dimezell

Brezhoneg

Etimologiezh

Amprestet digant ar galleg kozh (domnizelle, damoiselle), diwar ar ger latin *domnicella, deuet eus domina.

Kavet en krennvrezhoneg (demesell).

Anv-kadarn

dimezell /dĩˈmeːzɛl/ benel (liester : dimezelled)

1. Plac'h yaouank (dindan an oad da zimeziñ).

2. Plac'h dizimez.

3. (Kozh) Plac'h yaouank dizimez a wad uhel.

   • « [...] O ! Gloazet oc'h ! » emezi. « N'eo netra, Dimezell Gwenn. Un tamm kignadenn n'eo ken. » — (Jakez Konan, Ur marc'hadour a Vontroulez, Al Liamm, 1981, p. 67.)

4. ger implijet evel skeudenn ar wanded, pe ar werc'hded

   • - O, mar ne daje ganto nemet ar sigaretennoù dimezelled-se, ne vije ket un afer.[...]. — (Abeozen, Pirc'hirin Kala-Goañv, Al Liamm, eil emb. 1986, p. 25.)

5. Amprevan anvet ivez nadoz-aer.
6. Evn anvet ivez strinkerez-dour.

Doareoù-skrivañ all

En doare-skrivañ etrerannyezhel e vez skrivet dimesell.

Gerioù heñvelster

• demezell

Gerioù kevrennek

• kraoñ-dimezell

Troidigezhioù

• esperanteg : fraŭlino ^(eo)
• galleg : demoiselle ^(fr)  ; mademoiselle ^(fr)
• saozneg : young lady ^(en)  ; single woman ^(en)  ; Miss ^(en)
• spagnoleg : señorita ^(es)

Divinadell

• Peder dimezell wenn, ha pa rafe glav kement ha mein, ne rafe takenn war o c'hein? -Bronnoù ar vuoc'h. — (Jules Gros, Le trésor du breton parlé Deuxième Partie, 1970, p. 334.)