glac'harus

Brezhoneg

Etimologiezh

Savet diwar an anv-kadarn glac'har hag al lostger -us.

Anv-gwan

glac'harus /ɡla.ˈɣɑː.rys/

1. A zegas glac'har.
   • Adalek an deiz glac'harus-se, e welis n'em boa ken ar memes mab. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 75.)
   • An ti, e penn uhelañ ar beg-douar a sav etre Portez ha traezhenn ar Biloù, a oa du e vogerioù, gleb ha ma oant, hag al liorzh tro-war-dro a oa leun a blantennoù gleb, hejet-dihejet, glac'harus. — (Roparz Hemon, Ho kervel a rin en noz ha marvailhoù all, Al Liamm, 1970, p. 15.)
   • Un dervezh, dervezh glac'harus ! — (Lan Inizan, Emgann Kergidu 1, Brest, 1877, eil emb. Al Liamm 1977, p. 35.)
   • Glac'harus e oa planedenn ar baotred yaouank-se a veze ret dezho kuitaat o zud hag o farrezioù, da vont d'ur vro na anavezent tamm, ... — (Yeun ar Gow, E Skeud Tour Bras Sant Jermen, eil emb. Al Liamm, 1978, p. 9.)
   • Atav e vez glac'harus douaridigezh tud yaouank ha stankoc'h an dud. — (Goulc'han Kervella, Brezel ar Rigadell, Al Liamm, 1994, p. 29.)

Troidigezhioù

• galleg : affligeant ^(fr) , désolant ^(fr) , douloureux ^(fr) , navrant ^(fr)