koumanant

Brezhoneg

Etimologiezh

Meneget er C'hatholicon (1499): coumanãt.

Anv-kadarn

koumanant /kuˈmãːnãnt/ gourel (liester koumanantoù)

1. Kevrat labour graet gant un den ouzh un den all a zeu da labourat en e di.
   • Un deiz e lavaras kenavo d'he mamm ha, daoust d'he c'heuz d'he dilezel, rak he c'harout a rae kalz en desped da bep tra, e reas koumanant da vont da vatezh da Gemper, davet an dimezell a Gergelenn. — (Yeun ar Gow, E Skeud Tour Bras Sant Jermen, eil emb. Al Liamm, 1978, p. 41.)
2. (Dre astenn-ster) Gopr ur mevel, ur vatezh.
   • Koumanant vat a roan, 'mechañs ? Kant lur ar miz !... — (Klaoda ar Prad, An teir c'had ; Ar mevel laer, Ti-moulerezh Sant-Gwilherm, Sant-Brieg, 1908, p. 22.)
3. Kevrat pourchas pe marc'had servijoù treziadek graet en a-raok evit ur prantad termenet (evit resev ur gazetenn pe ur gelaouenn da skouer).
   • Priz ar c'houmanant-bloaz : 5 lur. — (Gwalarn, niv. 2, 1925, p. 21.)
4. (Dre astenn-ster) Padelezh ar gevrat-se.
5. reiñ un ti, ur ranndi, e koumanant da ub.
6. ober koumanant:
   • Koumanant c’hwec’h miz a rae ouzh he mevelien ha ne c’hopre anezho nemet gouest e vijent d’ober kement a labour ha ker buan ha hi. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 206.)
   • Ober koumanant-noz.

Deveradoù

• digoumantiñ
• koumananter
• koumanantiñ

Troidigezhioù

kevrat labour

• galleg : contrat ^(fr) (de bail, de gages)

gopr ur mevel, ur vatezh

• galleg : appointements ^(fr) , gages ^(fr)

kevrat pourchas pe marc'had servijoù treziadek

• afrikaans : abonnement ^(af)
• alamaneg : Abonnement ^(de)
• albaneg : abonim ^(sq)
• daneg : abonnement ^(da)
• esperanteg : abono ^(eo)
• faeroeg : hald ^(fo) , blaðhald ^(fo)
• frizeg : abonnemint ^(fy)
• galleg : abonnement ^(fr)
• hungareg : előfizetés ^(hu) , megrendelés ^(hu)
• ido : abono ^(io)
• indonezeg : abonemen ^(id)

• islandeg : áskrift ^(is)
• italianeg : abbonamento ^(it)
• nederlandeg : abonnement ^(nl)
• papiamento : abono ^(*)
• portugaleg : assinatura ^(pt)
• rusianeg : подписка ^(ru) , абонемент ^(ru)
• saozneg : subscription ^(en)
• spagnoleg : abono ^(es) , subscripción ^(es) , suscripción ^(es)
• svedeg : abonnemang ^(sv)
• turkeg : abone ^(tr)

Daveoù

Roll an daveoù :