lazher

Brezhoneg

Etimologiezh

(Anv-kadarn) Savet diwar lazh-, pennrann ar verb lazhañ, hag al lostger -er.

(Furm verb) Savet diwar lazh-, pennrann ar verb lazhañ, hag an dibenn-ger -er.

Anv-kadarn

	Unander	Liester
Gourel	lazher /ˈlɑːzɛr/	lazherien /laˈzɛrjɛn/ pe lazherion /laˈzɛrjɔ̃n/
Benel	lazherez /laˈzeːres/	lazherezed /lazeˈreːzet/

lazher /ˈlɑːzɛr/ gourel

1. Den a zo e vicher lazhañ loened-kig.
   • Tennañ korrenn, va faotr-me, a zo, gant ur gontell vras, heñvel ouzh hini al lazher moc'h Pêr Gerskivit, tennañ un tamm kig a zaou lur eus ar c'hein ! — (Mab an Dig, Rondel Goz Sandrione, Bleun-Brug, niv. 96, Genver-C'hwevrer 1957, p. 9.)
2. Den a lazh.
   • N’eo ket bet bepred ma buhez
     Hini ul lazher didruez ! — (Emil Ernod, Gwerziou Barz ar Gouet, Sant-Brieg, 1903, p. 124.)
   • C’hoari a rin hag em eus graet,
     Na ran gant lazherien merc’hed. — (Filhorez an Aotrou Gwesklen, er Barzhaz Breizh.)

Gerioù heñvelster

• boser (1)

Troidigezhioù

Den a zo e vicher lazhañ loened-kig

• alamaneg : Schlachter ^(de)
• esperanteg : buĉisto ^(eo)
• galleg : boucher ^(fr)
• saozneg : butcher ^(en)

Den a lazh

• alamaneg : Mörder ^(de)
• esperanteg : murdisto ^(eo)
• galleg : tueur ^(fr) , meurtrier ^(fr)
• saozneg : killer ^(en)

Furm verb

lazher /ˈlɑːzɛr/

1. Furm dic'hour ar verb lazhañ en amzer-vremañ an doare-disklêriañ.