memes

Ur pennad eus ar Wikeriadur, ar geriadur liesyezhek frank a wirioù.
Mont da : merdeiñ, klask


Brezhoneg

Nuvola apps bookcase.svg Etimologiezh

Meneget e Yezhadur Istorel ar Brezhoneg, gant Roparz Hemon (Hor Yezh), pajenn 147, evel amprestet digant ar galleg, diwar ar ger même, ha deuet da vout mesmes.

Open book 01.svg Anv-gwan

memes

  1. memes evel (ha gwelout memes tra evel)
  2. memes gant (ha gwelout memes tra gant)
    • Kaout memes opinion gant un all; — (GReg, p. 12.)
    • ne deo nemet ar memes tan gant tan an Ifern; — (RP, p. 210.) (Reflexionou Profitabl)
    • Va c’hredenn, va feiz, va c’houstiañs a zifenn ouzhin bale dre ar memes hent ganeoc’h. — (Lan Inizan, Emgann Kergidu 2, Brest, 1878, eil emb. Al Liamm 1977, p. 54.)
    • Merzheriet er memes taol gant ho kenvreudeur, — (Lan Inizan, Emgann Kergidu 1, Brest, 1877, eil emb. Al Liamm 1977, p. 44.)
    • Loull ar Bouc’h o tont er memes kraou ganto, — (Lan Inizan, Emgann Kergidu 1, Brest, 1877, eil emb. Al Liamm 1977, p. 97.)
    • Er memes tu gant ar veleien, — (Lan Inizan, Emgann Kergidu 2, Brest, 1878, eil emb. Al Liamm 1977, p. 115.)
    • Ha fur oa din ober ar memes hent ganto ? — (Lan Inizan, Emgann Kergidu 2, Brest, 1878, eil emb. Al Liamm 1977, p. 31.)
    • ... e voe dibennet ... ar memes bloaz hag ar memes devezh gant sant Pêr — (IAI, p. 19.)
    • Pevar Doktor bras eus an iliz o deus ar memes merkoù gant ar pevar avieler. OZB 42 — (OZB, p. 42.)
    • Hennezh n’eo ket eus ar memes mamm gant ar re all, — (Jules Gros, Le trésor du breton parlé Première Partie, 1966, p. 180.)
    • Ma breur-me a oa eus ar memes tennañ (d'ar sort) gant Michel, — (Jules Gros, Le trésor du breton parlé Première Partie, 1966, p. 180.)
    • Eus ar memes kovad gant Frañsez e oa, TBP 2/276
    • Stag ouzh he mestr eo ret dezhi heuilh ar memes planedenn gantañ, PIPI 181
    • O chom emañ er memes ti gant e vestr, — (Jules Gros, Le trésor du breton parlé Première Partie, 1966, p. 180.)
    • Respont a ran kintus d'ar macho a zo war ar memes pondalez ganin. — (Yann Gerven, Brestiz o vreskenn, Al Liamm, 1986, p. 68.)
    • Evel ma oant, er memez reñk gand an ti, ne oant ket divalo da weled. Visan Seité, Ar Marh reiz
  3. memes ha (ha gwelout memes tra ha).
    • Skouer ebet gant ha er yezhadurioù-mañ:
      • Yezhadur Istorel ar Brezhoneg, gant Roparz Hemon (Hor Yezh), pajenn 147.
      • Grammaire du breton contemporain, gant Francis Favereau (Skol Vreizh), pajenn 147.
    • Lezenn Doue a zo hirie ar memes hini ha ma oa gwechall. — (Grammaire bretonne du Dialecte de Tréguier, p. 138.) (Skouerenn goshañ kavet gant "ha", roud ebet e skridoù koshoc'h eus Treger).
    • ar MEMES levr eo hag an hini am boa lennet. — (Frañsez Kervella, Yezhadur Bras ar Brezhoneg, Brest, 1947, 1976, p. 294.)
    • N'em eus ket c'hoant da gaout ar memes mantell ha te. — (La grammaire bretonne pour tous, p. 173.). Iskisat skouer. Gortoz a rafed: ur vantell evel da hini.
    • Ar memes hini ha ma oa gwechall. — (La grammaire bretonne pour tous, p. 173.). (Adkemeret diwar — (Grammaire bretonne du Dialecte de Tréguier, p. 138.)).
  4. memes tra
  5. memestra

Notenn

  • memb e brezhoneg Gwened

Gwelout