morzhol

Brezhoneg

Etimologiezh

Amprestet sur awalc'h digant al latin (martellus).

Testeniekaet en henvrezhoneg (morthol).

Menneget er C'hatolikon (morzol).

Da geñveriañ gant ar gerioù morthwyl en kembraeg, morthol en kerneveureg.

Anv-kadarn

Ur morzhol (1)

morzhol /ˈmɔr.zɔl/ gourel (liester morzholoù/morzholioù — furm vihanaat morzholig)

1. Benveg, anezhañ un dolzenn vetal troadet. Talvezout a ra da sankañ tachoù, da skeiñ metaloù.
   • Bez' e oa un den o c'hoveliañ hern a daolioù morzhol war un annev. — (Giovanni Caselli, troet gant Martial Menard ha Lukian Kergoad, Ar gouerien da vare ar Gelted kozh, An Here, 1986, p. 21.)
   • - .... Mar n'out ket mogn, troad ar morzhol a zo diberc'henn. — (Jakez Riou, Geotenn ar Werc'hez ha danevelloù all, Al Liamm, 1957, p. 34.)

   • Kentañ mad a reas a oa tapout krog er morzhol. — (Jules Gros, Le trésor du breton parlé Troisième Partie, 1974, p. 243.) (e reas, kentoc'h)

2. Un dra damheñvel ouzh ur morzhol.
   • E vouez a zo kentoc’h mouez eur morzol war an anneo eget mouez eun den. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 21.)
   • morzholoù miz Meurzh: barradoù glav ha grizilh a vez e miz Meurzh.

Gerioù heñvelster

• horzh
• mailh
• mell

Deveradoù

• morzholiañ
• morzhol-dor

• morzholenn
• morzholer

• morzholerezh
• morzholig al laou
• morzholig-an-Ankou
• treid-morzhol

Troioù-lavar

• bezañ skoet gant ar morzhol
• lardañ ar morzhol

Troidigezhioù

• alamaneg : Hammer ^(de)
• esperanteg : martelo ^(eo)
• galleg : marteau ^(fr)

• kembraeg : morthwyl ^(cy)
• kerneveureg : morthol ^(kw)
• saozneg : hammer ^(en)
• turkeg : çekiç ^(tr)