skuizh

Brezhoneg

Sellet e vez ouzh ar bajenn pe ar gevrenn-mañ evel un divraz da glokaat e brezhoneg. Mar gouezit tra pe dra diwar-benn danvez ar pennad e c'hellit lakaat ho kouiziegezh da dalvezout dre gemmañ ar bajenn-mañ diouzhtu goude klikañ war al liamm « kemmañ ».

Etimologiezh

→ Etimologiezh da glokaat (Ouzhpennañ)

Anv-gwan

Derez	Furm
Derez-plaen	skuizh
Derez-uheloc'h	skuishoc'h
Derez-uhelañ	skuishañ
Derez-estlammiñ	skuishat

skuizh /ˈskɥiːs/

1. En deus ezhomm da ziskuizhañ pe da gousket
   • Skuiz oamp, ne ket souez : kousket c'houek a rejomp oll betek antronoz vintin; nemed unan achanomp, pep hini d'he dro, a ioa chomet dihun evit ober ar ged. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 11.)
   • — Ma mignon, emei, skuiz oc'h, red eo d'eoc'h mont da gousket. — (Erwan ar Moal, Pipi Gonto, Kemper, 1925, p. 13.)
   • — Skuizh out, emezi.
     — Ya, eme Yun. — (Jakez Riou, Geotenn ar Werc'hez ha danevelloù all, Al Liamm, 1957, p. 36.)
2. Bezañ skuizh oc'h ober un dra bennak
   • — [...]. Skuiz oun o velet ober kement-all a fallagriez. [...]. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 129.)
   • Ha pa oant skuiz oc'h en em lardañ e oant aet o daou da roulañ. — (Jules Gros, Le trésor du breton parlé Troisième Partie, 1974, p. 19.)
3. Bezañ skuizh gant un dra bennak, gant unan bennak
   • Sane. — Koulskoude e lavarec'h dec'h e oac'h skuiz gant an Aotrou Hervé. — (Yann-Vari Perrot, An Aotrou Kerlaban Pez farsus e 3 Arvest, Brest, 1922, p. 33.)
4. mont skuizh
   • Ya ! aotrou Job, prim on hiziv, ha skuizh on aet o selaou sotonioù an dud vezv. — (Jakez Riou, An Ti Satanazet, Skridoù Breizh, 1944, p. 20.)
   • Met, allas ! un hinkin a zen e oa Fañch ha, pa veze aet skuizh du-mañ, e klaske tabut ouzh ma maeronez pe ouzh ma mamm evit kaout digarez da vont kuit. — (Yeun ar Gow, E Skeud Tour Bras Sant Jermen, eil emb. Al Liamm, 1978, p. 89.)

Deveradoù

• skuishaat
• skuizhadenn
• skuizhañ
• skuizhded
• skuizhder

• skuizhentez
• skuizhoni
• skuizhnez
• skuizhus
• skuizhvezh

Gerioù kevrennek

• diskuizh
• skuizh-bras
• skuizh-brein
• skuizh-darnaou
• skuizh-divi

• skuizh-faezh
• skuizh-marv
• tremen skuizh

Troidigezhioù

en deus ezhomm da ziskuizhañ (1)

• alamaneg : müde ^(de)
• esperanteg : laca ^(eo)
• galleg : fatigué ^(fr)
• koreaneg : 피곤한 ^(ko)
• henhebraeg : עיף
• indonezeg : lelah ^(id)

• italianeg : affaticato ^(it)  ; stanco ^(it)
• kurdeg : westîya ^(ku)  ; betilî ^(ku)
• nederlandeg : moe ^(nl)
• saozneg : tired ^(en)
• skoseg : sgìth ^(gd)
• spagnoleg : cansado ^(es)  ; fatigado ^(es)