wikeriadur, ar geriadur liesyezhek frank a wirioù.

Ur paotr zo un den a zo gourel e reizh. Gallout a ra bezañ:

• ur bugel, hag a-wechoù ur mab;
• ur mevel, un den o labourat: paotr-al-lizhiri, paotr ar gêr;
• un den n'eus forzh pe oad dezhañ, pa vez lavaret paotr yaouank pe paotr kozh

Taolenn 1 Paotr ha plac'h 2 Paotr ha mab 3 Paotr ha gwaz 4 A bep seurt paotred 5 Liester 6 Gerioù deveret 7 Gerioù kar dre ar ster 8 Liester 9 Troioù-lavar 10 Troidigezh 11 Skeudennoù

[kemmañ] Paotr ha plac'h

Peurvuiañ e vez enebet ar ger paotr ouzh ar ger plac'h, evel e-barzh:

• ur paotrig (e-skoaz ur plac'hig )
• ur paotr yaouank kozh ( e-skoaz plac'h yaouank kozh )

Koulskoude e vez lavaret aliesoc'h paotred ha merc'hed eget paotred ha plac'hed .

1. ur paotr a ...

   ...ha hepdale e tegouezh gantañ ur paotr a bemzek pe c'hwezek vloaz, hag eñ pilhoù holl. KAB 3/175

[kemmañ] Paotr ha mab

A-wechoù e talv paotr kement ha mab, nemet n'eo ket alies. Lavaret e vo:

• ma faotr bihan gant un tad pe ur vamm, evel ma mabig;
• paotred Fañch: e vibien.
• Hemañ eo paotr e vamm, TBP 2/336
• Ar paotr bihan a zo kinglañv gant e zent. TBP 2/259
• gwelout: ma faotr

[kemmañ] Paotr ha gwaz

• Ur paotr a c'hall bezañ ur bugel, e-skoaz ur gwaz zo un den deuet. Nemet e c'haller lavaret: Ar paotr bihan-se zo ur gwaz!
• Paotr a c'hall bezañ ar gwaz, ar pried (evel den ivez), ha lavaret e vo "Ma faotr" gant ur vaouez o komz eus he gwaz.

[kemmañ] A bep seurt paotred

• paotr al lizhiri
• paotr ar gaoter: ar c'heginer;
• paotr ar gêr
• paotr e gof
• paotr-kozh
• ar paotr-saout, a ziwall ar saout
• paotr-darbar
• ar paotr-moc'h, a ziwall ar moc'h pe a ra war o zro
• paotr-enor
• paotr-marc'h, paotr-kezeg
• paotr-micher
• paotr nevez : ar gwaz nevez (enebet ouzh ar plac'h nevez ), gwelout eured.

[kemmañ] Liester

• Liester reizh : paotred

[kemmañ] Gerioù deveret

• paotredigoù, a zo paotred vihan
• paotrez, a vez graet eus ur plac'h
• paotreta, a zo klask paotred, a vez graet gant merc'hed zo pe gant paotred zo kenkoulz all,
• paotredigaoua, a zo kement ha lubaniñ paotredigoù, a zo berzet gant al lezennoù
• paotretaer, ur paotr a vez o paotreta
• paotretaerez, ur plac'h a ra kemend-all.

Hag ouzhpenn

• paotred vras: pennoù bras
• ar Paotr Kozh, Paolig, an diaoul
• ur paotr-kozh, lesanv ar penn-glin
• paotred-kozhioù, ar binvioù a zalc'h ar stalafioù-diavaez digor, dezho pennoù tud.

[kemmañ] Gerioù kar dre ar ster

• gwaz
• gour
• den
• ozhac'h

[kemmañ] Liester

• Paotred a vez lavaret, paotredoù ivez. Gwelout merc'hedoù, tudoù.
• Paotrig a ra paotredigoù.

[kemmañ] Troioù-lavar

• Ober, c'hoari e baotr

• Bezañ paotr a-walc'h: bezañ rust un tamm, sec'h, kalet, un tamm drouk. Gwelout: Bezañ plac'h a-walc'h.

[kemmañ] Troidigezh

• e saozneg: 1 boy; 2 man.

[kemmañ] Skeudennoù

Poltred ur paotr yaouank roman-egiptat Image:Hyacinthus.jpg|Daou zoue gresian : Apollon, pimpatrom ar gened evit ar wazed, ha Hyacinthus; engravadur eus ar XVI-vet kantved italian gant Jacopo Caraglio

Amor Vincit Omnia. 1602–03 Caravaggio o tiskouez Eros kreñvoc'h evit oberennoù all an dud: brezel, arz, politikerezh.

Kupidon, gant William-Adolphe Bouguereau, 1875

Sir Walter Raleigh hag e vab, 1602