buoc'h

Brezhoneg

Etimologiezh

Testeniekaet en henvrezhoneg (buch) ^[1].

Meneget er C'hatolikon (buch).

Da geñveriañ gant ar gerioù buwch en kembraeg, bugh en kerneveureg, bó en iwerzhoneg, bo en galianeg.

Ur vuoc'h hag he leue o tenañ.

Anv-kadarn

buoc'h /ˈbyːɔx/ benel (liester : buoc'henned, buoc'hed, saout)

1. (Loenoniezh) Bronneg daskirier doñv (Bovidae), parez an tarv.
   • Ar vuoc'h-se n'eo ket kofegez ha koulskoude he devez leueoù kaer. — (Jules Gros, Le trésor du breton parlé Deuxième Partie, 1970, p. 276.)
   • Ar gordenn a rae un dro varv en-dro da droad ar vuoc'h. — (Jules Gros, Le trésor du breton parlé Deuxième Partie, 1970, p. 342.)
2. (dre skeudenn-lavar) Tra, arouez, — ur votez koad peurvuiañ — a veze lakaet gwechall e kerc'henn ar vugale tapet o vrezhonegañ er skol hag a dalveze dezhe da vezañ kastizet diwar-sav an devezh skol (diwar-benn an dud)
   • Ar re ac'hanomp a veze tapet o komz brezhoneg, er skol gristen, o deveze ar simbol pe ar veuc'h, evel ma lavaremp, ha dalc'het, goude peder eur, da skubañ ar c'hlasoù. — (Yeun ar Gow, E Skeud Tour Bras Sant Jermen, eil emb. Al Liamm, 1978, p. 202.)

	gourel	benel
unander	tarv	buoc'h
liester	tirvi	saout, bioù

Gerioù kevrennek

• buoc'h-derv
• buoc'h-Doue
• buoc'h-laezh
• buoc'h-lart

• buoc'h vesk
• buoc'h-vor
• buoc'h zu

Krennlavaroù

• Deiz Sul Fask
  E torr ar vuoc'h he nask

Troidigezhioù

• alamaneg : Kuh ^(de)
• esperanteg : bovino ^(eo)
• galleg : vache ^(fr)
• italianeg : mucca ^(it) , vacca ^(it)
• iwerzhoneg : bó ^(ga)
• kembraeg : buwch ^(cy)
• kerneveureg : bugh ^(kw)
• sañskriteg : गो ^(sa) (go)
• saozneg : cow ^(en)
• spagnoleg : vaca ^(es)
• turkeg : inek ^(tr)

Daveoù

Roll an daveoù :

• ^[1] : Glozennoù Oxoniensis prior, paj. 1055.

Gwelet ivez

• Ar pennad « buoc'h » e-barzh Wikipedia