moue

Brezhoneg

Moue ul leon

Etimologiezh

Eus ar c'hrennvrezhoneg moe, eus ar henvrezhoneg mogou, liester difriet an anv unan mong « moue », deuet eus ar ger keltiek *mongā, deveret eus *moni- « gouzoug » (henvrezh. mun), a zeufe eus ar wrizienn indezeuropek *mon- « gouzoug, moue », a gaver er gerioù monīle « kolier, tro-c'houzoug » e latin, manke « moue » e daneg ha mányā- « gouzoug » e sañskriteg.

Da geñveriañ gant ar gerioù mwng e kembraeg, mong e kerneveureg ha moing en iwerzhoneg.

Anv-kadarn

moue /ˈmuːe/ pe /ˈmweː/ gourel / benel (liester : moueoù)

1. Hollad ar reun hir zo e gouzoug loened ha kezeg zo:
   • Marc'h ar Bed a dered en ur c'hwirinal, ha savet gantañ e lost hag e voue en aer. — (Fañch an Uhel, Kontadennoù ar Bobl/2, Al Liamm, 1985, p. 150.)
   • E voue, gant an avel, a lamme war vrug al lanneier, [...]. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 39.)

Adstummoù

moueñ, mouenk

Deveradoù

• moueek

Kanaouennoù

• [...]
  Bemdez c'houloù e harzhan
  Bemdez c'houloù e chouan
  War an hini pe ar re
  Neusont laeret ma moue
  [...] — (Nolwenn Korbell, Bemdez c'houloù, Bemdez c'houloù, 2006.)

Troioù-lavar

• lezel kabestr laosk war moue unan bennak : lezel frankiz gantañ d'ober pezh a gar

Krennlavarioù

• Dreist moue ar gazeg koz e vez kabestret an ebeulez. — (Jules Gros, Le trésor du breton parlé Troisième Partie, 1974, p. 311.)

Troidigezhioù

• alamaneg : Mähne ^(de)  benel
• arabeg : عُرْف‎ ^(ar) (ʿurf)  gourel
• euskareg : adats ^(eu) (leon), zurda ^(eu) (marc'h)
• galleg : crinière ^(fr)  benel
• gresianeg : χαίτη ^(el) (khéti)  benel
• italianeg : criniera ^(it)  benel
• iwerzhoneg : moing ^(ga)  benel
• kembraeg : mwng ^(cy)  gourel
• kerneveureg : mong ^(kw)  benel
• luksembourgeg : Kamp ^(lb)  gourel
• nederlandeg : maan ^(nl)  benel
• okitaneg : crinièra ^(oc)  benel
• poloneg : grzywa ^(pl)  benel
• romañcheg : coma ^(rm)  benel
• rusianeg : гри́ва ^(ru) (gríva)  benel
• saozneg : mane ^(en)
• spagnoleg : crin ^(es)  benel (marc'h), melena ^(eu)  benel (leon)

Daveoù

Roll an daveoù :