rankout

Brezhoneg

Etimologiezh

→ Etimologiezh da glokaat (Ouzhpennañ) .

Verb

rankout /ˈrãŋ.kut/ (anv-gwan-verb : ranket) (displegadur)

1. Rankout bezañ
   • Mab Jul a oa re vihan e wele dezan hag e ranke beza a-groaz en e wele. — (Jules Gros, Le trésor du breton parlé Deuxième Partie, 1970, p. 290.)
   • Avel a rank bezañ ivez peogwir e hek an delioù. — (Jules Gros, Le trésor du breton parlé Troisième Partie, 1974, p. 101.)
   • Evit ober tiegezh mat
     E rank bezañ koshoc'h ar vamm eget an tad ? — (Yeun ar Gow, E Skeud Tour Bras Sant Jermen, eil emb. Al Liamm, 1978, p. 8.)
2. Rankout ober un dra ha n'haller ket chom hep ober :
   • — C'hwez ar c'hristen a santan,
     Hag hen debriñ a rankan. — (Fañch an Uhel, Kontadennoù ar Bobl/3, Al Liamm, 1988, p. 39.)
   • ...ranket en deus mont da soudard, — (Lan Inizan, Emgann Kergidu 1, Brest, 1877, eil emb. Al Liamm 1977, p. 223.)
   • Da vab-te, marteze, a ranko ober ar memes tra er broioù all. — (Lan Inizan, Emgann Kergidu 1, Brest, 1877, eil emb. Al Liamm 1977, p. 224.)
   • — [...]. Breman e ranki renta kount euz da c'hoall-oberou. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 225.)
   • Mat neuze 'ta e rankan skrivañ en tu all. — (Yann-Vari Perrot, E-tal ar poull, C'HOARIVA BREZHONEK, Pemp pezh-c'hoari berr, Skridoù Breizh, 1944, p. 44.)
   • Goude-se e rankot tamouezat, lakaat an toaz e go, ober tan er forn. — (Yann-Vari Perrot, E-tal ar poull, C'HOARIVA BREZHONEK, Pemp pezh-c'hoari berr, Skridoù Breizh, 1944, p. 44.)
   • War e veno, Baskig eo a oa kaoz d'ezañ da rankout senti e palez ar roue, e lec'h beza digabestr er gêr o redek ar gedon. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 50.)
   • « Ma ! Hennez, ar Yann-ze, a rank mont kuit ac'han, c'houitell hag all ! » — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 186.)
   • Pa rankas Filo Gergoad chom war he gwele, Laou Germoal a grizas e dal hag a dufas stankoc'h eget boaz en tan en ur sachañ war e gorn-butun hep rannañ ger. — (Abeozen, Pirc'hirin Kala-Goañv, Al Liamm, eil emb. 1986, p. 129.)
   • Aet e oa fall ken en devoa ranket mont en e c'hourvez. — (Jules Gros, Le trésor du breton parlé Deuxième Partie, 1970, p. 186.)
   • Ya, met ranket am bije da gentañ deskiñ skrivañ, peogwir ne oan nemet un azen kornek na ouie na bu na ba. — (Jarl Priel, An Teirgwern Pembroke, Al Liamm, 1959, p. 203.)
   • Trist eo rankout mervel gant an naon . — (Jules Gros, Le trésor du breton parlé Deuxième Partie, 1970, p. 433.)
   • Me a ranko chom eno fenoz . — (Jules Gros, Le trésor du breton parlé Troisième Partie, 1974, p. 167.)
   • Gortoz a ranki ober . — (Jules Gros, Le trésor du breton parlé Troisième Partie, 1974, p. 167.)
3. (da verkañ ali peuzsur unan bennak) rankout bezañ tra pe dra, hervez unan bennak:
   • E vugale a rank bezañ holl marvet dizimez. — (Lan Inizan, Emgann Kergidu 1, Brest, 1877, eil emb. Al Liamm 1977, p. 140.)
4. rankout da ober un dra bennak :
   • Estreget ar pezh a vez plijadur oc'h ober a ranker da ober. — (Yann-Vari Perrot, E-tal ar poull, C'HOARIVA BREZHONEK, Pemp pezh-c'hoari berr, Skridoù Breizh, 1944, p. 44.)

Troioù-lavar

• rankout da gavout