liv

Brezhoneg

Etimologiezh

Testeniekaet e henvrezhoneg liu, liou.

Meneget er C'hatolikon (liu).

Da geñveriañ gant ar ger lliw e kembraeg, liw e kerneveureg ha lí e heniwerzhoneg.

Deuet eus ar ger keltiek *līwos a zeufe eus ar wrizienn indezeuropek *(s)leh₃i- « glas » a gaver er gerioù līvēre « glasaat » e latin, sloe « irin » e saozneg ha slíva « polosenn » e tchekeg.

Indezeuropeg	Henamzer uhel Kentkeltiek h.a.	Henamzer Predeneg h.a.	Krennamzer uhel Henvrezhoneg h.a.	Krennamzer izel Krennvrezhoneg h.a.	Amzerioù modern Brezhoneg h.a.	Yezhoù all
*(s)leh₃y-(en)	*līwos(en),	*lliw (en)	liu, liou	liu	liv
			liu	lyw		Kerneveureg
			liu	lliw	lliw	Kembraeg
						Galianeg

Anv-kadarn

liv /ˈliw/ gourel (liester : livioù)

1. Merzerezh ar gouloù pa vez distaolet gant gorreenn an traezoù war skramm al lagad.
   • liv ar aour: ar melen
   • liv ar c'hlanded: ar gwenn
   • liv ar marv: ar glas morlivet
   • liv ar c'hañv : an du
   • liv ar c'hoar: ar melen-koar
   • liv an tan : ar ruz-flamm
   • liv ar gwad : ar ruz-gwad
2. neuz
3. bezañ ul liv war un dra pe war un den
   • Honnez n'eus ken med liou ar garmad warni. — (Jules Gros, Le trésor du breton parlé Deuxième Partie, 1970, p. 318.)
   • « Pebez liou a zo warnout, Yann baour ! » — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 271.)
4. bezañ liv un dra e kerc'henn un den
   • He zud a veze bepred liv ar baourentez en o c'herc'henn daoust dezho labourat en-dro d'al lin e Milin Rospezh, met bez' e oant gwellañ lonkerien ar barrouz... — (Ernest ar Barzhig, Minna ha danevelloù all..., Mouladurioù Hor Yezh, 1988, p. 49.)
5. Bezañ liv ar spont e kerc'henn unan bennak, war dremm unan bennak.
6. dont en e liv
   • liv ar marv,
   • liv ar c'hleñved;
   • liv ar spont
7. liv an amzer : doare pe feson an amzer.
8. Bezañ e liv da udb:
   • un abid liv d'ar stered — (Fañch an Uhel, Kontadennoù ar Bobl/3, Al Liamm, 1988, p. 25.)
9. Gwelout liv eus unan bennak, pe eus un dra bennak:
   • Abardaezi a rae pell a oa, stegnet e oa he mantell zu gant an noz zoken, hag an daou gaez n’o devoa gwelet liou eus ar Wenn. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 238.)

Deveradoù

• adliv
• amliv
• aourliv
• arliv
• dazliv
• diliv
• disliv
• droukliv
• enliv
• kenliv
• livañ
• livouriezh
• morliv
• murliv
• sonliv
• triliv

Troidigezhioù

• alamaneg : Farbe ^(de)  benel
• arabeg : لَوْن ^(ar) (lawn)  gourel
• euskareg : kolore ^(eu)
• galleg : couleur ^(fr)  benel
• gresianeg : χρώμα ^(el) (khróma)  nepreizh
• italianeg : colore ^(it)  gourel
• iwerzhoneg : dath ^(ga)  gourel
• kembraeg : lliw ^(cy)  gourel
• kerneveureg : liw ^(kw)  gourel , kolor ^(kw)  gourel
• luksembourgeg : Faarf ^(lb)  benel , Fuarf ^(lb)  benel
• nederlandeg : kleur ^(nl)  benel
• okitaneg : color ^(oc)  benel
• poloneg : barwa ^(pl)  benel , kolor ^(pl)  gourel
• romañcheg : colur ^(rm)  gourel
• saozneg : colour ^(en)
• skoseg : dath ^(gd)  gourel
• spagnoleg : color ^(es)  gourel
• vietnameg : màu ^(vi)

Gwelet ivez

• Ar pennad « liv » e-barzh Wikipedia