e-sell

Brezhoneg

Etimologiezh

Eus e ha sell.

Adverb

e-sell, en-sell (distaget [en'zɛl:] e yezh Treger)

Un adverb eo, evel an adverb er-maez, implijet gant un araogenn (a pe da) d'ober un droienn araogennel.

1. Bezañ e-sell da ober un dra bennak
   • E sell e oan da ginnig an teñzor-se d'am zad, kentañ gwech m'en em gavjen gantañ e Landreger. — (Jarl Priel, Va Zammig Buhez, Al Liamm, 1954, p. 96.)
   • « [...]. Pouilhet on bet re bell amzer gant ho merc'h, met n'on ket e-sell da vezañ moustret dindan dreid gant ur wrac'h eveldoc'h c'hwi ». — (Jarl Priel, Va Zammig Buhez, Al Liamm, 1954, p. 49.)
   • E-sell e oa d'ober mil hag he-deus greet kaz. — (Jules Gros, Le trésor du breton parlé Première Partie, 1966, p. 91.)
   • A-wechou pa vez e sell an den d'ober mil e ra kaz. — (Jules Gros, Le trésor du breton parlé Deuxième Partie, 1970, p. 243.)
   • Hennez a oa e sell d'ober mil hag e-neus greet kaz. — (Jules Gros, Le trésor du breton parlé Deuxième Partie, 1970, p. 355.)
   • E-sell on da c'houlenn kresk. — (Jules Gros, Le trésor du breton parlé Deuxième Partie, 1970, p. 460.)
   • Me a oa e sell da c'houlenn un dra bennak diganeoc'h. — (Jules Gros, Le trésor du breton parlé Première Partie, 1966, p. 10.)
2. Bezañ e-sell a un dra bennak
   • Me am-eus bet trawalh a boan o sevel ma bugale, ne oan ket e-sell a gen. — (Jules Gros, Le trésor du breton parlé Deuxième Partie, 1970, p. 460.)
   • Ne oan ket e-sell a ze. — (Jules Gros, Le trésor du breton parlé Deuxième Partie, 1970, p. 460.)
   • Ne oamp ket e-sell a ze. — (Jules Gros, Le trésor du breton parlé Troisième Partie, 1974, p. 124.)

Notenn

• en-sell, hervez distagadur Treger. "Reizhet" gant embannerien TBP.