sistr

Brezhoneg

Etimologiezh

Amprestet digant an henc'halleg (cistre).

Meneget er C'hatolikon (sistr).

Anv-kadarn

sistr /ˈsist(r)/ pe /ˈʃist(r)/ gourel, liester sistroù

1. Died alkoolek skañv, bervus, fardet gant chug avaloù lakaet e go.
   • Ne oa ket figus an dud d'ar mare-se ha ne vezent ket o klask kaout sistr etre ar predoù. — (Yeun ar Gow, E Skeud Tour Bras Sant Jermen, eil emb. Al Liamm, 1978, p. 25.)
   • Da ober sistr da seizh kant kanfard bennak e oa, met sistr kristen peogwir, gouez d'ar ganfarded e veze badezet-brokus kent hen degas war daolioù ar sal-debriñ. — (Jakez Konan, Lannevern e kañv ha danevelloù all, Al Liamm, 1980, p. 36.)
   • - « Azezit ! » eme Lukaz dezho, « ma kemerot ur chopinad sistr. ...» — (Jakez Riou, An Ti Satanazet, Skridoù Breizh, 1944, p. 13.)
   • En ur pod war an tan e verve sistr yac'hus. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 70.)

Stummoù all

• chistr
• jistr

Deveradoù

• sistra
• sistraer
• sistrek
• sistrerezh
• sistrigoù

Gerioù kevrennek

• sistr-per (poiré en galleg)
• toull-sistr

Troioù-lavar

• sistr dous
• sistr glesker
• sistr hir
• sistr kalet
• sistr kordenn

Troidigezhioù

• esperanteg : cidro ^(eo)
• galleg : (du) cidre ^(fr)
• katalaneg : sidra ^(ca)
• kembraeg : seidr ^(cy)

• kerneveureg : sider ^(kw)
• saozneg : cider ^(en)
• turkeg : elma şarabı ^(tr)

Gwelet ivez

• Ar pennad «  sistr » e-barzh Wikipedia