kousk

Brezhoneg

Etimologiezh

(Anv-kadarn) (1732) Cousq e geriadur Gregor Rostrenn^[1]. Kar d'ar gerioù kosk e kerneveureg, cwsg e kembraeg. Diwar ar verb kousket.

(Furm verb) Savet diwar kousk-, pennrann ar verb kousket, hep dibenn-ger.

Anv-kadarn

kousk /ˈkusk/ gourel (liester kouskoù)

1. Kousked.
   • Dihuniñ a rae gant an disterañ trouz ; pa vorede adarre gant ar c’housk hag ar skuizhder, skeudenn ar paour a veze bepred dirazañ. — (Jakez Riou, Lizer an hini maro, Emgleo Sant Iltud, 1925, p. 25.)
2. Pennad kousket.
   • Ne gouske nemet war ar c’haled, ha c’hoazh he c’housk a veze atav berr-berr. — (Gabriel Morvan, Buez ar Zent, Brest, 1894, p. 379.)
3. ober ur c'housk, ur pennad kousk : ur pennad kousket
   • Gwell a se ! va mab, gwell a se ! d’hoc’h oad, ne raen eveldoc’h nemet ur c’housk, e-pad an noz. — (Jakez Riou, An Ti Satanazet, Skridoù Breizh, 1944, p. 69.)

Deveradoù

• damgousk
• damgousket
• digousk
• digousket
• kouskadell
• kouskadenn
• kousk-aez
• kousked
• kousket
• kouskedenn
• kouskeder
• kouskedig
• kouskedigezh
• kouskedus
• kousker
• kousk-kreisteiz
• kouskus
• morgousk
• morgousket
• morgouskus

Troioù-lavar

• kemer e gousk
• ober kousk-mintin
• ober ur c'housk
• ober ur pennad kousk
• ober un tamm kousk

Troidigezhioù

Kousked

• galleg : sommeil ^(fr)

Pennad kousket

• galleg : somme ^(fr)
• kembraeg : cwsg ^(cy)
• saozneg : sleep ^(en) , nap ^(en)

Furm verb

Kemmadur	Furm
hep	kousk
dre vlotaat	gousk
amreizh	digemm

kousk /ˈkusk/

1. Furm ar verb kousket e trede gour unan an amzer-vremañ, en doare-disklêriañ.
   • An avel griz a yud er gwez,
     Mes c’hwi a gousk en ho kwele. — (Alc'houeder Treger (Erwan Berthou), Dre an Delen hag ar C’horn-boud, Sant-Brieg, Pariz, 1904, p. 16.)
   • Peb menez, peb traonien d'am c'halon 'zo kaër.
     Ennè kousk meur a Vreizad tèr ! — (Taldir, Bro Goz ma Zadou, in Dihunamb!, 15^vet niverenn, miz Gwengolo 1906, p. 248-249.)
   • Gwelloc’h e kousk unan pa vez leun e gof. — (Jakez Riou, Troiou-Kamm Alanig al Louarn I, Gwalarn niv. 89, Ebrel 1936, p. 31.)
2. Furm ar verb kousket en eil gour unan an doare-gourc'hemenn.
   • Kousk, kousk, Breizh-Izel, bro dispar ! — (Kousk, Breizh-Izel, kanaouenn.)
   • Luskellet gant va c’hanaouenn, kanaouenn va buhez tremenet, serr da zaoulagad, kousk, bugelig, kousk da benn war va c’halon. — (Fañch al Lae, Bilzig, Kemper, 1925, p. 26.)

Daveoù

Roll an daveoù :

• ^[1] : Geriadur Gregor Rostrenenn