ober vad

Brezhoneg

Diwar ober ha mad.

Troienn verb

ober vad /ˌo:berˈvɑːt/

1. diboaniañ (unan bennak):
   • Ur banne chistr fresk a ra vad pa vez tomm.
2. ober vad da unan bennak:
   • [...], ha paeañ anezho abred eus ar vad a raent d'o nesañ. — (Lan Inizan, Emgann Kergidu 1, Brest, 1877, eil emb. Al Liamm 1977, p. 34.)
   • ... ar pezh a rae ur vad vras d'e galon... — (Lan Inizan, Emgann Kergidu 1, Brest, 1877, eil emb. Al Liamm 1977, p. 45.)
   • Ni a ya da ober ur gouel en enor d'an hini en deus graet muiañ vad d'ar vro. — (Lan Inizan, Emgann Kergidu 1, Brest, 1877, eil emb. Al Liamm 1977, p. 131.)
   • ... ne oufe den, nemet her gwelet en defe, anaout ar vad a reas deomp merc’hed deuet gant o zud ... — (Lan Inizan, Emgann Kergidu 1, Brest, 1877, eil emb. Al Liamm 1977, p. 215.)
   • Pebez vad a rea dign fenoz ar pennad goulou koar-ze, deuet ganen divar fae, hag heb gouzout perag, euz a goat Kermenguy ! — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 51.)
   • Gwechall e oa eun den santel, eur manac’h hag a rae, eus an eil penn d’an deiz d’egile, vad d’ar beorien ha d’ar re glañv. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 11.)
   • Ha neuze ur banne aezhenn-vor a rafe vad d'am penn melenet — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 12.)
   • Ha gra vad' d’ar paour. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 38.)
   • Ne ankouain biken ar vad he deus bet graet deomp hag, e-keit ha ma vo un elfenn vuhez ennon, [...]. — (Yeun ar Gow, E Skeud Tour Bras Sant Jermen, eil emb. Al Liamm, 1978, p. 42.)
   • Setu aze ur bannac'h traoù tomm hag en deus graet vad din. — (Jules Gros, Le trésor du breton parlé Troisième Partie, 1974, p. 323.)
   • Vad a ra d'an den mont diarc'hen.— (Jules Gros, Le trésor du breton parlé Deuxième Partie, 1970, p. 330.)

Troioù-lavar

• ober ur vad
• ober mil vad
• ober e vad

Krennlavaroù

• Pemp munut yec'hed a ra vad d'un den klañv. — (Jules Gros, Le trésor du breton parlé Deuxième Partie, 1970, p. 330.)
• Un tamm tan a ra vad ha pa ve e-kreiz an eost. — (Jules Gros, Le trésor du breton parlé Troisième Partie, 1974, p. 323.)
• Palastr ar wrac'h ne ra na droug na vad .